प्रकासना री गल्ला 3:4 - मंडयाली नंऊँआं नियम

⁴ पर हां, सरदीस सैहरा री कलीसिया मन्झ ऐबे भी कुछ एह्ड़े लोक ऐं, जिन्हें आपणे कपड़े पाप करी किन्हें गंदे नी किते, तिन्हा चिटे कपड़े पैन्ही किन्हें मेरे साउगी चलणा, क्यूंकि स्यों एस लायक ऐं।

प्रकासना री गल्ला 3:4 Iomraidhean Croise

मत्ती 10:11

जेस केसी गांऊँआं मन्झ तुस्से जान्घे ता पता करा कि तेथी कुण इज्जतदार माह्णुंआं? ता तेसरे ई घरा मन्झ रहुआ, जेबे तक कि तुस्से तेस गांऊँआं जो छाडी नी देंघे।

मरकुस 16:5

होर डुआरा रे अंदर जाई किन्हें, तिन्हें एक जुआना जो चीटे कपड़े पैहनीरे सीधी वखा जो बैठिरे देख्या, होर स्यों बौह्त हरान हुई गई।

लूका 20:35

पर जो लोक एस लायक हुन्घे तिन्हा एस संसारा जो, होर मरिरे मन्झा ले जिउंदे हो, तिन्हा मरिरे मन्झा ले जी उठणा जो पाई लैणा, तिन्हा मन्झ ब्याह सादी नी हूणीं।

लूका 21:36

इधी कठे त्यार रैहया होर हर टैम प्रार्थना करदे रैहया ताकि तुस्से इन्हा सभी आऊणें वाली घटना ले बचणे, होर हांऊँ माह्णुं रे मह्ठे रे साम्हणें खड़ने रे लायक बणी सको।”

चुणिरे चेले रे काम 1:15

होर तिन्हा ध्याड़े एक ध्याड़े लगभग एक सौ बीह विस्वासी कठे थे, पतरस तिन्हारे बीच भरा खड़ी किन्हें बोल्दा लग्या,

2 थिस्सलुनकियो 1:5

जो दुःख तुस्से सहन करी करहे, एता री वजहा ले तुस्से परमेसरा रे राज मन्झ दाखल करणे लायक बणे। होर ये ही सबूत आ कि परमेसरा धार्मिकता किन्हें सभीरा न्याय करणा, जेसरे कठे तुस्से दुःख भी सही करहे।

यहूदा 1:23

होर बौह्त लोका जो झपटी किन्हें न्याय री आगा मन्झा ले बचाऊआ, एह्ड़े होर लोका ऐं जिन्हा पर दया करणी चहिए पर तिन्हा ले तुस्सा जो चतन्न भी रेहणा चहिए। तुस्सा जो तिन्हारे कपड़े ले भी नफरत करणी चहिए एह्ड़ा समझी किन्हें जिहां कि तिन्हारे पापा री अभिलासे तिन्हारे कपड़े भी गंदे करी दितिरे हो।

प्रकासना री गल्ला 1:11

होर तेस अवाजे मेरे किन्हें बोल्या, “जो कुछ तू देख्हा, तेस जो कताबा मन्झ लिखी किन्हें सात कलीसिया जो भेजी दे, इफिसुस सैहरा, स्मुरना, पिरगमुन, थुआतिरा, सरदीस, फिलेदेलफिया, लौदिकिया सैहरा मन्झ ई।”

प्रकासना री गल्ला 11:13

फेरी ठीक तेस ई टैम यरुस्लेम सैहरा मन्झ एक बड़ा हिलण हुआ, होर सैहरा रे घरा रा एक तिहाई हिस्सा ढली गया। होर तेस हिलणा ले सात हजार माह्णुं मरी गये, होर बाकि जितने लोक बचिरे थे स्यों डरी किन्हें चिंगदे लगे, होर स्वर्गा रे परमेसरा री महानता रे कठे तेसरी बढ़ाई करदे लगे।

प्रकासना री गल्ला 14:4

ये स्यों लोक ऐं, जिन्हारी जिन्दगी पवित्र ई। तिन्हा मर्धा साहीं जिन्हें कधी कोसी जन्नानी साउगी व्यभिचार नी कितेया, तिहां ही तिन्हें छेलु रे अलावा केसी होरी री अराधना नी कितिरी हो। जेथी केथी से छेलु जाहाँ, स्यों तेसरे पीछे चली जाहें। येई लोक ऐं जिन्हा जो परमेसरे धरती पर रैहणे वाले माह्णुंआं मन्झा ले मुले लई किन्हें छुड़ाईरे। जिहां किसान आपणी पैहली फसल परमेसरा जो चढ़ा, तिहां ही ये लोक भी परमेसरा रे कठे होर छेलु रे कठे पैहली भेंट रे कठे चढ़ाई रे।

प्रकासना री गल्ला 19:14

होर स्वर्गा री सेना तेसरे पीछे-पीछे जाई करहा ई थी स्यों भी चिटे घोड़े पर सुआर थी, तिन्हें चिटे मलमल रे कपड़े पैन्ही रे थे जेता मन्झ कोई दाग नी था।

प्रकासना री गल्ला 19:8

होर तेस्सा जो चमकदार होर मलमल रे कपड़े पैन्ह्णे जो दितिरे, जो पवित्र होर सुद्ध ऐं; होर छेलुए दितिरे।” क्यूंकि ये परमेसरा रे पवित्र लोका रे भले कामा रे प्रतीक ऐं।

प्रकासना री गल्ला 3:18

इधी कठे हांऊँ तुजो सलाह देहां कि, आगी मन्झ तपाईरा सोना मेरे ले खरीदी ले, ताकि तू सच्चे अमीर हुई जाए। होर चिटे कपड़े लई ले पैन्ही ले, ताकि आपणे नांगेपना री वजहा ले तू लोका रे साम्हणें सर्मिन्दा नी हो। होर आपणी हाखी मन्झ लगाणे रे कठे मेरे ले ये लेप भी लेई ले, ताकि तू देखी सके।

प्रकासना री गल्ला 3:5

जो लोक जीत हासिल करहे, तिन्हों इंहां ई चिटे कपड़े पैहनाए जाणे, होर मां तिन्हारा नांऊँ जिन्दगी री कताबा मन्झा ले कधी भी नी टाहणा। मां आपणे बापू होर तेसरे स्वर्गदूता रे साम्हणें ये बोलणा कि ये मेरे लोक ऐं।

प्रकासना री गल्ला 4:4

होर तेस्सा राजगद्दी रे चारो वखा जो दूजी चौबी राजगद्दिया थी; होर इन्हा राजगद्दिया पर चौबी अगुवे चिटे कपड़े पैन्ही किन्हें बैठिरे थे। होर तिन्हारे मूंडा पर सोने रा ताज था।

प्रकासना री गल्ला 6:11

तेबे तिन्हा मन्झा ले हर एकी जो चिटे कपड़े दिते, होर परमेसरे तिन्हा किन्हें बोल्या कि, “थोड़ी देरा तक न्हयाल्दे रेहा, क्यूंकि ऐबे भी तुस्सा रे संगी सेऊआदार होर संगी विस्वासी लोक ऐं जिन्हा जो भी तुस्सा साहीं मारी दिते जाणे। होर जेबे मारे जाणे वाले री गिणती पूरी हुंगी तेबे मां बदला लेणा।”

प्रकासना री गल्ला 7:9

एता ले बाद मैं देख्या कि मेरे साम्हणें एक बडी भीड़ खड़ी थी, जेसरी गिणती कोई नी करी सक्दा था। तेस्सा भीड़ा मन्झ लग-लग देसा रे लोक, होर हर कुला रे लोक, होर जातिया रे लोक, होर लग-लग भासा बोलणे वाले लोक थे, स्यों तेस राजगद्दी होर तेस छेलू रे साम्हणें खड़ीरे थे। तिन्हें चिटे कपड़े पैहनीरे थे, होर खुसी मनाणे रे रूपा मन्झ तिन्हें आपणे हाथा मन्झ खजरे रे पांगे लईरे थे।