प्रकासना री गल्ला 3:3 - मंडयाली नंऊँआं नियम

³ इधी कठे तिन्हा उपदेसा जो याद करा, जो तुस्से सभी ले पैहले सुणीरे थे, होर तिन्हा पर विस्वास कितेया था, होर पाप करणा छाडी देआ। होर अगर तुस्से त्यार नी रहे, ता तुस्सा जो तेस टैमा रा पता नी चलणा, जेबे मां तुस्सा जो सजा देणे रे कठे आई जाणा, क्यूंकि मां चोरा साहीं अचानक आई जाणा।

प्रकासना री गल्ला 3:3 Iomraidhean Croise

मत्ती 25:13

इधी कठे जागदे रहा, क्यूंकि तुस्से मेरे वापस आऊणें रे ध्याड़े जो नी जाणदे होर ना ही तेस टैमा जो जाणहां ऐं।”

मरकुस 13:33

जागदे होर प्रार्थना करदे रैहया, क्यूंकि तुस्से नी जाणदे कि से टैम केभे आऊंणा।

मरकुस 13:36

एह्ड़ा हुई सक्हा कि जेबे तेस अचानक आऊंणा ता हुई सक्हा कि तुस्से त्यार नी हो।

1 थिस्सलुनकियो 5:2

क्यूंकि तुस्से ठीक ढन्गा किन्हें आप्हुए जाणहां ऐं कि, जिहां जे चोर राती आहूँआं, तिहां ईं प्रभु यीसू रा अचानक दबारा वापस आऊणें रा ध्याड़ा हूंणा।

1 तिमिथियुस 6:20

हे तिमिथियुस, परमेसरे जो काम तुजो सौंपी रा, तू तेता जो पूरा कर। जो गल्ला आत्मिक नी, होर बेकारा री बैहसा ले दूर रह, होर तिन्हा ले भी जो परमेसरा रे सच्चे उपदेसा रे व्रोधा मन्झ ई, जिन्हा जो स्यों गलती किन्हें “ज्ञान” बोले।

2 तिमिथियुस 1:13

जो सच्चे उपदेस तैं मेरे ले सुणीरे, तिन्हा जो आपणा उदाहरण बणाई किन्हें रख। विस्वास होर प्यारा किन्हें तू इन्हा उपदेसा जो पूरा कर क्यूंकि तू यीसू मसीह साउगी एक आ।

इब्रानियो 2:1

इधी कठे, जरूरी आ कि आस्से जो गल्ला सुणीरी तिन्हा पर खास ध्यान दे। केते एह्ड़ा नी हो कि आस्से बैहकी किन्हें तिन्हा गल्ला ले दूर चली जाए।

2 पतरस 1:13

आस्सा रे प्रभु यीसू मसीहे मुंजो ये गल दसीरी कि मेरे मरणे रा टैम जल्दी आऊणें वाल़ा आ। इधी कठे हांऊँ सोच्हा कि मेरे कठे ये ठीक आ कि, मेरे ऐबे जिउंदे रैहन्दे ही इन्हा गल्ला रे बारे मन्झ तुस्सा जो याद कुरांदा ही रहूँ।

2 पतरस 3:1

हे लाडले भाईयो होर बैहणो, ऐबे हांऊँ तुस्सा जो ये दूजी चिठ्ठी लिख्हा। होर इन्हा दुहीं चिठिया रे ज्रीए मैं तुस्सा जो तिन्हा गल्ला जो याद कुराई किन्हें जिन्हों तुस्से पैहले जाणांहे, तुस्सा रे मना मन्झ साफ विचार पैदा करणा चाहां।

2 पतरस 3:10

पर प्रभुआ जरुर वापस आऊंणा, जिहां एक चोर अचानक आं तिहां ही प्रभुआ भी आऊंणा। तेस ध्याड़े आसमाना मन्झ गड़गड़ाहटा री अवाज हूणीं होर तेस लुप्त हुई जाणा। होर जो कुछ आसमाना मन्झ आ यानि सूरज, चांद होर तारे आगा किन्हें पूरी तरहा नास हुई जाणे। होर तेस ध्याड़े परमेसरा लोका रा न्याय करणे रे कठे जो कुछ तिन्हें धरती पर कितिरा जाहिर करणा।

प्रकासना री गल्ला 16:15

दुस्टात्मा राज करणे वाले लोका जो होर तेसरी सेना जो तेस जगहा कठा कितेया, जेस जो इब्रानी भासा मन्झ हर-मगिदोन बोल्या जाहाँ। इधी कठे प्रभु यीसूए बोल्या कि, “एस गल्ला जो सुणा, मां चोरा साहीं अचानक आहूँणा। धन्य आ से माह्णुं जो मेरे आऊणें पर जागदा रैंहयां, होर आपणे कपड़े जो त्यार रखा। तेबे तिन्हा नांगे नी हूंणे होर जेबे लोका रे बीचा मन्झ जाणा, ता एह्ड़ा कुछ भी नी हूंणा जो तिन्हो बेज्जत करहे।”

प्रकासना री गल्ला 2:5

इधी कठे याद कर कि, तू किहाँ मेरे किन्हें पैहले प्यार करहा था, पर ऐबे तेह्ड़ा प्यार नी करदा। एस पापा जो करणा छाडी दे, होर पैहले साहीं मेरे किन्हें प्यार कर। होर अगर तू नी बधल्घा, ता मां तेरे वाले आई किन्हें तेरी दीऊदानी जेथी से थी, तेस जगहा ले हटाई किन्हें तुजो सजा देणी।

प्रकासना री गल्ला 22:7

“सुण, हांऊँ जल्दी आऊणें वाल़ा आ। धन्य ऐं स्यों, जो एस कताबा मन्झ लिखिरी भविस्यवाणी री गल्ला जो मन्हां ऐं।”

प्रकासना री गल्ला 3:11

हाऊँ जल्दी तुस्सा वाले वापस आऊणें वाल़ा। मेरे पर तुस्सा रा जो विस्वास आ, तेता जो मजबूत बणाई किन्हें रखा, ताकि कोई भी तुस्सा रे जीता रे इनामा जो छिनी नी ले, जो ताजा साहीं आ।

प्रकासना री गल्ला 3:19

हांऊँ जिन्हा जो प्यार करहा, तिन्हा सभी जो डांटहा होर सुधारी देहां, इधी कठे सही काम करणे रे कठे उत्साही बणा, होर गुणगुणे हूंणे साहीं आपणे पापा जो करणा छाडी दे।

प्रकासना री गल्ला 3:2

इधी कठे, “जागी जाऊआ, होर मेरे पर जो विस्वास हाल्ले भी तुस्सा रा बचिरा तेस विस्वासा जो खत्म हूंणे रे पैहले आपणे विस्वासा जो मजबूत करहा। क्यूंकि मैं तेरे केसी भी कामा जो आपणे परमेसरा री नजरा मन्झ पूरा नी पाया।