प्रकासना री गल्ला 8:7 - मंडयाली नंऊँआं नियम

⁷ जेबे पैहले स्वर्गदूते तुरही बजाई, तेबे झटपट बौह्त सारा सुणाट होर आगी खूना साउगी मिली किन्हें धरती पर डयाई दितेया गया। जेसरी वजहा ले एक तिहाई धरती फुख्ही गई, होर एक तिहाई डाल फुख्ही गये, होर एक तिहाई हरी घाह फुख्ही गई।

प्रकासना री गल्ला 8:7 Iomraidhean Croise

याकूब 1:11

सूरज निकल्दे ई धूपा लग्हा होर घाहा जो सुकाई देहां, होर तेसरे फूल झड़ी जाहें, होर तेसरी सान चली जाहीं, तिहां ई अमीर भाई भी जो आपणे कामा जो करदे-करदे माटे मन्झ मिली जाणा।

1 पतरस 1:24

क्यूंकि पवित्र सास्त्रा मन्झ लिखिरा कि, “हर एक माह्णुं घाहा साहीं आं, होर तेसरी सुन्दरता जंगला रे फूला साहीं ईं, घाह सुक्की जाहाँ, होर फूल झड़ी जाहें।

प्रकासना री गल्ला 12:4

होर तेसरी पूंछे आसमाना रे तारे रा एक तिहाई हिस्सा खिंजी किन्हें धरती पर डयाई दितेया। होर अजगर तेस्सा ज्नाने रे साम्हणें खड़ा हुई गया, ताकि अजगर बच्चे जो जणदे ही निगली ले।

प्रकासना री गल्ला 16:2

इधी कठे पैहले स्वर्गदूते जाई किन्हें आपणा डोंगें मन्झ ले परमेसरा रे गुस्से जो धरती पर दली दितेया। होर जिन्हा लोके पर राक्सा री छाप लगिरी थी, होर जो तेसरी मूर्ति री अराधना करहा ऐं थे, तिन्हारे सरीर मन्झ भयानक फोड़े निकले, जो बौह्त पीड़ा दे थे।

प्रकासना री गल्ला 16:21

होर आसमाना ले माह्णुंआं रे प्र्याहले पर पंजाह किलो रे बडे-बडे सुणाट पये, इधी कठे तिन्हें परमेसरा री निंदा किती। क्यूंकि परमेसरा रे ज्रीए भेजिरे कैहरा ले लोका जो बड़ी पीड़ा सहन करणी पहूंआं ईं।

प्रकासना री गल्ला 6:8

तेबे मैं एक पिऊले रंगा रे घोड़े जो आऊंदे हुए देखेया, होर तेसरे सुआरा रा नांऊँ मौत आ। होर पताल लोक तेसरे पीछे-पीछे आई करहा था। होर तिन्हा जो धरती पर रैहणे वाले एक चौथाई लोका जो मारने रा हक मिलिरा था। तिन्हें लोका जो तलवारा किन्हें, अकाल किन्हें, होर बड़ी ब्मरिया लगाई किन्हें मारी दितेया। होर धरती रे जंगली जानवरा रे ज्रीए भी लोका जो मारी दितेया।

प्रकासना री गल्ला 7:1

एता ले बाद मैं धरती रे चारो कुणे पर चार स्वर्गदूत खड़ीरे देखे। होर तिन्हों स्वर्गदूता जो परमेसरे हक दितिरा था कि स्यों संसारा रा बुरी ब्मरिया लगाई किन्हें नुकसान करहे। चाहे समुद्र मन्झ या जमीन पर, होर तिन्हें हाऊआ जो संसारा रे चारो वखा ले रोकी लितेया। इधी कठे समुद्र मन्झ, या जमीन पर, होर जंगला मन्झ हाऊआ नी चलदी लगिरी थी। फेरी मैं दूजे स्वर्गदूता जो पुरबा दिसा ले ऊपरा वखा जो आऊंदे देख्या, तेस वाले परमेसरा री मोहर थी जो हमेसा रे कठे जिउंदी, तिन्हें स्वर्गदूते इन्हा चारो स्वर्गदूता किन्हें उची अवाजा लगाई किन्हें बोल्या,

प्रकासना री गल्ला 9:15

होर स्यों चारो दूत खोल्ही दिते, होर स्यों पैहले ले ही त्यार थे। होर तिन्हो बोलिरा था कि, एस टैम, एस ध्याड़े, एस म्हीने होर एस साला जो न्हायल्दे रैहया। होर ऐबे टैम आई गईरा था। होर तिन्हा संसारा रे एक तिहाई लोक मारी देणे।

प्रकासना री गल्ला 9:18

तिन्हा घोड़े रे मुंहा ले निकल्ने वाले तीन भयानक कैहर, जो की आग, धूआं होर गंधक ई, तेता री वजहा ले धरती रे एक तिहाई लोक मरी गये।

प्रकासना री गल्ला 9:4

होर तिन्हा टिटले किन्हें बोल्या गया कि ना धरती री घाह जो, ना केसी बूटे जो, ना केसी डाला जो नुकसान पुजाया। सिर्फ तिन्हा माह्णुंआं जो पांज महीने तक एह्ड़ी पीड़ा देंदे रैहया, जिहां जे बिछुआ रे डसणे ले पीड़ हुई। ये स्यों लोक ऐं जिन्हारे माथे पर परमेसरा री मोहर नी लगिरी थी।