प्रकासना री गल्ला 7:9 - मंडयाली नंऊँआं नियम

⁹ एता ले बाद मैं देख्या कि मेरे साम्हणें एक बडी भीड़ खड़ी थी, जेसरी गिणती कोई नी करी सक्दा था। तेस्सा भीड़ा मन्झ लग-लग देसा रे लोक, होर हर कुला रे लोक, होर जातिया रे लोक, होर लग-लग भासा बोलणे वाले लोक थे, स्यों तेस राजगद्दी होर तेस छेलू रे साम्हणें खड़ीरे थे। तिन्हें चिटे कपड़े पैहनीरे थे, होर खुसी मनाणे रे रूपा मन्झ तिन्हें आपणे हाथा मन्झ खजरे रे पांगे लईरे थे।

प्रकासना री गल्ला 7:9 Iomraidhean Croise

लूका 12:1

इतने मन्झ, हज़ारा रे स्हाबे लोक यीसू रे चारो तरफ कठे हुई गये, लोका री भीड़ इतनी ज्यादा थी कि स्यों एक दूजे जो जिक्दे हुए तिन्हा प्रयाल्हे पई जाया करहा ऐं थे, पर सभी ले पैहले यीसू आपणे चेले किन्हें बोल्दा लग्या, “तुस्से चतन्न रैहया ताकि तुस्से फरीसी लोका साहीं देख्या बणदे, जो लोका रे साम्हणें धर्मा रे काम करहा ऐं, पर कल्हे मन्झ बुरे काम करहा ऐं, जिहां स्जेड़ा आटे रे ढेरा जो स्जेड़ा करी देहां आं तिहां ईं तिन्हारा बुरा व्यवहार दूजे जो तिन्हा साहीं पाखंडी बणाई देहां।

लूका 21:36

इधी कठे त्यार रैहया होर हर टैम प्रार्थना करदे रैहया ताकि तुस्से इन्हा सभी आऊणें वाली घटना ले बचणे, होर हांऊँ माह्णुं रे मह्ठे रे साम्हणें खड़ने रे लायक बणी सको।”

यहून्ना 12:13

तिन्हें खजरे रे पांगे लये, होर यीसू किन्हें मिलणे रे कठे निकली गये, होर चिंगी -चिंगी किन्हें बोलदे लगे, “परमेसरा री बड़ाई हो! धन्य आ इस्राएल देसा रा राजा, जो प्रभु रे हका ले आहूँआं।”

रोमियो 11:25

हे भाईयो होर बैहणो, हांऊँ चाहां कि तुस्से एस गुप्त सच्चाई जो समझी लो ताकि तुस्से बडयाई ना करो। होर इस्राएल रे लोका रे बारे मन्झ गुप्त सच्चाई ये ही कि जेबे तक सब अन्यजाति रे लोक मसीह वाले नी आई जांदे, तेबे तक इस्राएल देसा रे कुछ लोका एह्ड़े ही ढीठ बणी रैंह्णां।

इब्रानियो 11:12

होर एस वजहा ले जेबे तेस्सा रा लाड़ा अब्राहम इतना खपरा हुई गईरा था कि से मरणे वाल़ा ही था, फेरी भी तिन्हें आसमाना रे तारे होर समुद्रा रे बाढे रे रेते रे कणा साहीं, तेसरा बेहिसाब बंस जम्मेया।

इब्रानियो 12:22

पर तुस्से सिय्योना रे प्हाड़ा पर आई गईरे जो जिउंदे परमेसरा रा स्वर्गीय यरुस्लेम सैहरा आ, होर तेथी बेहिसाब स्वर्गदूत खुसी रा साजा बणाए।

प्रकासना री गल्ला 11:15

होर जेबे सातुऐ स्वर्गदूते तुरही बजाई, ता मैं स्वर्गा मन्झ बौह्त भारी अवाज सुणी। होर तेस अवाजा ये बोल्या कि, “आस्सा रा प्रभु परमेसर होर तेसरा चुणिरा मसीह पुरे संसारा मन्झ राज करणे रा हक मिलिरा, होर आस्सा रे परमेसरा जुग-जुग राज करणा।”

प्रकासना री गल्ला 22:3

परमेसरा ले स्रापित कोई चीज तेस सैहरा मन्झ नी हूंणां। परमेसर होर छेलू री राजगद्दी तेस सैहरा मन्झ हूणीं, होर परमेसरा रे सेऊआदारा तेसरी अराधना करणी।

प्रकासना री गल्ला 3:18

इधी कठे हांऊँ तुजो सलाह देहां कि, आगी मन्झ तपाईरा सोना मेरे ले खरीदी ले, ताकि तू सच्चे अमीर हुई जाए। होर चिटे कपड़े लई ले पैन्ही ले, ताकि आपणे नांगेपना री वजहा ले तू लोका रे साम्हणें सर्मिन्दा नी हो। होर आपणी हाखी मन्झ लगाणे रे कठे मेरे ले ये लेप भी लेई ले, ताकि तू देखी सके।

प्रकासना री गल्ला 4:4

होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।

प्रकासना री गल्ला 5:11

होर जेबे मैं दबारा देख्या, ता राजगद्दी रे चारों पासे स्यों प्राणी, अगुवे होर बौह्त सारे स्वर्गदूता री अवाज सुणी, जिन्हारी गिणती लाखा करोड़ा री थी।

प्रकासना री गल्ला 5:9

होर स्यों ये नंऊँआं गाणा गान्दे लगे कि, “तू एस कताबा री मोहरा जो तोड़ने, होर खोलणे रे लायक आ, क्यूंकि तू मारी दितिरा था, होर आपणा खून जो तैं क्रूसा प्रयाल्हे बहाईरा था, तेता रे ज्रीए तैं, लग-लग देसा रे लोका, होर हर कुला रे लोका, होर जातिया रे लोका, होर लग-लग भासा बोलणे वाले लोका, परमेसरा रे कठे लोका जो छुड़ाई लितेया।

प्रकासना री गल्ला 6:11

तेबे तिन्हा मन्झा ले हर एकी जो चिटे कपड़े दिते, होर परमेसरे तिन्हा किन्हें बोल्या कि, “थोड़ी देरा तक न्हयाल्दे रेहा, क्यूंकि ऐबे भी तुस्सा रे संगी सेऊआदार होर संगी विस्वासी लोक ऐं जिन्हा जो भी तुस्सा साहीं मारी दिते जाणे। होर जेबे मारे जाणे वाले री गिणती पूरी हुंगी तेबे मां बदला लेणा।”

प्रकासना री गल्ला 7:8

जबूलून रे गोत्रा मन्झा ले बारा हजारा पर, युसुफा रे गोत्रा मन्झा ले बारा हजारा पर, होर बिन्यामिना रे गोत्रा मन्झा ले बारा हजारा पर मोहर ल्गाई दिती।