प्रकासना री गल्ला 2:2 - मंडयाली नंऊँआं नियम

² हांऊँ जाणहां कि तू क्या काम करहा, होर कितनी मैहनत करहा, होर ये भी कि तू मेरे पर विस्वास करणे री वजहा ले सबर रखी किन्हें दुःख सहन करा। हांऊँ जाणहां कि तू बुरे लोका रे झूठे उपदेसा जो नी झल्दा। होर जो लोक आपणे आपा जो चुणिरा चेला बोल्हा ऐं, पर सच्चे हाए नी, एह्ड़े लोका जो तैं परखिरा कि स्यों लोक झूठे।

प्रकासना री गल्ला 2:2 Iomraidhean Croise

मत्ती 7:23

तेबे मां तिन्हा किन्हें खुल्ही किन्हें बोली देणा कि, ‘हांऊँ तुस्सा जो नी जाणदा, हे दुस्ट काम करणे वाल्यो, मेरे वाले ले चली जाऊआ।’”

यहून्ना 6:6

पर तिन्हें ये गल तेस जो परखणे रे कठे बोली, क्यूंकि से आपु जाणहां था कि तेस क्या करणा।

गलातियो 1:7

पर कोई दूजा उपदेस ता हाया नी, पर सिर्फ मसीह री सच्ची खुसी री खबर ई। पर कुछ लोक एह्ड़े ऐं, जो मसीह री खुसी री खबरा रे मतलबा जो बदलना चाहें, होर तिन्हें तुस्सा जो धोखा दितिरा।

इफिसियो 4:14

इधी कठे ऐबे ले लेई किन्हें आस्से बच्चे साहीं नी बणे, आस्सा तेस किस्ती साहीं नी हूंणा, जेस जो तेज बागर डूआई किन्हें लेई जाहीं, या ल्हरें ओरे-परे घुमाई देईं। यानि ऐबे ले ठगी होर चालू माह्णुं आस्सा जो झूठी गल्ला मन्झ नी फसाई सकदे।

1 थिस्सलुनकियो 1:3

होर जेबे आस्से आपणे बापू परमेसरा किन्हें प्रार्थना करहा ऐं, तुस्सा रे कामा रे कठे जो विस्वासा री वजहा ले तुस्से करहा ऐं, होर दूजेया किन्हें प्यार करणे रे कठे जो मैहनत करहा ऐं, होर आस्सा रे प्रभु यीसू मसीह मन्झ उम्मीद रखणे रे वजहा ले जो धीरज पैदा हुंहाँ, तिन्हा गल्ला जो आस्से हमेसा याद करहा ऐं।

1 थिस्सलुनकियो 5:21

सारे उपदेसा जो परखा कि स्यों परमेसरा री वखा ले हाऐ या नी; होर जो खरी उपदेस ऐं तिन्हा जो ग्रहण करहा होर मना।

2 तिमिथियुस 2:19

परमेसरा रे लोक तेस निऊँआ साहीं जो बणी रैहीं, होर जेस पर ये सब्द लिखिरे कि, “प्रभु आपणे लोका जो पछ्याणा,” होर “हर एक जिन्हें प्रभु जो अपनाईरा से बुराई करणा छाडी दे।”

इब्रानियो 6:10

तुस्से परमेसरा रे खातर तेसरे पवित्र लोका री सेऊआ बड़े प्यारा किन्हें करहे थे होर करदे भी लगिरे, परमेसर एस कामा जो नी भूल्दा। क्यूंकि परमेसर अन्याय करणे वाल़ा नी आ।

1 यहून्ना 4:1

हे लाडले भाईयो होर बैहणो, हरेक तेस माह्णुं पर विस्वास नी करहा जो ये बोल्हा की मेरे मन्झ परमेसरा री आत्मा ई; पर आत्मा जो परखा कि, स्यों परमेसरा री तरफा ले ई कि नी ई; क्यूंकि बौह्त सारे झूठे नबी संसारा मन्झ ऐं जो परमेसरा री तरफा ले नी ऐं।

प्रकासना री गल्ला 2:5

इधी कठे याद कर कि, तू किहाँ मेरे किन्हें पैहले प्यार करहा था, पर ऐबे तेह्ड़ा प्यार नी करदा। एस पापा जो करणा छाडी दे, होर पैहले साहीं मेरे किन्हें प्यार कर। होर अगर तू नी बधल्घा, ता मां तेरे वाले आई किन्हें तेरी दीऊदानी जेथी से थी, तेस जगहा ले हटाई किन्हें तुजो सजा देणी।

प्रकासना री गल्ला 2:6

पर हां, तेरे मन्झ ये खरी गल ता जरुर ई कि, तू निकुलइया लोका रे कामा ले बैर करहा, जिहां हांऊँ भी तिन्हारे कामा ले बैर करहा।

प्रकासना री गल्ला 2:9

हांऊँ जाणहां कि तैं दुःख सहन कितिरे होर तू गरीब आ, पर आत्मिक गल्ला मन्झ तू सच्चे अमीर आ। होर हांऊँ ये भी जाणहां कि जो लोक आपणे आपा जो परमेसरा रे चुणिरे लोक (यहूदी लोक) बोल्हे, पर स्यों हाये नी, स्यों तुस्सा री निंदा करहे। पर ये लोक सैताना री मंडली रे लोक ऐं।

प्रकासना री गल्ला 3:1

तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”

प्रकासना री गल्ला 3:15

हांऊँ जाणहां कि तू क्या काम करहा, तू तेस पाणी साहीं आ, जो ना ता ठंडा आ होर ना गर्म। खरा हुन्दा कि तू ठंडा या गर्म हुन्दा यानि तू मुंजो पूरी तरहा ले मनदा या ता नी मनदा।

प्रकासना री गल्ला 3:8

हांऊँ जाणहां कि तू क्या काम करहा, होर तेरी सामर्थ थोह्ड़ी ई, पर तैं मेरी गल्ला मन्ही री, होर जो विस्वास तेरा मेरे पर आ, से विस्वास तैं नी छाडेया। इधी कठे मैं तेरे साम्हणें एक दुराजा खोल्ही किन्हें रखिरा, जेस जो कोई बंद नी करी सक्दा।