प्रकासना री गल्ला 4:7 - मंडयाली नंऊँआं नियम

⁷ तिन्हा चार प्राणीया मन्झ ले पैहला प्राणी सेरा साहीं था। होर दूजा प्राणी रा मुंह बोल्ह्द साहीं था। होर त्रीजे प्राणी रा मुंह माह्णुं साहीं था। होर चौथे प्राणी रा मुंह उडदी हुई ईल्लण साहीं था।

प्रकासना री गल्ला 4:7 Iomraidhean Croise

1 कुरिन्थियो 14:20

हे भाईयो होर बैहणो, तुस्से इन्हा गल्ला जो समझणे मन्झ बच्चे साहीं नी बणा; तेबे बी बुराई रे कठे बच्चे साहीं मासूम बणा; पर इन्हा गल्ला जो समझणे मन्झ स्याणे बणां।

प्रकासना री गल्ला 4:6

होर तेस्सा राजगद्दी रे साम्हणें बर्फा साहीं सूझणे वाल़ा साफ सीसे रा बणीरा समुद्र था। होर इन्हा सभिरे बीचा मन्झ रखिरी राजगद्दी रे चारो पासे चार प्राणी थे, जिन्हारे अगे-पीछे हाखिया ई हाखिया थी।

प्रकासना री गल्ला 6:3

होर जेबे छेलूए दूजी मोहर खोल्ही, ता मैं दूजे प्राणी जो ये बोल्दे सुणेया कि, “आऊ!”

प्रकासना री गल्ला 6:5

होर जेबे छेलूए त्रीजी मोहर खोल्ही, ता मैं त्रीजे प्राणी जो ये बोल्दे सुणेया कि, “आऊ!” होर तेबे मैं एक काले रंगा रे घोड़े जो आऊंदे हुए देखेया। होर तेसरे सुआरा रे हाथा मन्झ एक त्राक्कड़ी थी।

प्रकासना री गल्ला 6:7

होर जेबे छेलूए चौथी मोहर खोल्ही, ता मैं चौथे प्राणी जो ये बोल्दे सुणेया कि, “आऊ!”