प्रकासना री गल्ला 7:4 - मंडयाली नंऊँआं नियम

⁴ होर जेबे स्वर्गदूते मोहर ल्गाई दिती, तेबे केसिए मेरे किन्हें बोल्या कि, जिन्हा लोका रे माथे पर परमेसरा री मोहर लगिरी, तिन्हारी गिणती एक लाख चुताली हजार थी। ये लोक इस्राएला रे बारा गोत्रा मन्झा ले थे।

प्रकासना री गल्ला 7:4 Iomraidhean Croise

मत्ती 19:28

यीसूए चेले किन्हें बोल्या, “हांऊँ तुस्सा किन्हें सच्च बोल्हा कि, नौंईं सृस्टी मन्झ जेबे मां माह्णुं रे मह्ठे आपणी महिमा री राजगद्दी पर बैठणा, ता तुस्सा भी जो मेरे चेले बणिरे, तुस्सा बारा राजगद्दी पर बैठी किन्हें इस्राएल देसा रे बारा गोत्रा रा न्याय करणा।

लूका 14:22

सेऊआदारे दबारा बोल्या, ‘हे माल्का, जेह्ड़ा तैं बोल्या था, तेह्ड़ा ई आस्से करी दितेया, पर हली भी जगहा बाकि ई।’

लूका 22:30

ताकि तुस्से मेरे राजा मन्झ मेरी मेजा पर खाऊआ पिऊआ; बल्कि राजगद्दी पर बैठी किन्हें इस्राएल देसा रे बारा गोत्रा रा न्याय करा।”

चुणिरे चेले रे काम 26:7

तेस्सा वाचा रे पुरे हूंणे री आस लगाए हुए, आस्सा रे बारा गोत्र आपणे सारे मना ले राती ध्याड़ी परमेसरा री अराधना करदे आईरे। हे राजा, एस ई उम्मीदा रे बारे मन्झ यहूदी लोक मुंजो पर इल्जाम ल्गाहें।

रोमियो 9:27

होर यसायाह नबिये इस्राएल देसा रे लोका रे बारे मन्झ हाका पाई किन्हें बोल्हा, “चाहे इस्राएल देसा रे लोका री गिणती समुद्रा रे रेते रे बराबर हो, तेबे भी तिन्हा मन्झा ले कम ही बचणे।

याकूब 1:1

हांऊँ याकूब, परमेसरा होर प्रभु यीसू मसीह रा सेऊआदार आ। हांऊँ ये चिठ्ठी तिन्हा यहूदी विस्वासिया रे बारा गोत्रा जो संसारा मन्झ तितर-बितर हुई किन्हें रैंहयां ऐं लिख्दा लगिरा। तुस्सा सभी जो मेरा नमस्कार।

प्रकासना री गल्ला 14:1

तेता बाद मैं कुछ होर देख्या, से छेलू सिय्योना रे प्हाड़ा पर खड़ीरा आ। होर तेस साउगी एक लाख चुताली हज़ार लोक थे, जिन्हारे माथे पर छेलू रा होर तेसरे बापू रा नांऊँ लिखिरा था।

प्रकासना री गल्ला 14:3

होर स्यों एक लाख चुताली हज़ार लोक राजगद्दी रे होर चारो प्राणिया रे होर चौबी अगुवो रे साम्हणें खड़ी किन्हें, स्यों एक नंऊँआं गाणा गाया करहा ऐं थे, जो कोई ये गाणा नी सीखी सक्दा था। होर इन्हा लोका जो परमेसरे संसारा मन्झ रैहणे वाले लोका मन्झ ले मुले लई किन्हें छुड़ाईरे थे।

प्रकासना री गल्ला 7:5

यहूदा रे गोत्रा मन्झा ले बारा हजारा पर मोहर ल्गाई दिती। रुबेना रे गोत्रा मन्झा ले बारा हजारा पर, गादा रे गोत्रा मन्झा ले बारा हजारा पर।

प्रकासना री गल्ला 9:16

तिन्हें घोड़े पर सुआर स्पाही री एक बौह्त बडी सेना कठ्ठा किती, होर मैं तिन्हारी गिणती सुणी कि, स्यों बीह करोड़ लोक ऐं।