प्रकासना री गल्ला 3:8 - मंडयाली नंऊँआं नियम

⁸ हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।

प्रकासना री गल्ला 3:8 Iomraidhean Croise

लूका 12:9

पर जो माह्णुं रे साम्हणें मुंजो नी मनदे, ता परमेसरा रे स्वर्गदूता रे साम्हणें मां भी से मनणा।

यहून्ना 15:20

याद करहा जो गल मैं तुस्सा किन्हें बोली थी कि, ‘गुलाम आपणे माल्का ले बडा नी हुन्दा।’ क्यूंकि तिन्हें मुंजो दुःख दितेया, ता तिन्हा तुस्सा जो भी देणा, अगर तिन्हें मेरी गल्ला मन्निरी हुन्दी, ता तिन्हा तुस्सा री गल्ला भी मन्नणी।

यहून्ना 17:6

“मैं तुजो तिन्हा माह्णुंआं पर जाहिर कितेया जो तैं संसारा मन्झा ले मुंजो दिते। स्यों तेरे थे होर तैं स्यों मुंजो दिते, होर तिन्हें तेरा बचन मनी लया।

चुणिरे चेले रे काम 14:27

होर अन्ताकिया सैहरा मन्झ पुज्ही किन्हें, तिन्हें कलीसिया कठी किती होर दसेया कि, परमेसरे आस्सा साउगी केह्ड़े बडे-बडे काम किते! होर अन्यजाति लोका जो प्रभु यीसू पर विस्वास करणे रे कठे मदद किती।

1 कुरिन्थियो 16:9

क्यूंकि एथी मुंजो एक बडा काम यानि परमेसर रा बचन सुनाणे रा मौका मिलिरा, हालांकि एथी बौह्त लोक एह्ड़े जो मेरा व्रोध करहे।

2 कुरिन्थियो 2:12

होर जेबे हांऊँ मसीह री खुसी री खबर सुनाणे रे कठे त्रोआस सैहरा मन्झ आया, ता प्रभुऐ मेरे कठे प्रचार करणे रे कठे एक द्वार खोल्ही दितेया।

फिलिप्पियो 4:13

मसीह रे ज्रीए जो मुंजो सक्ति देहां तेता मन्झ हांऊँ सभ कुछ करी सक्हा।

कुलुस्सियो 4:3

होर एता साउगी-साउगी आस्सा रे कठे भी प्रार्थना करदे रैंहयां कि, परमेसर आस्सा रे कठे बचन सुनाणे रा एह्ड़ा मौका दे कि, आस्से मसीह रे तेस भेदा रा ब्खान करी सके होर एस खबर जो सुनाणे री वजहा ले ऐबे भी हांऊँ जेल्हा मन्झ आ।

1 तिमिथियुस 5:8

पर अगर कोई आपणे रिस्तेदारा री, होर आपणे परिवारा री फिकर नी करहे, ता से विस्वासा ले मुखरी गया, होर अविस्वासी लोका ले भी बुरा बणी गईरा।

2 तिमिथियुस 4:7

एक खरे स्पाही साहीं जो लड़ाई रे टैम कधी हिम्मत नी हारदा, मैं मसीह रे कामा जो पूरा करणे रे कठे बौह्त मेहनत कितिरी, होर मसीह पर मेरा विस्वास कधी नी बदली रा।

यहूदा 1:4

क्यूंकि यीसू मसीह पर विस्वास करणे रा ढोंग करणे वाले कुछ लोक तुस्सा री कलीसिया किन्हें जुड़ी गईरे। ये परमेसरा री इज्जत नी करदे होर गलत उपदेस दें कि आस्से लुचपन करी सके, क्यूंकि परमेसर आस्सा रे पाप माफ करी देआ। स्यों प्रभु यीसू मसीहा रा इनकार करहा ऐं जो आस्सा रा एक ऐं प्रभु होर माल्क आ। बौह्त टैम पैहले पवित्र सास्त्रा मन्झ लिखिरा था कि परमेसर आस्सो सजा देआ।

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।

प्रकासना री गल्ला 2:2

हांऊँ जाणहां कि तू क्या काम करहा, होर कितनी मैहनत करहा, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। हांऊँ जाणहां कि तू बुरे लोका रे झूठे उपदेसा जो नी झल्दा। होर जो लोक आपणे आपा जो चुणिरा चेला बोल्हा ऐं, पर सच्चे हाए नी, एह्ड़े लोका जो तैं परखिरा कि स्यों लोक झूठे।

प्रकासना री गल्ला 22:7

“सुण, हांऊँ जल्दी आऊणें वाल़ा आ। धन्य ऐं स्यों, जो एस कताबा मन्झ लिखिरी भविस्यवाणी री गल्ला जो मन्हां ऐं।”

प्रकासना री गल्ला 3:1

तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।

प्रकासना री गल्ला 3:15

हांऊँ जाणहां कि तू क्या काम करहा, तू तेस पाणी साहीं आ, जो ना ता ठंडा आ होर ना गर्म। खरा हुन्दा कि तू ठंडा या गर्म हुन्दा यानि तू मुंजो पूरी तरहा ले मनदा या ता नी मनदा।

प्रकासना री गल्ला 3:7

तिन्हें मेरे किन्हें ये बोल्या, “होर फिलेदेलफिया सैहरा री कलीसिया रे दूत जो ये संदेस लिख कि: हांऊँ ई आ जो पवित्र होर सच्चा आ, होर जेस वाले राजा दाऊदा री चाबी। जेसरे खोलिरे जो कोई बंद नी करी सक्दा, होर बंद कितिरे जो कोई खोल्ही नी सक्दा। हांऊँ तुस्सा किन्हें ये बोल्हा कि: