प्रकासना री गल्ला 9:1 - मंडयाली नंऊँआं नियम

¹ होर जेबे पान्जुए स्वर्गदूते तुरही बजाई, ता मैं स्वर्गा ले धरती पर एक तारा पऊन्दा हुआ देख्या। होर तेस तारे जो डुगहे गड्ढे जो खोलणे री चाबी दितिरी थी।

प्रकासना री गल्ला 9:1 Iomraidhean Croise

लूका 10:18

तिन्हें तिन्हा किन्हें बोल्या, “हांऊँ जेबे दुस्टात्मे तुस्सा री गल मनी ली तेबे मैं सैताना जो बिजली साहीं स्वर्गा ले पऊन्दा देख्या करहा था।

लूका 8:31

होर तिन्हें तेस ले बौह्त अर्ज किती कि, “से तिन्हा जो डुगहे गड्ढे मन्झ जाणे रा हुक्म नी दे।”

रोमियो 10:7

होर ये भी देख्या बोलदा कि, “हेठ पताल लोका मन्झ मसीह जो मरिरे मन्झा ले जिउंदा करणे रे कठे केस जाणा?”

प्रकासना री गल्ला 1:18

होर हांऊँ ही आ, जो हमेसा रे कठे जिउंदा आ। हांऊँ मरी गईरा था, पर ऐबे जिउंदा हुई गईरा, होर जुग-जुग जिउंदा रेहणा। होर मौत होर पताल लोका री चाबिया मेरे वाले ई।”

प्रकासना री गल्ला 1:20

इन्हा सात तारे रा जो तैं मेरे सीधे हाथा मन्झ देखिरे थे, होर तिन्हा सात सोने री दीऊदानिया एक गहरा मतलब आ, जो ऐबे मां तुस्सा जो दसणा, जो पैहले कधी भी जाहिर नी कितिरा था। स्यों सात तारे सात कलीसिया रे दूत ऐं, होर स्यों सात सोने री दीऊदानिया सात कलीसिया ई।

प्रकासना री गल्ला 11:7

होर जेबे इन्हा दुहींया आपणी गुआही देई बैठणा, ता तेस राक्सा तेस डुगहे गड्ढे ले निकल्ना, तेस इन्हा दुहीं साउगी लड़ी किन्हें स्यों हराई देणे होर स्यों मारी देणे।

प्रकासना री गल्ला 17:8

जो राक्स तैं देख्या, ये पैहले ता जिउंदा था, पर ऐबे जिउंदा नी आ। से डुगहे गड्ढे ले निकल्ने वाल़ा आ, होर परमेसरा तेसरा नास करी देणा। होर धरती रे रैहणे वाले जिन्हा लोका रे नांऊँ संसारा जो रचणे ले पैहले ले ही जिन्दगी री कताबा मन्झ नी लिखिरे, तिन्हा सभिया एस राक्सा जो दबारा जिउंदे देखी किन्हें हरान हूंणां।”

प्रकासना री गल्ला 20:1

फेरी मैं एक स्वर्गदूत स्वर्गा ले उतरदे देख्या; जेसरे हाथा मन्झ डुगहे गड्ढे री चाबी, होर एक बडी जंजीर थी।

प्रकासना री गल्ला 20:10

होर तिन्हारा भरमाणे वाल़ा सैतान जो भी आगा री झीला मन्झ पाई दितेया जाणा, जो हमेसा गन्धका किन्हें भख्दी रही। तेथी तेस साउगी राक्स होर से झूठी भविष्यवाणी करणे वाल़ा भी हूंणां, होर तिन्हा राती ध्याड़ी जुग-जुग रे कठे पीड़ा मन्झ तड़फदे रैहणां।

प्रकासना री गल्ला 6:13

होर आसमाना रे तारे धरती पर एह्ड़े पई गये, जिहां बड़ी तेज आंधी ले हिली किन्हें अंजीरा रे डाला रे काचे फल पहूंआं ऐं।

प्रकासना री गल्ला 8:10

होर त्रीजे स्वर्गदूते तुरही बजाई, होर एक बडा तारा जो एह्ड़ा भखी करहा था, जिहां कोई दिऊआ भख्हिरा हो; से तारा आसमाना ले टूटेया होर दराऊआ रे एक तिहाई हिस्से पर, होर पाणी रे झरने पर पई गया।

प्रकासना री गल्ला 8:12

होर चौथे स्वर्गदूते तुरही बजाई, तेबे सूरजा री एक तिहाई, होर चांदा री एक तिहाई होर तारे री एक तिहाई कोई चीज आई किन्हें बजी होर से टूटी गये। जेसरी वजहा ले ध्याड़ीया रे एक तिहाई टैमा तक सुरजे प्रयासा नी कितेया, होर तिहां ई राती मन्झ एक तिहाई टैमा तक चांद होर तारे भी प्रयासा नी कितेया।

प्रकासना री गल्ला 8:2

फेरी मैं परमेसरा रे साम्हणें खड़े हूंणे वाले सात स्वर्गदूता जो देख्या, होर तिन्हा जो सात तुरहिया दिती गईरी थी।

प्रकासना री गल्ला 9:2

होर तिन्हें तेस डुगहे गड्ढे जो खोलेया, होर तेस गड्ढे रा धूआं बडी भठे रे धूएं साहीं उठेया। होर गड्ढे रे धुएं किन्हें सूरज होर हाऊआ काली हुई गई।