प्रकासना री गल्ला 17:3 - मंडयाली नंऊँआं नियम

³ तेबे पवित्र आत्मा मेरे पर आई होर स्वर्गदूत मुंजो बियाबान जंगला मन्झ लई गया। तेबे मैं एक जन्नानी देखी जो लाल रंगा रे राक्सा रे गास बैठी किन्हें सुआरी करी करही थी। होर जेसरे सात मूंड होर दस सींग थे, जेसरे सरीरा पर परमेसरा रे निंदा करणे रे नाऊँ लिखिरे थे।

प्रकासना री गल्ला 17:3 Iomraidhean Croise

मत्ती 27:28

होर तेसरा मजाक डुआणे रे कठे तेसरे कपड़े तुआरी किन्हें तेस जो चमकीले लाल रंगा रे कपड़े पन्ह्याये।

चुणिरे चेले रे काम 8:39

तेबे स्यों तलाब मन्झा ले निकली किन्हें गास आई गये, ता प्रभु रा आत्मा फिलिप्पुसा जो चकी किन्हें लई गया, होर हिजड़े से फेरी दबारा नी देख्या, होर से खुसी म्नान्दा आपणे देसा जो वापस गया, क्यूंकि परमेसरे तेसरा उद्धार करी दितेया।

2 थिस्सलुनकियो 2:4

तेस परमेसर होर बाकि सभ चीजा रा विरोध करणा, जिन्हों लोक इस्वर बोली किन्हें तिन्हारी अराधना करहे, होर तेस एस गल्ला रा दावा करणा कि से इन्हा सभी ले खास आ। एथी तक कि दुस्ट आदमी परमेसरा रे मन्दरा मन्झ बैठी किन्हें ये भी दावा करहा कि से आपु ई परमेसर आ।

प्रकासना री गल्ला 1:10

तुआरा रे ध्याड़ा, जो प्रभु रा ध्याड़ा पवित्र आत्मा मेरे पर आई गई, होर मैं आपणे पीछे ले तुरही रे बाजे साहीं एक बड़ी भारी अवाज सुणी।

प्रकासना री गल्ला 12:14

परमेसरे तेस्सा ज्नाने जो बड़े ईल्लणा रे दो फान्ख दिते, ताकि से उडी किन्हें बियाबान जंगला मन्झ उडी किन्हें चली जाये, जो जगहा परमेसरे तेस्सा रे कठे त्यार कितिरी थी। तेथी तेस्सा जो साढ़े तीन साला तक पाल्या, ताकि अजगर तेस्सा वाले नी आई सके।

प्रकासना री गल्ला 12:3

एक होर चिन्ह आसमाना मन्झ सुझ्या, होर एक लाल रंगा रा एक बडा अजगर जो की सैतान आ सूझेया। जेसरे सात मूंड होर दस सींग थे, होर हर एक मूंडा पर एक-एक ताज था।

प्रकासना री गल्ला 12:6

होर से ज्नाने तेस बियाबान जंगला मन्झ भगी गई, जो जगहा परमेसरे तेस्सा रे कठे त्यार कितिरी थी कि, से तेथी एक हज़ार दो सौ साठ ध्याड़े तक पली सके।

प्रकासना री गल्ला 17:4

तेस्से ज्नाने बैंगनी होर लाल रंगा रे कपड़े पैहनीरे थे, होर तेस्से आपणे आपा जो सोने रे जेवर होर अनमोल पात्थर होर मैन्हगे मोतिया किन्हें सजाई किन्हें रखीरा था। होर तेस्से आपणे सीधे हाथा मन्झ एक सोने रा डोंगा लेईरा था, जो तेस्सा रे बुरी कामा किन्हें होर व्यभिचारा री दुस्ट चीजा किन्हें भरीरा था।

प्रकासना री गल्ला 18:12

तिन्हा वाले बौह्त सारे समान थे जिहां कि सोना, चांदी, रत्न, मोती। तिन्हा वाले मलमला रे कपड़े थे जो बौह्त कीमती धागे किन्हें बणिरे थे, बैंगनी होर लाल रंगा रे कपड़े। तिन्हा वाले हर किस्मा री खुस्बूदार लकड़ी ले बणीरी चीजा, हाथी रे दांदा री बणीरी चीजा, होर दूजी चीजा भी जो कीमती लकड़िया ले, पितला ले, लोहे होर संगमरमरा ले बणीरी थी।

प्रकासना री गल्ला 18:16

‘बडे सैहर बाबेल पर बौह्त बडा कैहर आईरा! जिन्हें एक सुंदर जनानिया साहीं मलमल, होर बैंजनी, होर लाल कपड़े पैन्ही रखिरे थे, होर सोने होर रत्ना होर मोतिया किन्हें सजिरी थी।

प्रकासना री गल्ला 21:10

होर पवित्र आत्मा मेरे पर आई गई, होर तेस सामर्था रे ज्रीए एक मुंजो एक बडे होर उच्चे प्हाड़ा पर पुजाई दितेया, फेरी मुंजो पवित्र सैहर नंऊँआं यरुस्लेम, स्वर्गा ले परमेसरा वाले उतरदे हुए दसेया।

प्रकासना री गल्ला 4:2

होर झटपट पवित्र आत्मा मेरे पर आई गई, होर मैं देखेया कि, स्वर्गा मन्झ एक राजगद्दी रखिरी थी, होर तेस राजगद्दी पर कोई बैठिरा था।