प्रकासना री गल्ला 4:4 - मंडयाली नंऊँआं नियम

⁴ होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।

प्रकासना री गल्ला 4:4 Iomraidhean Croise

मत्ती 19:28

यीसूए चेले किन्हें बोल्या, “हांऊँ तुस्सा किन्हें सच्च बोल्हा कि, नौंईं सृस्टी मन्झ जेबे मां माह्णुं रे मह्ठे आपणी महिमा री राजगद्दी पर बैठणा, ता तुस्सा भी जो मेरे चेले बणिरे, तुस्सा बारा राजगद्दी पर बैठी किन्हें इस्राएल देसा रे बारा गोत्रा रा न्याय करणा।

लूका 22:30

ताकि तुस्से मेरे राजा मन्झ मेरी मेजा पर खाऊआ पिऊआ; बल्कि राजगद्दी पर बैठी किन्हें इस्राएल देसा रे बारा गोत्रा रा न्याय करा।”

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

प्रकासना री गल्ला 11:16

तेबे चौबी अगुवे, जो परमेसरा रे साम्हणें आपणी-आपणी राजगद्दी पर बैठिरे थे, तिन्हें परमेसरा रे पैरा पर पई किन्हें तेसरी अराधना किती।

प्रकासना री गल्ला 14:3

होर स्यों एक लाख चुताली हज़ार लोक राजगद्दी रे होर चारो प्राणिया रे होर चौबी अगुवो रे साम्हणें खड़ी किन्हें, स्यों एक नंऊँआं गाणा गाया करहा ऐं थे, जो कोई ये गाणा नी सीखी सक्दा था। होर इन्हा लोका जो परमेसरे संसारा मन्झ रैहणे वाले लोका मन्झ ले मुले लई किन्हें छुड़ाईरे थे।

प्रकासना री गल्ला 19:14

होर स्वर्गा री सेना तेसरे पीछे-पीछे जाई करहा ई थी स्यों भी चिटे घोड़े पर सुआर थी, तिन्हें चिटे मलमल रे कपड़े पैन्ही रे थे जेता मन्झ कोई दाग नी था।

प्रकासना री गल्ला 19:4

तेबे चौबी अगुवे होर चारो प्राणिये राजगद्दी पर बैठिरे परमेसरा रे पैरा पर पई किन्हें तेसरी अराधना किती। तिन्हें बोल्या, “आमीन, हाल्लेलूयाह!”

प्रकासना री गल्ला 2:10

जो दुःख तुध सैहणे, तिन्हा ले मत डर। सैताना तुस्सा मन्झा ले लोका जो पकड़ाई किन्हें जेल्हा मन्झ पाणे, ताकि तुस्से परखे जाओ; होर तुस्सा जो दस ध्याड़े तक क्लेस उठाणा पऊणा। प्राण देणे तक मेरे पर विस्वास करदा रैह, तेबे मां तुजो जीता रे इनाम मन्झ अनंत जिन्दगी देणी, जो ताजा साहीं ई।

प्रकासना री गल्ला 20:4

फेरी मैं कुछ राजगद्दिया देखी, जिन्हा पर स्यों लोक बैठिरे थे, जिन्हारा मूंड यीसू मसीह रे बारे मन्झ खबर होर परमेसरा रे बचना सुनाणे री वजहा ले काटे गईरे थे। होर इन्हें लोके तेस राक्सा री, होर ना तेसरी मूर्ति री अराधना कितिरी थी, होर तिन्हें तेस राक्सा री छाप आपणे माथे होर आपणे हाथा पर लगाई री थी। स्यों मरिरे मन्झ ले जिउंदे हुई किन्हें राजगद्दिया पर बैठी गये। परमेसरे तिन्हो राज करणे रा हक दितेया, होर तिन्हें मसीह साउगी हज़ार साला तक राज कितेया।

प्रकासना री गल्ला 3:18

इधी कठे हांऊँ तुजो सलाह देहां कि, आगी मन्झ तपाईरा सोना मेरे ले खरीदी ले, ताकि तू सच्चे अमीर हुई जाए। होर चिटे कपड़े लई ले पैन्ही ले, ताकि आपणे नांगेपना री वजहा ले तू लोका रे साम्हणें सर्मिन्दा नी हो। होर आपणी हाखी मन्झ लगाणे रे कठे मेरे ले ये लेप भी लेई ले, ताकि तू देखी सके।

प्रकासना री गल्ला 4:6

होर तेस्सा राजगद्दी रे साम्हणें बर्फा साहीं सूझणे वाल़ा साफ सीसे रा बणीरा समुद्र था। होर इन्हा सभिरे बीचा मन्झ रखिरी राजगद्दी रे चारो पासे चार प्राणी थे, जिन्हारे अगे-पीछे हाखिया ई हाखिया थी।

प्रकासना री गल्ला 5:11

होर जेबे मैं दबारा देख्या, ता राजगद्दी रे चारों पासे स्यों प्राणी, अगुवे होर बौह्त सारे स्वर्गदूता री अवाज सुणी, जिन्हारी गिणती लाखा करोड़ा री थी।

प्रकासना री गल्ला 5:14

होर चारो प्राणिये आमीन बोल्या। होर चौबी अगुवे छेलू रे पैरा पर पई गये, होर तेसरी अराधना किती।

प्रकासना री गल्ला 5:6

होर तेबे मैं चारो प्राणी होर तिन्हा अगुवे रे बीचा मन्झ राजगद्दी रे पासे एक छेलू खड़ीरा देखेया। होर तेस छेलु पर एह्ड़े नसाण थे जिहां कि तेसरी बलि करी दितिरी हो। तेसरे सात सींग होर सात हाखिया थी; होर ये परमेसरा री सात आत्मा ई, जो सारी धरती पर भेजी गईरी।

प्रकासना री गल्ला 5:8

होर जेबे तिन्हें से कताब लई लिती, ता स्यों चारो प्राणी होर चौबी अगुवे तेस छेलू रे पैरा पर पई गये। होर हर एकी अगुवे रे हाथा मन्झ सोने रा डोंगा होर वीणा थी, होर से डोंगा तेस धूपा किन्हें भरिरा था, जो परमेसरा रे पवित्र लोका री प्रार्थना जो दसी थी।

प्रकासना री गल्ला 6:11

तेबे तिन्हा मन्झा ले हर एकी जो चिटे कपड़े दिते, होर परमेसरे तिन्हा किन्हें बोल्या कि, “थोड़ी देरा तक न्हयाल्दे रेहा, क्यूंकि ऐबे भी तुस्सा रे संगी सेऊआदार होर संगी विस्वासी लोक ऐं जिन्हा जो भी तुस्सा साहीं मारी दिते जाणे। होर जेबे मारे जाणे वाले री गिणती पूरी हुंगी तेबे मां बदला लेणा।”

प्रकासना री गल्ला 7:11

होर सारे स्वर्गदूत, राजगद्दी रे, अगुवे होर चारो प्राणिया रे चारो पासे खड़ीरे थे। फेरी स्यों राजगद्दी रे साम्हणें तेसरे पैर पर पई गये, होर परमेसरा री अराधना किती। होर तिन्हें बोल्या,

प्रकासना री गल्ला 7:9

एता ले बाद मैं देख्या कि मेरे साम्हणें एक बडी भीड़ खड़ी थी, जेसरी गिणती कोई नी करी सक्दा था। तेस्सा भीड़ा मन्झ लग-लग देसा रे लोक, होर हर कुला रे लोक, होर जातिया रे लोक, होर लग-लग भासा बोलणे वाले लोक थे, स्यों तेस राजगद्दी होर तेस छेलू रे साम्हणें खड़ीरे थे। तिन्हें चिटे कपड़े पैहनीरे थे, होर खुसी मनाणे रे रूपा मन्झ तिन्हें आपणे हाथा मन्झ खजरे रे पांगे लईरे थे।

प्रकासना री गल्ला 9:7

होर ये टिटले युद्ध करणे रे कठे त्यार कितिरे घोड़े साहीं सुझ्या करहा ई थे। तिन्हें आपणे मूंडा पर सोने रे ताजा साहीं कुछ की पैहनी रा था। होर तिन्हारे मुंह लोका रे मुंहा साहीं थे।