प्रकासना री गल्ला 15:3 - मंडयाली नंऊँआं नियम

³ होर तिन्हें परमेसरा रे सेऊआदार मूसा साहीं गाणा गाया, होर से गाणा छेलू बारे मन्झ था। होर स्यों इंहां गांदे लगिरे थे कि, “हे सर्वसक्तिमान प्रभु परमेसर, तेरे काम बडे होर नौखे ऐं, तू जो देस-देसा रे लोका रा राजा, तेरे हर काम धर्मा रे, होर सच्चे।”

प्रकासना री गल्ला 15:3 Iomraidhean Croise

यहून्ना 1:17

इधी कठे कि मूसा री व्यवस्था मूसा रे ज्रीए मिली, पर अनुग्रह होर सच्चाई प्रभु यीसू मसीहा रे ज्रीए पूजे।

1 तिमिथियुस 1:17

ऐबे अनंतकाला रा राजा, कधी भी नी मरणे वाल़ा, अनदेखे, होर एक सच्चा परमेसरा रा आदर होर महिमा जुग-जुग हुन्दी रहे। आमीन।

इब्रानियो 3:5

मूसा ता परमेसरा रे परिवारा रे लोका मन्झ सेऊआदार साहीं सच्चा रैंह्यां कि, से तिन्हा गल्ला जो करी सके जिन्हों परमेसर भविष्य मन्झ जाहिर करणे वाल़ा था।

प्रकासना री गल्ला 1:8

प्रभु परमेसर बोल्हा कि, “हांऊँ अल्फा होर ओमेगा यानि सुर्हूआत होर अंत हांऊँ ई आं। हांऊँ ई सर्वसक्तिमान आ, जो था, होर जो हाया, होर जो आऊणें वाल़ा आ।”

प्रकासना री गल्ला 11:17

होर ये बोल्दे लगे, “हे सर्वसक्तिमान प्रभु परमेसर, जो था, होर जो हाया, आस्से तेरा धन्यावाद करहा ऐं, कि तैं ऐबे आपणी बड़ी सामर्थ दसीरी, होर संसारा मन्झ राज करणा सुर्हू कितिरा।

प्रकासना री गल्ला 14:3

होर स्यों एक लाख चुताली हज़ार लोक राजगद्दी रे होर चारो प्राणिया रे होर चौबी अगुवो रे साम्हणें खड़ी किन्हें, स्यों एक नंऊँआं गाणा गाया करहा ऐं थे, जो कोई ये गाणा नी सीखी सक्दा था। होर इन्हा लोका जो परमेसरे संसारा मन्झ रैहणे वाले लोका मन्झ ले मुले लई किन्हें छुड़ाईरे थे।

प्रकासना री गल्ला 14:8

होर एता ले बाद एक होर दूजा स्वर्गदूत ये बोल्दा हुआ पैहले स्वर्गदूता रे पीछे आया कि, “खत्म हुई गया, से बाबेल सैहर खत्म हुई गया, तिन्हें सभ देसा रे लोका जो आपणा बणीरा सराब पयाया यानि तिन्हें सारे माह्णुंआं ले बुरे काम कुराये। क्यूंकि तिन्हें लोका जो मूर्ति पूजा करणा सखाया।”

प्रकासना री गल्ला 17:14

“तिन्हा दस राजेया होर राक्सा छेलू साउगी युद्ध करणा। पर छेलूआ होर तेसरे साथीया स्यों हराई देणे, क्यूंकि छेलु राजेया रा राजा, होर प्रभुआ रा प्रभु आ। तेसरे साथी स्यों जिन्हों परमेसरे चुणिरा होर सादिरे होर जो भरोसे रे लायक ऐं।”

प्रकासना री गल्ला 19:16

होर तेसरे कपड़े होर सीधी जाँघा पर जो नांऊँ लिखिरा, से ये आ: “राजेया रा राजा होर प्रभुआ रा प्रभु।”

प्रकासना री गल्ला 19:2

तेसरी बढ़ाई करहा, क्यूंकि से सही होर सच्चा न्याय करहा, तिन्हें तेस बड़े सैहरा जो सजा दिती जो बड़ी वेस्या साहीं आ, क्यूंकि तिन्हें संसारा रे लोका जो भरमाया कि स्यों पाप करहे, परमेसरे तेस ले तेसरे बुरे कामा रा बदला लितेया, क्यूंकि तिन्हें परमेसरा रे सेऊआदारा जो मारी दितिरा था।”

प्रकासना री गल्ला 4:8

होर चारो प्राणिया रे छेह-छेह फान्ख थे, होर चारो पासे हाखिया ई हाखिया थी। होर स्यों राती ध्याड़ी बगैर अराम किते ये बोल्दी रैहीं थी कि, “पवित्र, पवित्र, पवित्र, सर्वसक्तिमान प्रभु परमेसर ई से आ, जो था, होर जो हाया, होर जो आऊणें वाल़ा आ।”