प्रकासना री गल्ला 2:9 - मंडयाली नंऊँआं नियम

⁹ हांऊँ जाणहां कि तैं दुःख सहन कितिरे होर तू गरीब आ, पर आत्मिक गल्ला मन्झ तू सच्चे अमीर आ। होर हांऊँ ये भी जाणहां कि जो लोक आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों तुस्सा री निंदा करहे। पर ये लोक सैताना री मंडली रे लोक ऐं।

प्रकासना री गल्ला 2:9 Iomraidhean Croise

मत्ती 4:10

तेबे यीसूए तेस किन्हें बोल्या, “हे सैतान दूर हुई जा, क्यूंकि पवित्र सास्त्र मन्झ लिखिरा कि: ‘तू प्रभु आपणे परमेसरा री अराधना कर, होर सिर्फ तेसरी सेऊआ कर।’”

लूका 12:21

एह्ड़ा ई तेस माह्णुं किन्हें भी हूंणा जो आपणे कठे सभ कुछ कठा करहा, पर परमेसरा री नजरा मन्झ अमीर नी आ।”

लूका 22:65

होर तिन्हें बौह्त सारी निंदा री गल्ला तेसरे बरखलाफ किती।

लूका 4:18

“प्रभु रा आत्मा मेरे गास आ, इधी कठे कि तिन्हें मुंजो गरीबा जो खुसी री खबर सुणाणे रे कठे मेरा अभिसेक कितिरा, ताकि हांऊँ कैदिया जो छुटकारे रा, होर काणेया जो नजर पाणे री खुसी री खबर प्रचार करूं। होर जो दभिरे ऐं तिन्हा जो छुड़ाऊँ।

लूका 6:20

तेबे यीसूए आपणे चेलेया री तरफ देखी किन्हें बोल्या; “धन्य ऐं तुस्से, जो गरीब ऐं, क्यूंकि परमेसरा रा राज तुस्सा रा आ।

यहून्ना 16:33

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

चुणिरे चेले रे काम 14:22

होर हर गांऊँआं रे चेले रे मना जो मजबूत करदे रैहे होर ये उपदेस देंदे रैहे कि, “आस्सा जो बडे दुःख सही किन्हें परमेसरा रे राजा मन्झ दाखल करणा पऊणा।”

चुणिरे चेले रे काम 26:11

होर हरेक यहूदी सभा मन्झ हांऊँ तिन्हा जो ताड़ना दुआई-दुआई किन्हें यीसू री निंदा कुराहां था, एथी तक कि गुस्से रे मारे एह्ड़ा पागल हुई गया कि, बाहर दूजे सैहरा मन्झ भी जाई किन्हें तिन्हा जो स्ताहां था।”

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

रोमियो 2:17

पर तुस्सा मन्झ ले कुछ लोक आपणे आपा जो यहूदी बोल्हा ऐं, होर मूसा री व्यवस्था पर विस्वास करहा ऐं, होर एस बारे मन्झ बडयाई करहा ऐं कि तुस्से परमेसरा रे खास लोक ऐं।

रोमियो 5:3

सिर्फ येई नी, पर आस्से दुःखा जो सैहण रे कठे भी खुस हुयें, एह्ड़ा जाणी किन्हें कि दुःखा सैहण करणे ले सबर बधां।

रोमियो 8:35

कुछ भी आस्सो मसीहा रे प्यारा ले लग नी करी सकदा। ना दुःख, ना संकट, ना उपद्रव, ना अकाल, ना नंगाईया, ना जोख्म, होर ना खतरा ना मौत।

रोमियो 9:6

परमेसरे आपणा वादा पूरा कितेया, क्यूंकि इस्राएल देसा रे लोका रे सारे बंस सच्चे परमेसरा रे लोक नी ऐं।

2 कुरिन्थियो 6:10

पर आस्से हमेसा दुखा रे टैमा भी खुसी म्नांहें। हलांकि आस्से आपु ता गरीब ऐं, पर कईया जो आत्मिक रूपा ले अमीर बणाई दितिरा। होर आस्सा वाले आपणा कुछ नी हाया, पर फेरी भी सब कुछ आस्सा रा आपणा। होर येही गल्ला जाहिर करही कि आस्से परमेसरा से सेऊआदार ऐं।

2 कुरिन्थियो 8:2

तिन्हें बड़ी परेसानिया रा सामना कितेया, होर स्यों बौह्त गरीब भी थे, फेरी भी तिन्हें बड़ी खुसी साउगी होर बढ़ी उदारता किन्हें दूजे विस्वासी लोका री मदद करणे रे कठे ढब्बे दिते।

2 कुरिन्थियो 8:9

आस्सा रे प्रभु यीसू मसीह रे अनुग्रह जो तुस्से ठीक ढंगा किन्हें जाणहां ऐं कि, से अमीर हुई किन्हें भी तुस्सा रे कठे गरीब बणी गया ताकि तेसरे गरीब हुई जाणे ले तुस्से अमीर हुई जाओ।

1 थिस्सलुनकियो 3:4

क्यूंकि पैहले भी, जेबे आस्से तुस्सा साउगी थे, ता तुस्से बोल्या करहा ऐं थे कि, आस्सा जो दुःख उठाणे पऊणे, होर एह्ड़ा ई हुईरा, होर तुस्से इन्हा गल्ला जो जाणहां ऐं।

1 तिमिथियुस 1:13

मसीह पर विस्वास करणे ले पैहले ता हांऊँ मसीह री निंदा करणे वाल़ा, होर विस्वासी लोका जो स्ताणे वाल़ा, होर निर्दयी था। क्यूंकि मैं हाल्ले तक विस्वासा नी कितिरा था, इधी कठे हांऊँ नी जाणदा था कि जो हांऊँ करहा था से गलत आ। होर एस वजहा ले मसीहे मेरे पर दया किती।

1 तिमिथियुस 6:18

होर तिन्हा किन्हें बोला कि स्यों भलाई करहे, होर बौह्त सारे भले काम करहे, होर दूजेया जो जेस भी चीजा री जरूरत हो तेस जो उदारता किन्हें बांडी दे।

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।

प्रकासना री गल्ला 2:2

हांऊँ जाणहां कि तू क्या काम करहा, होर कितनी मैहनत करहा, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। हांऊँ जाणहां कि तू बुरे लोका रे झूठे उपदेसा जो नी झल्दा। होर जो लोक आपणे आपा जो चुणिरा चेला बोल्हा ऐं, पर सच्चे हाए नी, एह्ड़े लोका जो तैं परखिरा कि स्यों लोक झूठे।

प्रकासना री गल्ला 2:24

पर तुस्से जो थोहड़े लोक थुआतिरा सैहरा मन्झ बचीरे, सिर्फ तुस्से तेस्सा रे झूठे उपदेसा जो नी मन्नेया। तुस्से तिन्हा गल्ला जो नी सिखेया जिन्हा जो तेस्सा रे लोक “सैताना रे दितिरी गैहरी गल्ला” बोल्हा ऐं। हांऊँ तुस्सा किन्हें बोल्हा कि, हांऊँ तुस्सा जो कोई होर खास हुक्म मनणे जो नी देणा, बस येई कि मेरे वापस आऊणें तक मेरे पर तुस्सा रा जो विस्वास आ, तेता जो मजबूत बणाई किन्हें रखा।

प्रकासना री गल्ला 3:9

सुणा, मां सैताना रे मण्डली रे लोक, जो आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों झूठ बोल्हा ऐं, होर स्यों मां तेरे बसा मन्झ करी देणे। मां एह्ड़ा करणा कि तिन्हा आई किन्हें तेरे पैरा पर आपणा मूंड झुकाई देणा, होर तिन्हा ये जाणी लैणा कि, मैं तेरे किन्हें प्यार करहा।

प्रकासना री गल्ला 7:14

मैं तेस किन्हें बोल्या, “हे माल्का, हांऊँ नी जाणदा, पर तू आप्हुए जाणहां।” तिन्हें मेरे किन्हें बोल्या, “ये स्यों लोक ऐं, जो तेस महान क्लेसा रे टैमा मरी गईरे थे, होर इन्हें आपणे कपड़े छेलू रे खूना मन्झ धोई किन्हें चिटे कीतिरे, यानि तिन्हारे पाप टाही दितिरे।”