प्रकासना री गल्ला 8:1 - मंडयाली नंऊँआं नियम

¹ फेरी छेलू सातुहीं मोहर खोल्ही ता स्वर्गा मन्झ कोई आधा घंटे तक सन्नाटा छाई रैंहयां।

प्रकासना री गल्ला 8:1 Iomraidhean Croise

मत्ती 27:66

इधी कठे स्यों स्पाहीया जो आपणे साउगी लई गये, होर पात्थर पर मोहर ल्गाई किन्हें डुआरा री रखवाली किती।

प्रकासना री गल्ला 5:1

होर जो राजगद्दी पर बैठिरा था, मैं तेसरे सीधे हाथा मन्झ एक कताब देखी, जेता रे दुहीं पासे लिखिरा था। होर से कताब सात मोहर ल्गाई किन्हें बंद करी दितिरी थी।

प्रकासना री गल्ला 5:9

होर स्यों ये नंऊँआं गाणा गान्दे लगे कि, “तू एस कताबा री मोहरा जो तोड़ने, होर खोलणे रे लायक आ, क्यूंकि तू मारी दितिरा था, होर आपणा खून जो तैं क्रूसा प्रयाल्हे बहाईरा था, तेता रे ज्रीए तैं, लग-लग देसा रे लोका, होर हर कुला रे लोका, होर जातिया रे लोका, होर लग-लग भासा बोलणे वाले लोका, परमेसरा रे कठे लोका जो छुड़ाई लितेया।

प्रकासना री गल्ला 6:1

फेरी मैं देख्या कि छेलूए तिन्हा सात मोहरा मन्झा ले एक मोहर खोल्ही, होर तिन्हा चारो प्राणिया मन्झा ले एकी जो अवाज देंदे सुणेया, तेसरी अवाज बादला री गर्जना साहीं भारी थी। होर तिन्हें बोल्या, “जा आगे जा।”

प्रकासना री गल्ला 6:12

होर जेबे मैं छेलू जो छ्ठुही मोहर खोल्दे हुए देख्या ता बौह्त बडा हिलण हुआ। होर सूरज काली ऊना ले बणिरे टाट रे कपड़े साहीं काला, होर चांद पूरा खूना साहीं लाल हुई गया।

प्रकासना री गल्ला 6:3

होर जेबे छेलूए दूजी मोहर खोल्ही, ता मैं दूजे प्राणी जो ये बोल्दे सुणेया कि, “आऊ!”

प्रकासना री गल्ला 6:5

होर जेबे छेलूए त्रीजी मोहर खोल्ही, ता मैं त्रीजे प्राणी जो ये बोल्दे सुणेया कि, “आऊ!” होर तेबे मैं एक काले रंगा रे घोड़े जो आऊंदे हुए देखेया। होर तेसरे सुआरा रे हाथा मन्झ एक त्राक्कड़ी थी।

प्रकासना री गल्ला 6:7

होर जेबे छेलूए चौथी मोहर खोल्ही, ता मैं चौथे प्राणी जो ये बोल्दे सुणेया कि, “आऊ!”

प्रकासना री गल्ला 6:9

होर जेबे छेलूए पान्जुहीं मोहर खोल्ही, ता मैं बेदी रे हेठ तिन्हा लोका रे प्राण देखे। जिन्हा जो परमेसरा रे बचना रे कठे भरोसे रे लायक रैहणे री वजहा ले, होर तिन्हो यीसू जो आपणा प्रभु मन्नणे रे कठे कधी नांह नी कितिरी थी, एस वजहा ले स्यों मारी दितिरे थे।