प्रकासना री गल्ला 2:1 - मंडयाली नंऊँआं नियम

¹ तिन्हें मेरे किन्हें बोल्या कि, “इफिसुस सैहरा री कलीसिया रे दूत जो ये संदेस लिख कि: हांऊँ ई आ जिन्हें आपणे सीधे हाथा मन्झ सात तारे लईरे, होर हांऊँ सोने रे सात दीऊदानिया रे बीचा मन्झ चल्हा फिरहा। हांऊँ तुस्सा किन्हें ये बोल्हा कि:

प्रकासना री गल्ला 2:1 Iomraidhean Croise

मत्ती 18:20

क्यूंकि जेथी केथी दो या तीन लोक मेरे चेले हूंणे रे नाते कठे हुंहाँ ऐं तेथी हांऊँ तिन्हारे बीचा मन्झ हुंहाँ।”

मत्ती 28:20

होर इन्हा चेलेया जो, जो हुक्म मैं तुस्सा जो दितरे तिन्हारा पालन करणा सिखाऊआ: होर सूणां, हांऊँ संसारा रे खत्म हूंणे तक हमेसा तुस्सा साउगी आ।”

यहून्ना 5:35

यहून्ना एह्ड़ा दिऊया था जो भख्हा होर चमक्हा था। होर तुस्सा जो कुछ देरा तक तेसरे प्रयासे मन्झ, मगन हूंणां बांका लग्या।

चुणिरे चेले रे काम 18:19

फेरी तिन्हें इफिसुस सैहरा मन्झ पुज्ही किन्हें तिन्हें प्रिसकिल्ला होर अक्विला जो तेथी छाडी दितेया, होर आपु ई यहूदी सभा मन्झ जाई किन्हें यहूदी लोका किन्हें बैहस करदा लग्या।

चुणिरे चेले रे काम 18:21

पर ये बोली किन्हें तिन्हा ले विदा हुएया कि, “अगर परमेसरे चाहंगा ता मां तुस्सा वाले दबारा आऊंणा।” तेबे से इफिसुस सैहरा ले जहाजा पर चढ़ी किन्हें चली गया।

चुणिरे चेले रे काम 19:1

होर जेबे अपुल्लोस कुरिन्थुस सैहरा मन्झ था, ता पौलुस प्हाड़िया रे सारे ईलाके ले हुई किन्हें इफिसुस सैहरा मन्झ आया, होर तिन्हारी मुलाकात कुछ चेलेया किन्हें हुई।

2 कुरिन्थियो 6:16

होर मूर्तिया री परमेसरा रे मन्दरा मन्झ कोई जगहा नी। क्यूंकि आस्से ता जिन्दे परमेसरा रे मन्दर ऐं, जेह्ड़ा परमेसरे पवित्र सास्त्रा मन्झ बोलिरा कि, “मां इन्हा लोका साउगी रैहणां, होर तिन्हारे बीचा मन्झ चल्या फिरया करणा; होर मां तिन्हारा परमेसर हूंणां, होर तिन्हा मेरे लोक हूंणां।”

प्रकासना री गल्ला 1:16

होर तेसरे सीधे हाथा मन्झ सात तारे थे, होर तेसरे मुंहा ले एक तेज दोधारी तलवार बाहर निकल्या करहा ई थी। होर तेसरा मुंह एह्ड़ा चमक्या करहा था, जेह्ड़ा सूरज भरी धूपा रे टैमा मन्झ चमक्हा।

प्रकासना री गल्ला 1:20

इन्हा सात तारे रा जो तैं मेरे सीधे हाथा मन्झ देखिरे थे, होर तिन्हा सात सोने री दीऊदानिया एक गहरा मतलब आ, जो ऐबे मां तुस्सा जो दसणा, जो पैहले कधी भी जाहिर नी कितिरा था। स्यों सात तारे सात कलीसिया रे दूत ऐं, होर स्यों सात सोने री दीऊदानिया सात कलीसिया ई।

प्रकासना री गल्ला 12:1

फेरी जेबे ये सभ कुछ हुई गया, ता आसमाना मन्झ एक बौह्त बड़ा चिन्ह सुझ्या। क्यूंकि एक ज्नाने, जो सूरज साहीं चमकणे वाले कपड़े पैन्ही रखी थी, होर चांद तेस्सा रे पैरा हेठ था। होर तेस्से आपणे मूंडा पर बारा तारे वाल़ा एक ताज पैन्ही रा था।

प्रकासना री गल्ला 2:12

तिन्हें मेरे किन्हें ये भी बोल्या कि, “पिरगमुन सैहरा री कलीसिया रे दूत जो ये संदेस लिख कि: हांऊँ ही आ जेस वाले तेज दोधारी तलवार ई। होर हांऊँ तुस्सा किन्हें ये बोल्हा कि:

प्रकासना री गल्ला 2:18

फेरी तिन्हें मेरे किन्हें बोल्या, “होर थुआतिरा सैहरा री कलीसिया रे दूत जो ये संदेस लिख कि: हांऊँ ई आ जो परमेसरा रा मह्ठा आ, होर जेसरी हाखिया आगी री लपटा साहीं चमकी करहा ई थी। होर जेसरे पैर भट्टी मन्झ तपाए गईरे बढ़िया कांसे साहीं चमकी करहे थे। होर हांऊँ तुस्सा किन्हें ये बोल्हा कि:

प्रकासना री गल्ला 2:8

तिन्हें मेरे किन्हें बोल्या, “होर स्मुरना सैहरा री कलीसिया रे दूत जो ये संदेस लिख कि: हांऊँ ही आ जो पैहला होर आखरी आ; हांऊँ मरी गईरा था पर ऐबे जिउंदा हुई गईरा। होर हांऊँ तुस्सा किन्हें ये बोल्हा कि:

प्रकासना री गल्ला 3:1

तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”

प्रकासना री गल्ला 3:14

फेरी तिन्हें मेरे किन्हें ये बोल्या कि, “लौदिकिया सैहरा री कलीसिया रे दूत जो ये संदेस लिख कि: हांऊँ ई आ जेस जो आमीन बोले, क्यूंकि हांऊँ भरोसे रे लायक आ, होर मैं परमेसरा रे बारे मन्झ गुआई देहां कि से सच्चा। हांऊँ ई आ जेसरे ज्रीए परमेसरे सारी सृस्टी री रचना किती। हांऊँ तुस्सा किन्हें ये बोल्हा कि:

प्रकासना री गल्ला 3:7

तिन्हें मेरे किन्हें ये बोल्या, “होर फिलेदेलफिया सैहरा री कलीसिया रे दूत जो ये संदेस लिख कि: हांऊँ ई आ जो पवित्र होर सच्चा आ, होर जेस वाले राजा दाऊदा री चाबी। जेसरे खोलिरे जो कोई बंद नी करी सक्दा, होर बंद कितिरे जो कोई खोल्ही नी सक्दा। हांऊँ तुस्सा किन्हें ये बोल्हा कि: