प्रकासना री गल्ला 8:8 - मंडयाली नंऊँआं नियम

⁸ होर दूजे स्वर्गदूते तुरही बजाई, ता एह्ड़ा लग्या कि बड़े पहाड़ साहीं कोई चीज समुद्रा मन्झ डयाई दिती, जेसरी वजहा ले समुद्रा रा एक तिहाई हिस्सा खून बणी गया।

प्रकासना री गल्ला 8:8 Iomraidhean Croise

मरकुस 11:23

हांऊँ तुस्सा किन्हें सच्च बोल्हा कि, “जो कोई ऐस प्हाड़ा जो बोले, ‘तू पठ्ही जा, होर समुद्रा मन्झ पई जा,’ होर आपणे मना मन्झ सक नी करहे, पर विस्वास करहे कि, जो बोल्हा ऐं, से हुई जाणा, ता से तेसरे कठे से हुई जाणा।

प्रकासना री गल्ला 11:6

परमेसरे तिन्हा जो हक दितिरा कि जेबे स्यों भविस्यवाणी करहे ता बरखा जो रोकी सके। तिन्हो एस गल्ला रा भी हक दितिरा कि स्यों पाणी जो खूना साहीं लाल बणाई सके, होर धरती पर सभ किस्मा री भयानक विपति भेजी सके। जेबे-जेबे स्यों चाहे तेबे-तेबे स्यों एह्ड़ा करी सके।

प्रकासना री गल्ला 12:4

होर तेसरी पूंछे आसमाना रे तारे रा एक तिहाई हिस्सा खिंजी किन्हें धरती पर डयाई दितेया। होर अजगर तेस्सा ज्नाने रे साम्हणें खड़ा हुई गया, ताकि अजगर बच्चे जो जणदे ही निगली ले।

प्रकासना री गल्ला 8:7

जेबे पैहले स्वर्गदूते तुरही बजाई, तेबे झटपट बौह्त सारा सुणाट होर आगी खूना साउगी मिली किन्हें धरती पर डयाई दितेया गया। जेसरी वजहा ले एक तिहाई धरती फुख्ही गई, होर एक तिहाई डाल फुख्ही गये, होर एक तिहाई हरी घाह फुख्ही गई।

प्रकासना री गल्ला 9:15

होर स्यों चारो दूत खोल्ही दिते, होर स्यों पैहले ले ही त्यार थे। होर तिन्हो बोलिरा था कि, एस टैम, एस ध्याड़े, एस म्हीने होर एस साला जो न्हायल्दे रैहया। होर ऐबे टैम आई गईरा था। होर तिन्हा संसारा रे एक तिहाई लोक मारी देणे।

प्रकासना री गल्ला 9:18

तिन्हा घोड़े रे मुंहा ले निकल्ने वाले तीन भयानक कैहर, जो की आग, धूआं होर गंधक ई, तेता री वजहा ले धरती रे एक तिहाई लोक मरी गये।