प्रकासना री गल्ला 3:2 - मंडयाली नंऊँआं नियम

² इधी कठे, “जागी जाऊआ, होर मेरे पर जो विस्वास हाल्ले भी तुस्सा रा बचिरा तेस विस्वासा जो खत्म हूंणे रे पैहले आपणे विस्वासा जो मजबूत करहा। क्यूंकि मैं तेरे केसी भी कामा जो आपणे परमेसरा री नजरा मन्झ पूरा नी पाया।

प्रकासना री गल्ला 3:2 Iomraidhean Croise

मत्ती 23:5

स्यों आपणे सारे काम लोका जो दसणे रे कठे करहा ऐ: स्यों आपणे ताबीज (स्यों पट्टिया पर पवित्र सास्त्र जो लिखी किन्हें आपणे माथे होर बाहिंयां पर बान्हा ऐं थे) चौड़े करहा ऐं, होर आपणे कपड़े री झालरा बडी करहा ऐं।

मत्ती 25:13

इधी कठे जागदे रहा, क्यूंकि तुस्से मेरे वापस आऊणें रे ध्याड़े जो नी जाणदे होर ना ही तेस टैमा जो जाणहां ऐं।”

मत्ती 25:7

तेबे स्यों सभ कुआरिया उठी किन्हें आपणी-आपणी म्साल ठीक करदी लगी।

चुणिरे चेले रे काम 18:23

होर कुछ ध्याड़े अन्ताकिया सैहरा मन्झ बिताणे ले बाद तेथी ले विदा हुई किन्हें गलातिया ईलाके होर फ्रुगिया जिल्ले मन्झ एक जगहा ले दूजी जगहा तक सफर करदे हुए सभी चेले जो मजबूत करदा फिरेया।

1 पतरस 4:7

सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

1 पतरस 5:8

चतन्न रैहया, होर त्यार रैहया, क्यूंकि सैतान तुस्सा रा व्रोधी आ, जो तुस्सा पर वार करणा चाहां ताकि तुस्से परमेसरा रे हुकमा जो नी मान्नो। से गुर्राणे वाले सेरा साहीं एस ताका मन्झ रैंहयां कि, केस जो फाड़ी किन्हें खाई दे।

प्रकासना री गल्ला 16:15

दुस्टात्मा राज करणे वाले लोका जो होर तेसरी सेना जो तेस जगहा कठा कितेया, जेस जो इब्रानी भासा मन्झ हर-मगिदोन बोल्या जाहाँ। इधी कठे प्रभु यीसूए बोल्या कि, “एस गल्ला जो सुणा, मां चोरा साहीं अचानक आहूँणा। धन्य आ से माह्णुं जो मेरे आऊणें पर जागदा रैंहयां, होर आपणे कपड़े जो त्यार रखा। तेबे तिन्हा नांगे नी हूंणे होर जेबे लोका रे बीचा मन्झ जाणा, ता एह्ड़ा कुछ भी नी हूंणा जो तिन्हो बेज्जत करहे।”

प्रकासना री गल्ला 2:4

पर हांऊँ तेरे बरखलाफ ये बोलणा चाहां कि, तैं मेरे किन्हें पैहले साहीं प्यार करणा छाडी दितिरा।

प्रकासना री गल्ला 3:1

तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”

प्रकासना री गल्ला 3:3

इधी कठे तिन्हा उपदेसा जो याद करा, जो तुस्से सभी ले पैहले सुणीरे थे, होर तिन्हा पर विस्वास कितेया था, होर पाप करणा छाडी देआ। होर अगर तुस्से त्यार नी रहे, ता तुस्सा जो तेस टैमा रा पता नी चलणा, जेबे मां तुस्सा जो सजा देणे रे कठे आई जाणा, क्यूंकि मां चोरा साहीं अचानक आई जाणा।