प्रकासना री गल्ला 8:3 - मंडयाली नंऊँआं नियम

³ फेरी तेथी ले दूजा स्वर्गदूत आई किन्हें धूपा री बेदी वाले खड़ी गया। तेस स्वर्गदूता वाले सोने री धूपदानी थी, होर तेस जो बौह्त सारा धूप दितेया कि से सभ परमेसरा रे पवित्र लोका री प्रार्थना समेत तेस जो भ्खाई सके। तिन्हें तेस धूपा जो होर प्रार्थना जो सोने री तेस्सा बेदी पर भ्खाई, जो परमेसरा री राजगद्दी रे साम्हणें थी।

प्रकासना री गल्ला 8:3 Iomraidhean Croise

लूका 1:10

होर धुपबत्ती भ्खाणे रे टैमा लोका री सारी मण्डली मंदरा रे आंघणा मन्झ बाहर प्रार्थना करेया करहा ई थी।

रोमियो 8:34

कोई आस्सा पर सजा रा हुक्म नी देई सकदा। क्यूंकि मसीह यीसू ही से आ जो मरी गया होर मरिरे मन्झा ले भी जिउंदा हुई गया। से परमेसरा रे सीधी वखा जो आ, होर आस्सा रे कठे अर्ज भी करहा।

इब्रानियो 7:25

इधी कठे जो यीसू मसीह रे ज्रीए परमेसरा वाले आहूँए, से तिन्हारा पूरा-पूरा उद्धार करी सक्हा, क्यूंकि से तिन्हारे कठे बिनती करणे रे कठे हमेसा जिउंदा आ।

इब्रानियो 9:4

तेस कमरे मन्झ सोने री धुपदानी, होर चारो वखा ले सोने ले मढ़ीरा लकड़ी रा संदूक जेस जो वाचा रा संदूक भी बोली जाहाँ रखिरा था। होर तेस संदूका मन्झ सोने रे भांडे मन्झ मन्ना भ्हरिरा रखिरा था, होर हारूना रा डंडा जेस मन्झ कोमल फूल होर पातरा लगे थे, होर पात्थरा री पटिया जेस पर वाचा लिखी गईरी थी, से रखिरी थी।

प्रकासना री गल्ला 10:1

फेरी मैं एक होर सामर्थी स्वर्गदूत स्वर्गा ले उतरदे देख्या, जो बादल किन्हें ढख्ही रखिरा था। होर एक मेघ-धनुसे तेसरे मुंडा जो घेरी रखीरा था। होर तेसरा मुंह सूरजा साहीं चमकी करहा था, होर तेसरे पैर आगी रे खम्बे साहीं थे।

प्रकासना री गल्ला 14:18

फेरी तेता ले बाद एक होर स्वर्गदूत यानि छठुआं स्वर्गदूत आया, जेस वाले बेदी पर धूपदानी भ्खाणे रा हक था। तिन्हें स्वर्गदूते दूजे स्वर्गदूता जो जेसरे हाथा मन्झ तेज दराटी थी, तिन्हें तेस किन्हें चिंगी किन्हें बोल्या, “धरती रे अंगूरा रे गुच्छे जो काटी ले, क्यूंकि अंगूर पक्की चुकिरे।”

प्रकासना री गल्ला 5:8

होर जेबे तिन्हें से कताब लई लिती, ता स्यों चारो प्राणी होर चौबी अगुवे तेस छेलू रे पैरा पर पई गये। होर हर एकी अगुवे रे हाथा मन्झ सोने रा डोंगा होर वीणा थी, होर से डोंगा तेस धूपा किन्हें भरिरा था, जो परमेसरा रे पवित्र लोका री प्रार्थना जो दसी थी।

प्रकासना री गल्ला 6:9

होर जेबे छेलूए पान्जुहीं मोहर खोल्ही, ता मैं बेदी रे हेठ तिन्हा लोका रे प्राण देखे। जिन्हा जो परमेसरा रे बचना रे कठे भरोसे रे लायक रैहणे री वजहा ले, होर तिन्हो यीसू जो आपणा प्रभु मन्नणे रे कठे कधी नांह नी कितिरी थी, एस वजहा ले स्यों मारी दितिरे थे।

प्रकासना री गल्ला 8:4

होर जो धूप स्वर्गदूते भ्खाई रा था तेस धूपा रा धुआं परमेसरा रे पवित्र लोका री प्रार्थना समेत परमेसरा रे साम्हणें पूजी गया।

प्रकासना री गल्ला 8:5

होर स्वर्गदूते धूपदानी लई किन्हें से भखिरे कोयले किन्हें भरी दिती, जो बेदी पर रखिरी थी, होर धरती पर डयाई दिती। होर जेस ले बिजलिया री चमक होर बादला री गड़गड़ाहट री अवाज, होर हिलण हुन्दा लगेया।

प्रकासना री गल्ला 9:13

होर जेबे छठुहे स्वर्गदूते तुरही बजाई ता सोने री बेदी जो परमेसरा रे साम्हणें ई, होर जेता रे प्र्याहले धुप भखाहें, तेता रे चारों कुणेया मन्झा ले मैं एक अवाज सुणी।