प्रकासना री गल्ला 4:9 - मंडयाली नंऊँआं नियम

^9-10 जो राजगद्दी पर बैठिरा था, सेई आ जो जुग-जुग जिउंदा आ। होर जेबे-जेबे ये प्राणी तेस जो महिमा, इज्जत होर धन्यावाद दे थे तेबे चौबी अगुवे तेसरे पैरा पर पई किन्हें तेसरी अराधना करहा ऐं थे। होर स्यों राजगद्दी रे साम्हणें आपणा-आपणा ताज रखी देहें थे, होर बोले थे,

प्रकासना री गल्ला 4:9 Iomraidhean Croise

इब्रानियो 7:25

इधी कठे जो यीसू मसीह रे ज्रीए परमेसरा वाले आहूँए, से तिन्हारा पूरा-पूरा उद्धार करी सक्हा, क्यूंकि से तिन्हारे कठे बिनती करणे रे कठे हमेसा जिउंदा आ।

इब्रानियो 7:8

होर लेवी लोका रे बंसा रे याजक लोक दसुंआ हिस्सा लैहां ऐं, होर स्यों एह्ड़े लोक जिन्हा एक ना एक ध्याड़े मरी जाणा। पर मलिकिसिदक जिन्हें अब्राहमा ले दसुंआ हिस्सा लितेया, से हाल्ले भी जिउंदा, जिहां जे पवित्र सास्त्र मन्झ लिखिरा।

प्रकासना री गल्ला 1:18

होर हांऊँ ही आ, जो हमेसा रे कठे जिउंदा आ। हांऊँ मरी गईरा था, पर ऐबे जिउंदा हुई गईरा, होर जुग-जुग जिउंदा रेहणा। होर मौत होर पताल लोका री चाबिया मेरे वाले ई।”

प्रकासना री गल्ला 10:6

होर तिन्हें परमेसरा री जो जुग-जुग जिउंदा आ, होर जिन्हें जे स्वर्ग होर तेसरी सभ चीजा, धरती होर तेता री सभ चीजा, होर समुद्रा जो होर जो कुछ तेस मन्झ आ रचेया, तेसरी कसम खाई किन्हें बोल्या, “ऐबे केसी गल्ला रे देरी नी हूणीं सभ कुछ पूरा हूणा।

प्रकासना री गल्ला 21:5

होर जो राजगद्दी पर बैठिरा था, तिन्हें बोल्या, “ऐबे हांऊँ सभ कुछ नंऊँआं बनाई करहा।” फेरी तिन्हें बोल्या कि, “जो कुछ मैं बोल्या तेता जो लिखी ले, क्यूंकि मेरे ये बचन भरोसे रे लायक होर सच्चे ऐं।”

प्रकासना री गल्ला 4:2

होर झटपट पवित्र आत्मा मेरे पर आई गई, होर मैं देखेया कि, स्वर्गा मन्झ एक राजगद्दी रखिरी थी, होर तेस राजगद्दी पर कोई बैठिरा था।

प्रकासना री गल्ला 4:8

होर चारो प्राणिया रे छेह-छेह फान्ख थे, होर चारो पासे हाखिया ई हाखिया थी। होर स्यों राती ध्याड़ी बगैर अराम किते ये बोल्दी रैहीं थी कि, “पवित्र, पवित्र, पवित्र, सर्वसक्तिमान प्रभु परमेसर ई से आ, जो था, होर जो हाया, होर जो आऊणें वाल़ा आ।”

प्रकासना री गल्ला 5:1

होर जो राजगद्दी पर बैठिरा था, मैं तेसरे सीधे हाथा मन्झ एक कताब देखी, जेता रे दुहीं पासे लिखिरा था। होर से कताब सात मोहर ल्गाई किन्हें बंद करी दितिरी थी।

प्रकासना री गल्ला 6:16

स्यों लोक प्हाड़, होर चटाना किन्हें बोल्दे लगे कि, “आस्सा प्रयाल्हे पई जाऊआ, होर आस्सा जो ढख्ही लऊआ, ताकि जो राजगद्दी पर बैठिरा से आस्सा जो नी देखी सके, होर से छेलू आस्सो सजा नी दे।

प्रकासना री गल्ला 7:15

“एस वजहा ले, स्यों परमेसरा री राजगद्दी रे साम्हणें ऐं, होर स्यों परमेसरा रे मन्दरा मन्झ राती-ध्याड़ी तेसरी सेऊआ करहा ऐं; होर जो राजगद्दी पर बैठिरा, तेस तिन्हारे बीचा मन्झ रेहणा, होर स्यों संभाल्ने।