प्रकासना री गल्ला 8:5 - मंडयाली नंऊँआं नियम

⁵ होर स्वर्गदूते धूपदानी लई किन्हें से भखिरे कोयले किन्हें भरी दिती, जो बेदी पर रखिरी थी, होर धरती पर डयाई दिती। होर जेस ले बिजलिया री चमक होर बादला री गड़गड़ाहट री अवाज, होर हिलण हुन्दा लगेया।

प्रकासना री गल्ला 8:5 Iomraidhean Croise

मत्ती 24:7

क्यूंकि एक जातिया दूजी जाति रे बरखलाफ, होर एक राज्या दूजे राज्या रे बरखलाफ लड़ाई करणी, होर कई जगहा पर हिलण हूंणे, होर अकाल पौऊणे।

लूका 12:49

“हांऊँ धरती पर आग लगान्दा आईरा; होर हांऊँ क्या चाहां सिर्फ ये कि ये आग ऐबे भड़की जाए!

चुणिरे चेले रे काम 16:26

कि इतने मन्झ अचानक बड़ा हिलण हुएया, एथी तक कि जेल्हा री नींव हिली गई, होर झटपट सभ दुराजे खुल्ही गये; होर सभी रे बंधन खुल्ही गये।

चुणिरे चेले रे काम 4:31

जेबे स्यों प्रार्थना करी बैठे, ता से जगहा जेथी स्यों कठे हुईरे थे हिल्ली गया, होर स्यों सभ पवित्र आत्मा किन्हें भर्ही गऐ, होर परमेसरा रा बचन न्डरे सुणान्दे रैहे।

प्रकासना री गल्ला 11:13

फेरी ठीक तेस ई टैम यरुस्लेम सैहरा मन्झ एक बड़ा हिलण हुआ, होर सैहरा रे घरा रा एक तिहाई हिस्सा ढली गया। होर तेस हिलणा ले सात हजार माह्णुं मरी गये, होर बाकि जितने लोक बचिरे थे स्यों डरी किन्हें चिंगदे लगे, होर स्वर्गा रे परमेसरा री महानता रे कठे तेसरी बढ़ाई करदे लगे।

प्रकासना री गल्ला 11:19

होर परमेसरा रा मन्दर जो स्वर्गा मन्झ आ, से खोल्ही दितेया, होर तेसरे मन्दरा मन्झ वाचा रा सन्दूक सुझ्या। होर बिजलिया री चमक होर बादला री गड़गड़ाहट री अवाजा होर हिलण हुए, होर बौह्त ज्यादा सुणाटा री भरमार हुई।

प्रकासना री गल्ला 4:5

होर तेस्सा राजगद्दिया मन्झा ले बिजलिया री चमक होर बादला री गड़गड़ाहट री अवाजा निकलेया करहा ई थी। होर राजगद्दी रे साम्हणें सात दिऊये भख्या करहा ऐं थे, होर जो परमेसरा री सात आत्मा थी।

प्रकासना री गल्ला 6:12

होर जेबे मैं छेलू जो छ्ठुही मोहर खोल्दे हुए देख्या ता बौह्त बडा हिलण हुआ। होर सूरज काली ऊना ले बणिरे टाट रे कपड़े साहीं काला, होर चांद पूरा खूना साहीं लाल हुई गया।

प्रकासना री गल्ला 8:3

फेरी तेथी ले दूजा स्वर्गदूत आई किन्हें धूपा री बेदी वाले खड़ी गया। तेस स्वर्गदूता वाले सोने री धूपदानी थी, होर तेस जो बौह्त सारा धूप दितेया कि से सभ परमेसरा रे पवित्र लोका री प्रार्थना समेत तेस जो भ्खाई सके। तिन्हें तेस धूपा जो होर प्रार्थना जो सोने री तेस्सा बेदी पर भ्खाई, जो परमेसरा री राजगद्दी रे साम्हणें थी।