प्रकासना री गल्ला 4:8 - मंडयाली नंऊँआं नियम

⁸ होर चारो प्राणिया रे छेह-छेह फान्ख थे, होर चारो पासे हाखिया ई हाखिया थी। होर स्यों राती ध्याड़ी बगैर अराम किते ये बोल्दी रैहीं थी कि, “पवित्र, पवित्र, पवित्र, सर्वसक्तिमान प्रभु परमेसर ई से आ, जो था, होर जो हाया, होर जो आऊणें वाल़ा आ।”

प्रकासना री गल्ला 4:8 Iomraidhean Croise

चुणिरे चेले रे काम 20:31

इधी कठे चतन्न रैहया, होर याद करा कि राती ध्याड़ी तीन साल तक मैं तुस्सा जो यीसू मसीह रे सच्चे संदेसा रे उपदेस दिते होर मैं तुस्से आंसू बहाई किन्हें चिताये, ताकि तुस्से प्रभु रे प्रति वफादार बणी रहो।”

2 कुरिन्थियो 6:18

“होर मां तुस्सा रा बापू हूंणां, होर तुस्सा मेरे मह्ठे होर मह्ठीया हूंणां; ये सर्वसक्तिमान प्रभु परमेसरा रा बचना आ।”

1 थिस्सलुनकियो 2:9

क्यूंकि हे भाईयो होर बैहणो, तुस्से आस्सा री कढ़ी मैहनता जो याद करहा ऐं कि, आस्से रात ध्याड़ काम धंधा करी किन्हें तुस्सा जो परमेसरा री खुसी री खबरा रा प्रचार कितेया, ताकि आस्से तुस्सा मन्झा ले केसी पर बोझ नी बणे।

1 तिमिथियुस 4:16

ध्यान रखा कि तुस्से आपणी जिन्दगी केह्ड़ी जिया करहे होर दूजेया जो क्या सखाई करहे, इन्हा गल्ला पर मजबूत बणी रह, क्यूंकि अगर तू एह्ड़ा करदा रैहन्गा, ता परमेसरा तेरे ज्रीए तु होर तेरे सुणने वाल़ेया जो आऊणें वाले न्याय ले बचाणा।

2 तिमिथियुस 4:2

कि तू परमेसरा रे बचना रा प्रचार कर; होर चाहे हालात खरे हो या नी, तू बचना रा प्रचार करणे रे कठे त्यार रेह। अगर लोके गलती कितिरी ता तू तिन्हों दसी दे, होर तिन्हा जो तिन्हारे पाप करणे रे कठे प्रुआच होर तिन्हों होंसला भी दे। ये सभ काम तू ध्याना किन्हें स्खान्दे हुए बड़े सबरा किन्हें करेया।

इब्रानियो 13:8

यीसू मसीह काल होर आज होर जुग-जुग एक जेह्ड़ा आ होर कधी नी बदल्दा।

प्रकासना री गल्ला 1:4

हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।

प्रकासना री गल्ला 1:8

प्रभु परमेसर बोल्हा कि, “हांऊँ अल्फा होर ओमेगा यानि सुर्हूआत होर अंत हांऊँ ई आं। हांऊँ ई सर्वसक्तिमान आ, जो था, होर जो हाया, होर जो आऊणें वाल़ा आ।”

प्रकासना री गल्ला 11:17

होर ये बोल्दे लगे, “हे सर्वसक्तिमान प्रभु परमेसर, जो था, होर जो हाया, आस्से तेरा धन्यावाद करहा ऐं, कि तैं ऐबे आपणी बड़ी सामर्थ दसीरी, होर संसारा मन्झ राज करणा सुर्हू कितिरा।

प्रकासना री गल्ला 14:11

होर तिन्हा जो पीड़ा देणे वाली आगी रा धुँआ जुग-जुग आसमाना वखा जो उठ्दा रैहणां। होर जो लोक तेस राक्सा होर तेसरी मूर्ति री जो तेस साहीं, अराधना करहा ऐं, होर जिन्हें लोके तेस राक्सा रे नांऊँआं री छाप आपणे सरीरा गास लगाई री हो, तिन्हा जो राती ध्याड़ी तेस पीड़ा ले चैन नी मिलणा।”

प्रकासना री गल्ला 14:3

होर स्यों एक लाख चुताली हज़ार लोक राजगद्दी रे होर चारो प्राणिया रे होर चौबी अगुवो रे साम्हणें खड़ी किन्हें, स्यों एक नंऊँआं गाणा गाया करहा ऐं थे, जो कोई ये गाणा नी सीखी सक्दा था। होर इन्हा लोका जो परमेसरे संसारा मन्झ रैहणे वाले लोका मन्झ ले मुले लई किन्हें छुड़ाईरे थे।

प्रकासना री गल्ला 15:3

होर तिन्हें परमेसरा रे सेऊआदार मूसा साहीं गाणा गाया, होर से गाणा छेलू बारे मन्झ था। होर स्यों इंहां गांदे लगिरे थे कि, “हे सर्वसक्तिमान प्रभु परमेसर, तेरे काम बडे होर नौखे ऐं, तू जो देस-देसा रे लोका रा राजा, तेरे हर काम धर्मा रे, होर सच्चे।”

प्रकासना री गल्ला 16:14

इन्हा दुस्टात्मा जो चिन्ह दसणे रा हक दितिरा था, होर तिन्हें जाई किन्हें धरती पर राज करणे वाले सब लोका जो कठ्ठा कितेया, ताकि स्यों जाई किन्हें सर्वसक्तिमान परमेसरा साउगी तेस बडे ध्याड़े लड़ाई करी सके।

प्रकासना री गल्ला 16:7

दबारा मैं तेस बेदी मन्झा केसी जो ये बोलदे हुए सुणा कि, “हां, हे सर्वसक्तिमान प्रभु परमेसर, जो सजा तैं इन्हा लोका जो दिती, से बिलकुल सच्ची होर सही ई।”

प्रकासना री गल्ला 19:15

तेसरे मुंहा ले एक पैन्नी तलवार निकला ई, जेता ले तेस सारे जाति-जातिया रे लोक हराणे, होर तेस लोहे रे राजदंडा किन्हें तिन्हा पर राज करणा। तेस सर्वसक्तिमान परमेसरा रा भयानक गुस्सा जाहिर करणा, जिहां अंगूरा रा रस तेसरे गड्ढे मन्झ जुक्की किन्हें काढी जाहाँ।

प्रकासना री गल्ला 19:4

तेबे चौबी अगुवे होर चारो प्राणिये राजगद्दी पर बैठिरे परमेसरा रे पैरा पर पई किन्हें तेसरी अराधना किती। तिन्हें बोल्या, “आमीन, हाल्लेलूयाह!”

प्रकासना री गल्ला 21:22

होर मैं तेस सैहरा कोई मन्दर नी देख्या, क्यूंकि सर्वसक्तिमान प्रभु परमेसर, होर छेलू तेस ई सैहरा मन्झ थे, इधी कठे तेथी मन्दरा री जरूरत नी।

प्रकासना री गल्ला 3:7

तिन्हें मेरे किन्हें ये बोल्या, “होर फिलेदेलफिया सैहरा री कलीसिया रे दूत जो ये संदेस लिख कि: हांऊँ ई आ जो पवित्र होर सच्चा आ, होर जेस वाले राजा दाऊदा री चाबी। जेसरे खोलिरे जो कोई बंद नी करी सक्दा, होर बंद कितिरे जो कोई खोल्ही नी सक्दा। हांऊँ तुस्सा किन्हें ये बोल्हा कि:

प्रकासना री गल्ला 4:4

होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।

प्रकासना री गल्ला 4:6

होर तेस्सा राजगद्दी रे साम्हणें बर्फा साहीं सूझणे वाल़ा साफ सीसे रा बणीरा समुद्र था। होर इन्हा सभिरे बीचा मन्झ रखिरी राजगद्दी रे चारो पासे चार प्राणी थे, जिन्हारे अगे-पीछे हाखिया ई हाखिया थी।

प्रकासना री गल्ला 4:9

जो राजगद्दी पर बैठिरा था, सेई आ जो जुग-जुग जिउंदा आ। होर जेबे-जेबे ये प्राणी तेस जो महिमा, इज्जत होर धन्यावाद दे थे तेबे चौबी अगुवे तेसरे पैरा पर पई किन्हें तेसरी अराधना करहा ऐं थे। होर स्यों राजगद्दी रे साम्हणें आपणा-आपणा ताज रखी देहें थे, होर बोले थे,

प्रकासना री गल्ला 5:6

होर तेबे मैं चारो प्राणी होर तिन्हा अगुवे रे बीचा मन्झ राजगद्दी रे पासे एक छेलू खड़ीरा देखेया। होर तेस छेलु पर एह्ड़े नसाण थे जिहां कि तेसरी बलि करी दितिरी हो। तेसरे सात सींग होर सात हाखिया थी; होर ये परमेसरा री सात आत्मा ई, जो सारी धरती पर भेजी गईरी।

प्रकासना री गल्ला 6:1

फेरी मैं देख्या कि छेलूए तिन्हा सात मोहरा मन्झा ले एक मोहर खोल्ही, होर तिन्हा चारो प्राणिया मन्झा ले एकी जो अवाज देंदे सुणेया, तेसरी अवाज बादला री गर्जना साहीं भारी थी। होर तिन्हें बोल्या, “जा आगे जा।”

प्रकासना री गल्ला 6:6

होर मैं तिन्हा चारो प्राणिया रे बीचा मन्झ एक माह्णुं साहीं केसी री अवाजा जो ये बोलदे हुए सुणेया कि, “आऊणें वाले ध्याड़े मन्झ धरती पर अकाल पऊणा। इधी कठे एक किल्लो कणक होर तीन किल्लो जऊआ री कीमत पुरे एक ध्याड़े री कमाई रे बराबर हूणीं। पर तेल होर अंगूरा रे रसा री कीमत नी बदलणी, क्यूंकि तिन्हारा नुकसान नी कितेया जाणा।”

प्रकासना री गल्ला 7:11

होर सारे स्वर्गदूत, राजगद्दी रे, अगुवे होर चारो प्राणिया रे चारो पासे खड़ीरे थे। फेरी स्यों राजगद्दी रे साम्हणें तेसरे पैर पर पई गये, होर परमेसरा री अराधना किती। होर तिन्हें बोल्या,

प्रकासना री गल्ला 7:15

“एस वजहा ले, स्यों परमेसरा री राजगद्दी रे साम्हणें ऐं, होर स्यों परमेसरा रे मन्दरा मन्झ राती-ध्याड़ी तेसरी सेऊआ करहा ऐं; होर जो राजगद्दी पर बैठिरा, तेस तिन्हारे बीचा मन्झ रेहणा, होर स्यों संभाल्ने।