प्रकासना री गल्ला 7:1 - मंडयाली नंऊँआं नियम

^1-2 एता ले बाद मैं धरती रे चारो कुणे पर चार स्वर्गदूत खड़ीरे देखे। होर तिन्हों स्वर्गदूता जो परमेसरे हक दितिरा था कि स्यों संसारा रा बुरी ब्मरिया लगाई किन्हें नुकसान करहे। चाहे समुद्र मन्झ या जमीन पर, होर तिन्हें हाऊआ जो संसारा रे चारो वखा ले रोकी लितेया। इधी कठे समुद्र मन्झ, या जमीन पर, होर जंगला मन्झ हाऊआ नी चलदी लगिरी थी। फेरी मैं दूजे स्वर्गदूता जो पुरबा दिसा ले ऊपरा वखा जो आऊंदे देख्या, तेस वाले परमेसरा री मोहर थी जो हमेसा रे कठे जिउंदी, तिन्हें स्वर्गदूते इन्हा चारो स्वर्गदूता किन्हें उची अवाजा लगाई किन्हें बोल्या,

प्रकासना री गल्ला 7:1 Iomraidhean Croise

मत्ती 24:31

होर तेस धरती पर आपणे स्वर्गदूत बड़ी तुरही री अवाज किन्हें भेजणे, ताकि स्यों धरती रे हर जगहा ले चुणिरे लोक कठे करहे।”

मरकुस 13:27

तेस टैम तेस आपणे स्वर्गदूत भेजणे, ताकि स्यों धरती रे हर जगहा ले चुणिरे लोक कठे करहे।”

प्रकासना री गल्ला 20:8

तेस देस-देसा रे लोका जो भरमाणे रे कठे बाहर निकलणा जो पुरे संसारा मन्झ फैलीरे। होर स्यों इन्हा देसा जो गोग होर मागोग बोल्हे, जिन्हारे बारे मन्झ यहेजकेल नबिये बोलिरा था। सैताना स्यों सभ तेस जगहा कट्ठे करणे जेथी तिन्हा सभिया लड़ाई करणी। होर तेस किन्हें बौह्त सारे लोक हूंणे जिन्हारी गिणती समुद्रा रे रेते बराबर हूणीं, जिन्हों कोई गिणी नी सकदा।

प्रकासना री गल्ला 6:6

होर मैं तिन्हा चारो प्राणिया रे बीचा मन्झ एक माह्णुं साहीं केसी री अवाजा जो ये बोलदे हुए सुणेया कि, “आऊणें वाले ध्याड़े मन्झ धरती पर अकाल पऊणा। इधी कठे एक किल्लो कणक होर तीन किल्लो जऊआ री कीमत पुरे एक ध्याड़े री कमाई रे बराबर हूणीं। पर तेल होर अंगूरा रे रसा री कीमत नी बदलणी, क्यूंकि तिन्हारा नुकसान नी कितेया जाणा।”

प्रकासना री गल्ला 7:3

“जेबे तक आस्से आपणे परमेसरा रे सेऊआदारा रे माथे पर तिन्हा बुरी ब्मरिया ले बचने रे कठे मोहर नी ल्गाई दे, तेबे तक जमीना रा, समुद्रा रा, होर जंगला रा नुकसान देख्या करदे।”

प्रकासना री गल्ला 8:7

जेबे पैहले स्वर्गदूते तुरही बजाई, तेबे झटपट बौह्त सारा सुणाट होर आगी खूना साउगी मिली किन्हें धरती पर डयाई दितेया गया। जेसरी वजहा ले एक तिहाई धरती फुख्ही गई, होर एक तिहाई डाल फुख्ही गये, होर एक तिहाई हरी घाह फुख्ही गई।

प्रकासना री गल्ला 9:14

तेस अवाजे छठुहे स्वर्गदूता किन्हें जेस वाले जे तुरही थी, तेस किन्हें बोल्या, “तिन्हा चार दूता जो खोल्ही देआ, जो बडी फरात दराऊआ रे नेडे बझिरे थे।”

प्रकासना री गल्ला 9:4

होर तिन्हा टिटले किन्हें बोल्या गया कि ना धरती री घाह जो, ना केसी बूटे जो, ना केसी डाला जो नुकसान पुजाया। सिर्फ तिन्हा माह्णुंआं जो पांज महीने तक एह्ड़ी पीड़ा देंदे रैहया, जिहां जे बिछुआ रे डसणे ले पीड़ हुई। ये स्यों लोक ऐं जिन्हारे माथे पर परमेसरा री मोहर नी लगिरी थी।