प्रकासना री गल्ला 8:9 - मंडयाली नंऊँआं नियम

⁹ होर समुद्रा मन्झ रैहणे वाले एक तिहाई जानवर मरी गये, होर एक तिहाई समुद्री जहाज नास हुई गये।

प्रकासना री गल्ला 8:9 Iomraidhean Croise

प्रकासना री गल्ला 12:4

होर तेसरी पूंछे आसमाना रे तारे रा एक तिहाई हिस्सा खिंजी किन्हें धरती पर डयाई दितेया। होर अजगर तेस्सा ज्नाने रे साम्हणें खड़ा हुई गया, ताकि अजगर बच्चे जो जणदे ही निगली ले।

प्रकासना री गल्ला 16:3

दूजे स्वर्गदूते जाई किन्हें आपणे डोंगें मन्झ ले परमेसरा रे गुस्से जो समुद्रा पर दली दितेया। होर झटपट समुद्रा रा पाणी मरिरे माह्णुं रे खूना साहीं बदली गया, होर एता री वजहा ले समुद्रा रा हर एक जानवर मरी गया।

प्रकासना री गल्ला 8:10

होर त्रीजे स्वर्गदूते तुरही बजाई, होर एक बडा तारा जो एह्ड़ा भखी करहा था, जिहां कोई दिऊआ भख्हिरा हो; से तारा आसमाना ले टूटेया होर दराऊआ रे एक तिहाई हिस्से पर, होर पाणी रे झरने पर पई गया।

प्रकासना री गल्ला 8:12

होर चौथे स्वर्गदूते तुरही बजाई, तेबे सूरजा री एक तिहाई, होर चांदा री एक तिहाई होर तारे री एक तिहाई कोई चीज आई किन्हें बजी होर से टूटी गये। जेसरी वजहा ले ध्याड़ीया रे एक तिहाई टैमा तक सुरजे प्रयासा नी कितेया, होर तिहां ई राती मन्झ एक तिहाई टैमा तक चांद होर तारे भी प्रयासा नी कितेया।

प्रकासना री गल्ला 8:7

जेबे पैहले स्वर्गदूते तुरही बजाई, तेबे झटपट बौह्त सारा सुणाट होर आगी खूना साउगी मिली किन्हें धरती पर डयाई दितेया गया। जेसरी वजहा ले एक तिहाई धरती फुख्ही गई, होर एक तिहाई डाल फुख्ही गये, होर एक तिहाई हरी घाह फुख्ही गई।

प्रकासना री गल्ला 9:15

होर स्यों चारो दूत खोल्ही दिते, होर स्यों पैहले ले ही त्यार थे। होर तिन्हो बोलिरा था कि, एस टैम, एस ध्याड़े, एस म्हीने होर एस साला जो न्हायल्दे रैहया। होर ऐबे टैम आई गईरा था। होर तिन्हा संसारा रे एक तिहाई लोक मारी देणे।

प्रकासना री गल्ला 9:18

तिन्हा घोड़े रे मुंहा ले निकल्ने वाले तीन भयानक कैहर, जो की आग, धूआं होर गंधक ई, तेता री वजहा ले धरती रे एक तिहाई लोक मरी गये।