प्रकासना री गल्ला 3:1 - मंडयाली नंऊँआं नियम

¹ तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”

प्रकासना री गल्ला 3:1 Iomraidhean Croise

लूका 15:24

क्यूंकि हांऊँ सोच्हा था कि मेरा ये मह्ठा मरी गईरा था, पर से जिउंदा आ: जो गुआही गईरा था, ऐबे से मिली गया; होर स्यों खुसी मणान्दे लगे।”

लूका 15:32

पर ऐबे खुसी मनाणी होर मगन हूंणां चहिए क्यूंकि आस्से सोच्हा ऐं थे कि तेरा ये भाई मरी गईरा था, पर से जिउंदा आ। गुआही गईरा था, पर ऐबे मिली गया।’”

यहून्ना 1:16

क्यूंकि तेसरे अनुग्रहा री भरपूरी ले आस्से सभीये अनुग्रहा पर अनुग्रहा हासल कितेया।

यहून्ना 1:33

होर हांऊँ ता तेस जो पछयाणदा नी था, ‘पर जिन्हें मुंजो पाणी किन्हें बपतिस्मा देणे रे कठे भेजिरा, तिन्हें ई मुंजो बोलिरा कि जेस पर तू आत्मा उतरदे होर रूकदे देखे सेई पवित्र आत्मा किन्हें बपतिस्मा देणे वाल़ा आ।’

यहून्ना 20:22

ये बोली किन्हें तिन्हें तिन्हा पर फुकर मारी होर तिन्हा किन्हें बोल्या, “पवित्र आत्मा लऊआ।

यहून्ना 3:34

क्यूंकि जो परमेसरे भेज्या, से परमेसरा री गल्ला करहा: क्यूंकि से पवित्र आत्मा नापी-नापी किन्हें नी देंदा।

चुणिरे चेले रे काम 2:33

एस तरहा तिन्हें परमेसरा रे सीधी वखा जो सभी ले बडी जगहा पाई किन्हें, यीसूए बापू रे वादे रे मताबक पवित्र आत्मा पाई। होर से ही पवित्र आत्मा जो तिन्हें आस्सा जो देई दिती, जेस जो तुस्से ऐबे देख्या करहा ऐं, होर सुणेया करहा ऐं।

इफिसियो 2:1

तुस्से पैहले आपणे अपराध होर पापा री वजहा ले मरिरे लोका साहीं थे; परमेसरा ले मिलणे वाली जिदंगी तुस्सा वाले नी थी।

इफिसियो 2:5

जेबे आस्से पापा री वजहा ले मरिरे लोका साहीं थे, ता मानो परमेसरे आस्से मसीह साउगी दबारा जिउंदे किते। परमेसरा रे अनुग्रहा री वजहा ले आस्सा रा उद्धार हुईरा।

कुलुस्सियो 2:13

होर परमेसरे तुस्से भी, मसीह साउगी जिउंदा करी दिते, जेबे तुस्से आपणे पापा मन्झ मरिरे थे, होर तुस्सा रे बुरे स्वभावा रा खतना नी हुईरा था। होर परमेसरे आस्सा रे सभ पापा जो माफ कितेया।

1 तिमिथियुस 5:6

पर जो विधवा आपणा पूरा टैम भोग विलासा मन्झ लाई रखा ई, से एक मरिरे आदमी साहीं, हालांकि तिन्हारा सरीर जिउंदा पर स्यों आत्मिक रूपा ले मरी गईरी।

याकूब 2:26

इधी कठे, जिहां सरीर बगैर आत्मा ले मरीरा आ, तिहां ई विस्वास भी बगैर भले कामा ले मरीरा आ।

1 पतरस 1:11

मसीह री आत्मा नबिया मन्झ थी, जो पैहले ले ही तिन्हो दसी थी कि मसीहा कियां दुःख सहन करना, होर तेता ले बाद तेस जो बड़ी इज्जत मिलणी। ता स्यों इन्हा गल्ला जो तोपे थे कि ये गल्ला संसारा मन्झ केबे हूणीं, होर तेस टैमा रा संसार केह्ड़ा हूंणां।

यहूदा 1:12

जेबे ये लोक प्रभु रे प्यारा जो याद करदे हुए तुस्सा साउगी मण्डली रे खाणे मन्झ साझी हुए, स्यों एक खतरनाक चट्टाना साहीं ऐं, जो समुद्र मन्झ लुख्ही री होर तुस्सा जो डबोई सकी। स्यों तिन्हा बेसर्म रखवाले साहीं जो सिर्फ आपणे बारे मन्झ ही सोच्हे, ये तिन्हा बादला साहीं ऐं; जो हमेसा जमीना रे गास उडदे रहे होर जिन्हा के कधी बरखा नी हुन्दी। ये पतझड़ा रे डाला साहीं ऐं, जो दो बारी मरी चुकिरे, जिन्हा मन्झ फल नी लगदे, होर जड़ा ले पठी गईरे।

प्रकासना री गल्ला 1:11

होर तेस अवाजे मेरे किन्हें बोल्या, “जो कुछ तू देख्हा, तेस जो कताबा मन्झ लिखी किन्हें सात कलीसिया जो भेजी दे, इफिसुस सैहरा, स्मुरना, पिरगमुन, थुआतिरा, सरदीस, फिलेदेलफिया, लौदिकिया सैहरा मन्झ ई।”

प्रकासना री गल्ला 1:16

होर तेसरे सीधे हाथा मन्झ सात तारे थे, होर तेसरे मुंहा ले एक तेज दोधारी तलवार बाहर निकल्या करहा ई थी। होर तेसरा मुंह एह्ड़ा चमक्या करहा था, जेह्ड़ा सूरज भरी धूपा रे टैमा मन्झ चमक्हा।

प्रकासना री गल्ला 1:20

इन्हा सात तारे रा जो तैं मेरे सीधे हाथा मन्झ देखिरे थे, होर तिन्हा सात सोने री दीऊदानिया एक गहरा मतलब आ, जो ऐबे मां तुस्सा जो दसणा, जो पैहले कधी भी जाहिर नी कितिरा था। स्यों सात तारे सात कलीसिया रे दूत ऐं, होर स्यों सात सोने री दीऊदानिया सात कलीसिया ई।

प्रकासना री गल्ला 1:4

हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।

प्रकासना री गल्ला 2:19

हांऊँ जाणहां कि तू क्या काम करहा, होर ये भी कि तुस्से एक दूजे किन्हें प्यार करहे, होर तुस्सा रा मेरे पर बौह्त मजबूत विस्वास आ। हांऊँ जाणहां कि किहाँ तुस्से एक दूजे री सेऊआ कितिरी, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। होर ये भी कि तेरे ऐबे रे काम पैहले ले बढ़ी किन्हें ऐं।

प्रकासना री गल्ला 2:2

हांऊँ जाणहां कि तू क्या काम करहा, होर कितनी मैहनत करहा, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। हांऊँ जाणहां कि तू बुरे लोका रे झूठे उपदेसा जो नी झल्दा। होर जो लोक आपणे आपा जो चुणिरा चेला बोल्हा ऐं, पर सच्चे हाए नी, एह्ड़े लोका जो तैं परखिरा कि स्यों लोक झूठे।

प्रकासना री गल्ला 2:9

हांऊँ जाणहां कि तैं दुःख सहन कितिरे होर तू गरीब आ, पर आत्मिक गल्ला मन्झ तू सच्चे अमीर आ। होर हांऊँ ये भी जाणहां कि जो लोक आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों तुस्सा री निंदा करहे। पर ये लोक सैताना री मंडली रे लोक ऐं।

प्रकासना री गल्ला 3:15

हांऊँ जाणहां कि तू क्या काम करहा, तू तेस पाणी साहीं आ, जो ना ता ठंडा आ होर ना गर्म। खरा हुन्दा कि तू ठंडा या गर्म हुन्दा यानि तू मुंजो पूरी तरहा ले मनदा या ता नी मनदा।

प्रकासना री गल्ला 3:2

इधी कठे, “जागी जाऊआ, होर मेरे पर जो विस्वास हाल्ले भी तुस्सा रा बचिरा तेस विस्वासा जो खत्म हूंणे रे पैहले आपणे विस्वासा जो मजबूत करहा। क्यूंकि मैं तेरे केसी भी कामा जो आपणे परमेसरा री नजरा मन्झ पूरा नी पाया।

प्रकासना री गल्ला 3:8

हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।

प्रकासना री गल्ला 4:5

होर तेस्सा राजगद्दिया मन्झा ले बिजलिया री चमक होर बादला री गड़गड़ाहट री अवाजा निकलेया करहा ई थी। होर राजगद्दी रे साम्हणें सात दिऊये भख्या करहा ऐं थे, होर जो परमेसरा री सात आत्मा थी।

प्रकासना री गल्ला 5:6

होर तेबे मैं चारो प्राणी होर तिन्हा अगुवे रे बीचा मन्झ राजगद्दी रे पासे एक छेलू खड़ीरा देखेया। होर तेस छेलु पर एह्ड़े नसाण थे जिहां कि तेसरी बलि करी दितिरी हो। तेसरे सात सींग होर सात हाखिया थी; होर ये परमेसरा री सात आत्मा ई, जो सारी धरती पर भेजी गईरी।