Biblia Todo Logo
Bìoball air-loidhne

- Sanasan -




प्रकासना री गल्ला 4:6 - मंडयाली नंऊँआं नियम

6 होर तेस्सा राजगद्दी रे साम्हणें बर्फा साहीं सूझणे वाल़ा साफ सीसे रा बणीरा समुद्र था। होर इन्हा सभिरे बीचा मन्झ रखिरी राजगद्दी रे चारो पासे चार प्राणी थे, जिन्हारे अगे-पीछे हाखिया ई हाखिया थी।

Faic an caibideil Dèan lethbhreac




प्रकासना री गल्ला 4:6
25 Iomraidhean Croise  

होर स्यों एक लाख चुताली हज़ार लोक राजगद्दी रे होर चारो प्राणिया रे होर चौबी अगुवो रे साम्हणें खड़ी किन्हें, स्यों एक नंऊँआं गाणा गाया करहा ऐं थे, जो कोई ये गाणा नी सीखी सक्दा था। होर इन्हा लोका जो परमेसरे संसारा मन्झ रैहणे वाले लोका मन्झ ले मुले लई किन्हें छुड़ाईरे थे।


फेरी मुंजो सीसे साहीं चमकदा हुआ एक समुद्र सूझेया, जेस मन्झ आग मिलिरी हो। होर मैं स्यों लोक भी देखे जिन्हों ये राक्स हराई नी सकेया। तिन्हें लोके राक्सा री होर तेसरी मूर्ति री अराधना नी कितिरी थी, होर जिन्हा पर राक्सा रे नांऊँआं रे अंका री छाप भी नी लगिरी थी। स्यों भी तेस सीसे रे समुद्रा रे कनारे पर खड़ी गये, होर तिन्हारे हाथा मन्झ परमेसरा री दितिरी वीणा थी।


तेबे चौबी अगुवे होर चारो प्राणिये राजगद्दी पर बैठिरे परमेसरा रे पैरा पर पई किन्हें तेसरी अराधना किती। तिन्हें बोल्या, “आमीन, हाल्लेलूयाह!”


होर परमेसरा री महिमा ले से सैहर चमकी करहा था; जेसरी चमक कीमती पात्थर यसब साहीं थी, जो सीसे साहीं साफ था।


होर सैहरा री कान्ध कीमती पात्थर यसबा री बणीरी थी, होर सैहर सुद्ध सोने रा बणीरा था, जो सीसे साहीं साफ था।


होर बारा दुराजे भी बारा मोतिया रे बणिरे थे, एक-एक दुराजा एक-एक मोतिया रा बणीरा था। होर सैहरा री गलिया सुद्ध सोने री बणीरी थी, जो साफ सीसे साहीं थी।


फेरी स्वर्गदूते मुंजो जिन्दगी देणे वाले पाणी री नदी दसी, जो सीसे साहीं साफ थी, होर से पाणी परमेसरा री राजगद्दी ले निकला था जो छेलू री भी राजगद्दी थी,


होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।


होर जेबे मैं दबारा देख्या, ता राजगद्दी रे चारों पासे स्यों प्राणी, अगुवे होर बौह्त सारे स्वर्गदूता री अवाज सुणी, जिन्हारी गिणती लाखा करोड़ा री थी।


होर चारो प्राणिये आमीन बोल्या। होर चौबी अगुवे छेलू रे पैरा पर पई गये, होर तेसरी अराधना किती।


होर तेबे मैं चारो प्राणी होर तिन्हा अगुवे रे बीचा मन्झ राजगद्दी रे पासे एक छेलू खड़ीरा देखेया। होर तेस छेलु पर एह्ड़े नसाण थे जिहां कि तेसरी बलि करी दितिरी हो। तेसरे सात सींग होर सात हाखिया थी; होर ये परमेसरा री सात आत्मा ई, जो सारी धरती पर भेजी गईरी।


होर जेबे तिन्हें से कताब लई लिती, ता स्यों चारो प्राणी होर चौबी अगुवे तेस छेलू रे पैरा पर पई गये। होर हर एकी अगुवे रे हाथा मन्झ सोने रा डोंगा होर वीणा थी, होर से डोंगा तेस धूपा किन्हें भरिरा था, जो परमेसरा रे पवित्र लोका री प्रार्थना जो दसी थी।


फेरी मैं देख्या कि छेलूए तिन्हा सात मोहरा मन्झा ले एक मोहर खोल्ही, होर तिन्हा चारो प्राणिया मन्झा ले एकी जो अवाज देंदे सुणेया, तेसरी अवाज बादला री गर्जना साहीं भारी थी। होर तिन्हें बोल्या, “जा आगे जा।”


होर मैं तिन्हा चारो प्राणिया रे बीचा मन्झ एक माह्णुं साहीं केसी री अवाजा जो ये बोलदे हुए सुणेया कि, “आऊणें वाले ध्याड़े मन्झ धरती पर अकाल पऊणा। इधी कठे एक किल्लो कणक होर तीन किल्लो जऊआ री कीमत पुरे एक ध्याड़े री कमाई रे बराबर हूणीं। पर तेल होर अंगूरा रे रसा री कीमत नी बदलणी, क्यूंकि तिन्हारा नुकसान नी कितेया जाणा।”


होर सारे स्वर्गदूत, राजगद्दी रे, अगुवे होर चारो प्राणिया रे चारो पासे खड़ीरे थे। फेरी स्यों राजगद्दी रे साम्हणें तेसरे पैर पर पई गये, होर परमेसरा री अराधना किती। होर तिन्हें बोल्या,


क्यूंकि छेलू जो राजगद्दी रे बीचा मन्झ आ, तेस तिन्हारी देखभाल करणी, जिहां पुहाल आपणी भेडा जो संभाला। होर तेस स्यों जिन्दगी देणे वाले पाणी रे झरने वाले लई जाणे, ताकि स्यों तेता मन्झा ले पीये। होर परमेसरा तिन्हारी हाखिया ले सभ आंसू पुन्झी देणे।”


Lean sinn:

Sanasan


Sanasan