प्रकासना री गल्ला 13:3 - मंडयाली नंऊँआं नियम

³ होर मैं राक्सा रे मूंडा मन्झा ले एकी पर एडी भारी चोट लगिरी देखी, जेता ले से मरी सक्हा था। पर तेसरी से जान लेवा चोट ठीक हुई गई, होर सारी धरती रे लोक तेस राक्सा जो देखी किन्हें हरान हुई गये, होर तेस जो मनदे लगे।

प्रकासना री गल्ला 13:3 Iomraidhean Croise

लूका 2:1

तिन्हा ध्याड़े रोम देसा रे सम्राट औगुस्तुस महाराजे री तरफा ले हुक्म निकल्या कि, सारे रोम देसा रे लोका रे नांऊँ लिखे जाए।

यहून्ना 12:19

तेबे फरीसी लोके एक दूजे किन्हें बोल्या, “ये सही गल ई कि आस्से यीसू जो रोकणे मन्झ नाकामयाब हुई गईरे: देखा! एह्ड़ा लग्हा जिहां संसारा रे हरेक जण तेसरे चेले बणया करहा ऐं।”

चुणिरे चेले रे काम 8:13

तेबे समौने आपु भी फिलुप्पुसा रे प्रचारा पर विस्वास कितेया होर बपतिस्मा लई किन्हें फिलिप्पुसा साउगी रैहन्दा लग्या, होर चिन्ह होर बडे-बडे चमत्कारा रे काम हुंदे देखी किन्हें हरान हुंहाँ था।

प्रकासना री गल्ला 13:12

तिन्हें तेस हका रा इस्तेमाल कितेया, जो तेस जो पैहले राक्से दितिरा था, जेसरी जे जान लेवा चोट ठीक हुई गईरी थी। होर तिन्हें धरती पर रैहणे वाले सभ लोका पर दबाब पाया ई कि स्यों लोक तेस पैहले राक्सा री अराधना करहे।

प्रकासना री गल्ला 13:14

होर पैहले राक्सा जो दूजे राक्सा रे साम्हणें ये सारे चिन्हा दसणे रा हक दितिरा था। होर इन्हा चिन्हा रे ज्रीए से धरती पर रैह्णे वाले सभ लोका जो भड़काई करहा था। तिन्हें आदेस दितिरा था कि स्यों पैहले राक्सा री मूर्ति बणाए, जेस जो तलवारा किन्हें चोट लगीरी थी पर ऐबे से ठीक हुई गईरा था।

प्रकासना री गल्ला 17:10

होर ये सात राजेया जो होर तिन्हारे राजा जो भी दसे। तिन्हा मन्झ पांज ता मरी चुकिरे, होर तिन्हा मन्झा ले छठुआं राजा हाले राज करी करहा, होर आखरी वाल़ा राजा हली तक नी आईरा। होर जेबे तेस आऊंणा, ता कुछ टैम तक ही तेस राज करणा।

प्रकासना री गल्ला 17:11

होर जो राक्सा बौह्त पैहले जिउंदा था, होर पर ऐबे नी हाया, से ही आठुआ राजा। पर से आठुआ राजा तिन्हा साता मन्झा ले कोई एक हूंणा, होर आखरी मन्झ तेस राजे रा नास पक्का हूंणा।”

प्रकासना री गल्ला 17:13

इन्हा सभी राजेया एक ही काम करणे रे कठे राजी हूंणा, होर तिन्हा आपणी-आपणी सामर्थ होर हक तेस राक्सा जो देई देणा।”

प्रकासना री गल्ला 17:17

होर से ज्नाने, जो तैं देखी, ये से महान सैहर जो धरती रे सभ राजेया पर राज करही। तेस्सा किन्हें ये सभ कुछ इधी कठे हुआ, क्यूंकि परमेसरे ही तिन्हारे मना जो आपणे मकसदा जो पूरा करणे रे कठे बदली रा, होर एस वजहा ले जेबे तक परमेसरे जो बोलिरा, से पूरा नी हो, इन्हें सभिये राजे आपणा हक राक्सा जो देई दितिरा था।”

प्रकासना री गल्ला 17:6

होर मैं देख्या कि से परमेसरा रे पवित्र लोका रा खून पी किन्हें मुताली गईरी थी, जिन्हा जो लोके यीसू मसीह पर भरोसा रखणे री वजहा ले मारी दितिरा था। होर हांऊँ तेस्सा जो देखी किन्हें बड़ा हरान हुई गया।

प्रकासना री गल्ला 17:8

जो राक्स तैं देख्या, ये पैहले ता जिउंदा था, पर ऐबे जिउंदा नी आ। से डुगहे गड्ढे ले निकल्ने वाल़ा आ, होर परमेसरा तेसरा नास करी देणा। होर धरती रे रैहणे वाले जिन्हा लोका रे नांऊँ संसारा जो रचणे ले पैहले ले ही जिन्दगी री कताबा मन्झ नी लिखिरे, तिन्हा सभिया एस राक्सा जो दबारा जिउंदे देखी किन्हें हरान हूंणां।”