प्रकासना री गल्ला 15:2 - मंडयाली नंऊँआं नियम

² फेरी मुंजो सीसे साहीं चमकदा हुआ एक समुद्र सूझेया, जेस मन्झ आग मिलिरी हो। होर मैं स्यों लोक भी देखे जिन्हों ये राक्स हराई नी सकेया। तिन्हें लोके राक्सा री होर तेसरी मूर्ति री अराधना नी कितिरी थी, होर जिन्हा पर राक्सा रे नांऊँआं रे अंका री छाप भी नी लगिरी थी। स्यों भी तेस सीसे रे समुद्रा रे कनारे पर खड़ी गये, होर तिन्हारे हाथा मन्झ परमेसरा री दितिरी वीणा थी।

प्रकासना री गल्ला 15:2 Iomraidhean Croise

मत्ती 3:11

“पाप करणा छाडी देआ तेबे मां तुस्सा जो पाणी किन्हें बपतिस्मा देणा, पर से जे मेरे बाद आऊणें वाल़ा आ, से मेरे ले भी ज्यादा सक्तिसाली आ, हांऊँ ता तेसरे बूट चकणे रे लायक भी नी हाया, तेस तुस्सा जो पवित्र आत्मा होर आगी किन्हें बपतिस्मा देणा।

1 पतरस 1:7

होर ये परेसानिया इधी कठे हुंहाँ ताकि ये जाहिर हो की तुस्सा रा विस्वास परमेसरा पर हाया की नी। मसीह पर तुस्सा रा विस्वास आगा मन्झ परखिरे सुद्ध कितिरे सोने ले भी ज्यादा कीमती आ। जिहां नास हूंणे वाल़ा सोना भी आगी किन्हें परखी जाहाँ, होर इंहां ही अगर तुस्सा रा विस्वास भी परेसानिया रे बीचा मन्झ मजबूत निकले, ता जेबे यीसू मसीहा दबारा वापस आऊंणा, तेस ध्याड़े तुस्सा जो भी बड़ाई, होर महिमा होर आदर मिलणा।

1 पतरस 4:12

हे लाडले भाईयो होर बैहणो, तुस्से इन्हा दुःख भरी गल्ला ले हरान नी हो जो तुस्से मसीह रे। पर ये इधी कठे हुई ताकि ये जाहिर हो कि तुस्से परमेसरा पर सच्चे विस्वास करहे की नी, इधी कठे एह्ड़ा मत सोच्हा कि कोई नौखी गल तुस्सा पर हुएया करहा ई।

प्रकासना री गल्ला 12:11

आस्सा रे विस्वासी लोके सैताने जो हराई दितिरा। तिन्हें छेलू रे खूना रे ज्रीए जो तिन्हारे पापा री माफी रे कठे बहाई दितिरा था। होर तिन्हारी एस गुआही री वजहा ले कि ये छेलू ही तिन्हारा प्रभु आ, तिन्हें से हराई दितेया। भले ही तिन्हों आपणे प्राण देणे पये, पर स्यों आपणी गुआही ले पीछे नी हटे।

प्रकासना री गल्ला 13:1

होर मैं एक राक्स जो समुद्रा मन्झा ले निकल्दे हुए देख्या। जेसरे दस सींग होर सात मूंड थे, होर हर एक मूंडा पर एक-एक ताज था। होर तेसरे हर एक मूंडा पर परमेसरा रे नांऊँ लिखिरे थे, जेस जो बोलणे रा हक तेस जो नी था।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 13:17

ताकि जेस पर ये छाप लगिरी हो, सेई लेण देण करी सके। ये छाप पैहले राक्सा रा नांऊँ या से अंक था, जो तेसरे नांऊँआ जो दस्हा।

प्रकासना री गल्ला 21:18

होर सैहरा री कान्ध कीमती पात्थर यसबा री बणीरी थी, होर सैहर सुद्ध सोने रा बणीरा था, जो सीसे साहीं साफ था।

प्रकासना री गल्ला 4:6

होर तेस्सा राजगद्दी रे साम्हणें बर्फा साहीं सूझणे वाल़ा साफ सीसे रा बणीरा समुद्र था। होर इन्हा सभिरे बीचा मन्झ रखिरी राजगद्दी रे चारो पासे चार प्राणी थे, जिन्हारे अगे-पीछे हाखिया ई हाखिया थी।

प्रकासना री गल्ला 5:8

होर जेबे तिन्हें से कताब लई लिती, ता स्यों चारो प्राणी होर चौबी अगुवे तेस छेलू रे पैरा पर पई गये। होर हर एकी अगुवे रे हाथा मन्झ सोने रा डोंगा होर वीणा थी, होर से डोंगा तेस धूपा किन्हें भरिरा था, जो परमेसरा रे पवित्र लोका री प्रार्थना जो दसी थी।