प्रकासना री गल्ला 7:3 - मंडयाली नंऊँआं नियम

³ “जेबे तक आस्से आपणे परमेसरा रे सेऊआदारा रे माथे पर तिन्हा बुरी ब्मरिया ले बचने रे कठे मोहर नी ल्गाई दे, तेबे तक जमीना रा, समुद्रा रा, होर जंगला रा नुकसान देख्या करदे।”

प्रकासना री गल्ला 7:3 Iomraidhean Croise

मत्ती 24:22

होर अगर स्यों ध्याड़े नी घटाए जांदे, ता कोई भी प्राणी नी बचदा; पर चुणिरे लोका री वजहा ले स्यों ध्याड़े घटाये जाणे।

मत्ती 24:31

होर तेस धरती पर आपणे स्वर्गदूत बड़ी तुरही री अवाज किन्हें भेजणे, ताकि स्यों धरती रे हर जगहा ले चुणिरे लोक कठे करहे।”

यहून्ना 12:26

अगर जो कोई मेरी सेऊआ करणा चाहां, ता से आई किन्हें मेरा चेला बणे; होर जेथी हांऊँ आ तेथी मेरा सेऊआ करणे वाल़ा भी हूंणां। अगर कोई मेरी सेऊआ करघा, ता बापू तेसरी इज्जत करणी।”

यहून्ना 3:33

पर जिन्हें जे तेसरी गल्ला मनी लई तिन्हें एस गल्ला री छाप लगाई दिती कि परमेसर सच्चा आ।

रोमियो 6:22

पर ऐबे पापा ले छुटकारा पाई किन्हें होर परमेसरा रे गुलाम बणी किन्हें तुस्से एह्ड़े काम करहे जो पवित्रता री वखा जो लेई जाहें, होर एह्ड़े कामा रा अंत अनंत जिन्दगी ई।

प्रकासना री गल्ला 13:16

होर जितने छोटे-बड़े अमीर-गरीब, अजाद-गुलाम लोक ऐं, सभी रे सीधे हाथा या तिन्हारे माथे पर एक-एक छाप लगा दे।

प्रकासना री गल्ला 13:17

ताकि जेस पर ये छाप लगिरी हो, सेई लेण देण करी सके। ये छाप पैहले राक्सा रा नांऊँ या से अंक था, जो तेसरे नांऊँआ जो दस्हा।

प्रकासना री गल्ला 14:1

तेता बाद मैं कुछ होर देख्या, से छेलू सिय्योना रे प्हाड़ा पर खड़ीरा आ। होर तेस साउगी एक लाख चुताली हज़ार लोक थे, जिन्हारे माथे पर छेलू रा होर तेसरे बापू रा नांऊँ लिखिरा था।

प्रकासना री गल्ला 14:9

फेरी त्रिजा स्वर्गदूत तिन्हा दुहीं स्वर्गदूता रे पीछे ले आया होर तिन्हें उच्ची अवाज किन्हें बोल्या, “जो कोई तेस राक्सा री होर तेसरी मूर्ति री अराधना करदा हो, होर आपणे माथे या आपणे हाथा पर तेसरी छाप ल्गाई हो, तिन्हो परमेसरा बौह्त बड़ी सजा देणी। ये एह्ड़ा हूंणा जिहां कि तिन्हें नीट सराब पितिरी हो जो परमेसरे आपु तेस डोंगें मन्झ पाईरा जो तेसरे गुस्से जो दसा। परमेसरा लोका तिन्हा जो आपणे पवित्र स्वर्गदूता होर छेलू रे साम्हणें जल्दे हुए गन्धका किन्हें बौह्त ज्यादा पीड़ा देणी।

प्रकासना री गल्ला 19:2

तेसरी बढ़ाई करहा, क्यूंकि से सही होर सच्चा न्याय करहा, तिन्हें तेस बड़े सैहरा जो सजा दिती जो बड़ी वेस्या साहीं आ, क्यूंकि तिन्हें संसारा रे लोका जो भरमाया कि स्यों पाप करहे, परमेसरे तेस ले तेसरे बुरे कामा रा बदला लितेया, क्यूंकि तिन्हें परमेसरा रे सेऊआदारा जो मारी दितिरा था।”

प्रकासना री गल्ला 20:4

फेरी मैं कुछ राजगद्दिया देखी, जिन्हा पर स्यों लोक बैठिरे थे, जिन्हारा मूंड यीसू मसीह रे बारे मन्झ खबर होर परमेसरा रे बचना सुनाणे री वजहा ले काटे गईरे थे। होर इन्हें लोके तेस राक्सा री, होर ना तेसरी मूर्ति री अराधना कितिरी थी, होर तिन्हें तेस राक्सा री छाप आपणे माथे होर आपणे हाथा पर लगाई री थी। स्यों मरिरे मन्झ ले जिउंदे हुई किन्हें राजगद्दिया पर बैठी गये। परमेसरे तिन्हो राज करणे रा हक दितेया, होर तिन्हें मसीह साउगी हज़ार साला तक राज कितेया।

प्रकासना री गल्ला 22:4

होर तिन्हा परमेसर आम्हणें-साम्हणें देखणा, होर तेसरा नांऊँ तिन्हारे माथे पर लिखिरा हूंणां।

प्रकासना री गल्ला 6:6

होर मैं तिन्हा चारो प्राणिया रे बीचा मन्झ एक माह्णुं साहीं केसी री अवाजा जो ये बोलदे हुए सुणेया कि, “आऊणें वाले ध्याड़े मन्झ धरती पर अकाल पऊणा। इधी कठे एक किल्लो कणक होर तीन किल्लो जऊआ री कीमत पुरे एक ध्याड़े री कमाई रे बराबर हूणीं। पर तेल होर अंगूरा रे रसा री कीमत नी बदलणी, क्यूंकि तिन्हारा नुकसान नी कितेया जाणा।”

प्रकासना री गल्ला 7:1

एता ले बाद मैं धरती रे चारो कुणे पर चार स्वर्गदूत खड़ीरे देखे। होर तिन्हों स्वर्गदूता जो परमेसरे हक दितिरा था कि स्यों संसारा रा बुरी ब्मरिया लगाई किन्हें नुकसान करहे। चाहे समुद्र मन्झ या जमीन पर, होर तिन्हें हाऊआ जो संसारा रे चारो वखा ले रोकी लितेया। इधी कठे समुद्र मन्झ, या जमीन पर, होर जंगला मन्झ हाऊआ नी चलदी लगिरी थी। फेरी मैं दूजे स्वर्गदूता जो पुरबा दिसा ले ऊपरा वखा जो आऊंदे देख्या, तेस वाले परमेसरा री मोहर थी जो हमेसा रे कठे जिउंदी, तिन्हें स्वर्गदूते इन्हा चारो स्वर्गदूता किन्हें उची अवाजा लगाई किन्हें बोल्या,

प्रकासना री गल्ला 9:4

होर तिन्हा टिटले किन्हें बोल्या गया कि ना धरती री घाह जो, ना केसी बूटे जो, ना केसी डाला जो नुकसान पुजाया। सिर्फ तिन्हा माह्णुंआं जो पांज महीने तक एह्ड़ी पीड़ा देंदे रैहया, जिहां जे बिछुआ रे डसणे ले पीड़ हुई। ये स्यों लोक ऐं जिन्हारे माथे पर परमेसरा री मोहर नी लगिरी थी।