प्रकासना री गल्ला 2:5 - मंडयाली नंऊँआं नियम

⁵ इधी कठे याद कर कि, तू किहाँ मेरे किन्हें पैहले प्यार करहा था, पर ऐबे तेह्ड़ा प्यार नी करदा। एस पापा जो करणा छाडी दे, होर पैहले साहीं मेरे किन्हें प्यार कर। होर अगर तू नी बधल्घा, ता मां तेरे वाले आई किन्हें तेरी दीऊदानी जेथी से थी, तेस जगहा ले हटाई किन्हें तुजो सजा देणी।

प्रकासना री गल्ला 2:5 Iomraidhean Croise

मत्ती 5:14

तुस्से पुरे संसारा रे लोका रे कठे ज्योति साहीं ऐं, जो सैहर प्हाड़ा पर बसिरा से नी ल्हुखी सक्दा

मत्ती 5:15

होर लोक दिऊया भ्खाई किन्हें टोकरी रे हेठ नी रख्दे पर दीवटा पर रख्हा ऐं, तेबे तेता ले तेस घरा रे सारे लोका जो प्रयासा पुज्हा।

मरकुस 12:9

यीसूए पूछेया “एता कठे ऐबे अंगूरा रे बगीचे रे माल्का क्या करणा? तेस आई किन्हें स्यों किसान मुकाई देणे, होर अंगूरा रा बगीचा होरी किसाना जो ठेके पर देई देणा।

लूका 1:17

तेस एलिय्याह नबी री आत्मा होर सामर्थ रखणे वाल़ा माह्णुं हूंणा। तेस लोका जो तिन्हारे पापा जो छाडणे होर प्रभु रे आऊणें रे कठे त्यार करणा। तेस बापू रा मन बच्चे री तरफ करी देणा; होर हुक्म नी मनणे वाल़ेया जो धर्मी लोका साहीं समझ रखणे रे कठे प्रेरणा देणी।”

लूका 20:16

तेस आई किन्हें तिन्हा किसाना रा नास करी देणा, होर अंगूरा रा बगीचा होरी जो देई देणा।” ये सुणी किन्हें तिन्हें बोल्या, “परमेसर एह्ड़ा ना करहे।”

गलातियो 5:4

तुस्से जो, मूसा री व्यवस्था मनणे रे ज्रीए परमेसरा री नजरा मन्झ धर्मी बणना चाहें, तुस्से सभीए मसीह साउगी आपणा रिस्ता तोड़ी दितिरा, होर आपणे आपा जो तेस अनुग्रह ले लग करी दितिरा, जेसरे ज्रीए परमेसरे तुस्सा रा उद्धार करी सका।

फिलिप्पियो 2:15

ताकि तुस्से बेकसूर होर भोले हुई किन्हें संसारा रे टेढ़े होर ढीठ लोका रे बीचा मन्झ परमेसरा रे सिद्ध बच्चे बणी किन्हें रैहया। एस संसारा रे लोका रे बीचा मन्झ आसमाना रे तारे साहीं चमकदे हुए तिन्हो परमेसरा रा बचन सुणाऊआ जो तिन्हो अनंत जिन्दगी देआ।

इब्रानियो 10:32

पर तिन्हा ध्याड़े जो याद करा, जेबे तुस्से पैहली बारी मसीह पर विस्वास कितिरा था, होर तेता ले बाद तुस्से बौह्त दुःखा रा साम्हणां कितेया, होर भारी पीड़ा मन्झ मजबूत रहे।

2 पतरस 3:17

हे लाडले भाईयो होर बैहणो, तुस्से लोक पैहले ले ई जाणहां ऐं कि युयां गल्ला हूणीं। इधी कठे चतन्न रैहया, परमेसरा री व्यवस्था जो नी मनणे वाले लोक तुस्सा जो झूठ बोली किन्हें नी भड़काए, एह्ड़ा करी किन्हें तुस्सा सच्ची गल्ला पर विस्वास करणा छाडी देणा, जिन्हा गल्ला पर तुस्से पैहले विस्वास कितिरा था।

यहूदा 1:24

एक ही परमेसर आ जो तुस्सा जो पऊणे ले बचाई सक्हा, होर जेबे तेस आपणी महिमा मन्झ तुस्से आपणे साम्हणें लेई आऊणें, तेबे से तुस्सा जो मगन होर बेकसूर रखी सक्हा। तिन्हें आस्सा रे, प्रभु यीसू मसीह रे ज्रीए आस्से बचाई लितिरे। सनातन काल ले लेई किन्हें महिमा, बड़ाई, होर गौरव, तेसरा था होर ऐबे भी तेसरा, होर जुग-जुग तेसरा ही रेहणा। आमीन।

प्रकासना री गल्ला 1:20

इन्हा सात तारे रा जो तैं मेरे सीधे हाथा मन्झ देखिरे थे, होर तिन्हा सात सोने री दीऊदानिया एक गहरा मतलब आ, जो ऐबे मां तुस्सा जो दसणा, जो पैहले कधी भी जाहिर नी कितिरा था। स्यों सात तारे सात कलीसिया रे दूत ऐं, होर स्यों सात सोने री दीऊदानिया सात कलीसिया ई।

प्रकासना री गल्ला 16:9

होर माह्णुं सूरजा रे तेज गर्मी किन्हें फुखी गये। तेबे तिन्हें आपणे बुरी कामा जो छाडी किन्हें होर परमेसरा री महिमा करणे रे बजाय स्यों परमेसरा री निंदा करदे लगे। क्यूंकि तिन्हा कैहरा जो भेजणे रा हक सिर्फ परमेसरा वाले आ।

प्रकासना री गल्ला 2:16

इधी कठे पाप करणा छाडी देआ, नी ता मां तेरे वाले जल्दी आई किन्हें, आपणे मुंहा री तलवार यानि आपणे बचना रे ज्रीए तिन्हा किन्हें लड़ना।

प्रकासना री गल्ला 2:19

हांऊँ जाणहां कि तू क्या काम करहा, होर ये भी कि तुस्से एक दूजे किन्हें प्यार करहे, होर तुस्सा रा मेरे पर बौह्त मजबूत विस्वास आ। हांऊँ जाणहां कि किहाँ तुस्से एक दूजे री सेऊआ कितिरी, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। होर ये भी कि तेरे ऐबे रे काम पैहले ले बढ़ी किन्हें ऐं।

प्रकासना री गल्ला 2:2

हांऊँ जाणहां कि तू क्या काम करहा, होर कितनी मैहनत करहा, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। हांऊँ जाणहां कि तू बुरे लोका रे झूठे उपदेसा जो नी झल्दा। होर जो लोक आपणे आपा जो चुणिरा चेला बोल्हा ऐं, पर सच्चे हाए नी, एह्ड़े लोका जो तैं परखिरा कि स्यों लोक झूठे।

प्रकासना री गल्ला 3:19

हांऊँ जिन्हा जो प्यार करहा, तिन्हा सभी जो डांटहा होर सुधारी देहां, इधी कठे सही काम करणे रे कठे उत्साही बणा, होर गुणगुणे हूंणे साहीं आपणे पापा जो करणा छाडी दे।