प्रकासना री गल्ला 16:3 - मंडयाली नंऊँआं नियम

³ दूजे स्वर्गदूते जाई किन्हें आपणे डोंगें मन्झ ले परमेसरा रे गुस्से जो समुद्रा पर दली दितेया। होर झटपट समुद्रा रा पाणी मरिरे माह्णुं रे खूना साहीं बदली गया, होर एता री वजहा ले समुद्रा रा हर एक जानवर मरी गया।

प्रकासना री गल्ला 16:3 Iomraidhean Croise

चुणिरे चेले रे काम 2:41

जिन्हें पतरसा री गल्ला पर विस्वास कितेया होर तिन्हें बपतिस्मा लया; होर तेस ई ध्याड़े लगभग तीन हज़ार लोक विस्वासिया रे समूहा मन्झ जुड़ी गये।

प्रकासना री गल्ला 10:2

तिन्हें आपणा सीधा पैर समुद्रा पर, होर पुठा पैर धरती पर रखीरा था। होर तेसरे हाथा मन्झ एक छोटी कताब थी, जो खुलीरी थी।

प्रकासना री गल्ला 11:6

परमेसरे तिन्हा जो हक दितिरा कि जेबे स्यों भविस्यवाणी करहे ता बरखा जो रोकी सके। तिन्हो एस गल्ला रा भी हक दितिरा कि स्यों पाणी जो खूना साहीं लाल बणाई सके, होर धरती पर सभ किस्मा री भयानक विपति भेजी सके। जेबे-जेबे स्यों चाहे तेबे-तेबे स्यों एह्ड़ा करी सके।

प्रकासना री गल्ला 13:1

होर मैं एक राक्स जो समुद्रा मन्झा ले निकल्दे हुए देख्या। जेसरे दस सींग होर सात मूंड थे, होर हर एक मूंडा पर एक-एक ताज था। होर तेसरे हर एक मूंडा पर परमेसरा रे नांऊँ लिखिरे थे, जेस जो बोलणे रा हक तेस जो नी था।