प्रकासना री गल्ला 13:2 - मंडयाली नंऊँआं नियम

² जो राक्स मैं देख्या, तेसरा सरीर चीते साहीं था, होर तेसरे पैर भालू साहीं थे, होर तेसरा मुंह सेरा साहीं था। होर तिन्हें अजगरे आपणी सामर्थ एस राक्सा जो देई दिती, होर तेस जो धरती पर राज करणे रा हक देई दितेया।

प्रकासना री गल्ला 13:2 Iomraidhean Croise

2 तिमिथियुस 4:17

पर प्रभु मेरा मददगार रैहया, होर तिन्हें मुंजो सामर्थ दिती; ताकि हांऊँ तेस कच्हरी मन्झ बैठीरे सभी लोका जो मसीह रे बारे मन्झ खुसी री खबरा रा प्रचार करी सकेया, होर सभ तेस गैर-यहूदी लोक तेसरे प्रचारा जो सुणी सके। होर एस तरहा तिन्हें हांऊँ मरणे ले बचाई लेया जिहां एक भूखे सेरा रे मुंहा ले बचाया।

1 पतरस 5:8

चतन्न रैहया, होर त्यार रैहया, क्यूंकि सैतान तुस्सा रा व्रोधी आ, जो तुस्सा पर वार करणा चाहां ताकि तुस्से परमेसरा रे हुकमा जो नी मान्नो। से गुर्राणे वाले सेरा साहीं एस ताका मन्झ रैंहयां कि, केस जो फाड़ी किन्हें खाई दे।

प्रकासना री गल्ला 12:13

होर जेबे अजगरो ये समझ आया कि, हांऊँ धरती पर डयाई दितिरा, ता तेस्सा ज्नाने जो जेस्सा रे जे मह्ठा हुईरा था, तेस्सा रे पीछे पई गया।

प्रकासना री गल्ला 12:15

होर अजगरे आपणे मुंहा ले नदी साहीं पाणी काढेया, होर तेस्सा ज्नाने वखा जो दलेया, ताकि से तेस नदी रे पाणी मन्झ बही किन्हें डूबी जाए।

प्रकासना री गल्ला 12:9

होर स्यों धरती पर डयाई दिते। होर से बडा अजगर, सेई पुराणा सांप, जेस जो जे सैतान बोल्हा ऐं। सेई आ जो सारे संसारा रे लोका जो भड़काहां।

प्रकासना री गल्ला 13:12

तिन्हें तेस हका रा इस्तेमाल कितेया, जो तेस जो पैहले राक्से दितिरा था, जेसरी जे जान लेवा चोट ठीक हुई गईरी थी। होर तिन्हें धरती पर रैहणे वाले सभ लोका पर दबाब पाया ई कि स्यों लोक तेस पैहले राक्सा री अराधना करहे।

प्रकासना री गल्ला 13:4

होर स्यों राक्सा री अराधना करदे लगे, होर बोलदे लगे कि, “एस राक्सा साहीं कुणहां? कुणहां तेस किन्हें लड़ी सक्हा?” होर लोक अजगरा री भी अराधना करदे लगे, क्यूंकि तिन्हें ही राक्सा जो राज करणे रे कठे आपणा हक दितिरा था।

प्रकासना री गल्ला 16:10

होर पान्जुए स्वर्गदूते जाई किन्हें आपणे डोंगें मन्झ ले परमेसरा रे गुस्से जो तेस राक्सा री राज्य पर दली दितेया, होर तेसरे राज्य मन्झ न्हयारा छाई गया। होर लोक बड़ी पीड़ा रे मारे आपणी-आपणी जीभ चाब्दे लगे।

प्रकासना री गल्ला 17:12

“होर जो दस सींग तैं पैहले देखे थे तिन्हा दस राजेया जो दसाहें, जिन्हें हली तक राज करणा सुर्हू नी कितिरा। तिन्हा दस राजेया जो तेस राक्सा साउगी राज करणे रा हक दितिरा, पर तिन्हा सिर्फ एक घंटे तक ही राज करणा।

प्रकासना री गल्ला 19:20

होर से पैहला राक्स होर तेस साउगी से दूजा राक्स जो झूठे भविस्यवाणी करहा, पखड़ी गया। एस झूठे भविस्यवाणी करणे वाले तेस राक्सा री जगहा चिन्ह दसे, होर स्यों सभ लोक भरमाए कि से सभ लोक तेसरी अराधना करहे, जिन्हें आपणे माथे पर तेसरी छाप लगाई री थी, होर तेसरी मूर्ति री अराधना कितिरी थी। स्यों दुहें जिन्दे जी आगा री झीला मन्झ पाई दिते, जो हमेसा गन्धका किन्हें भख्दी रही।

प्रकासना री गल्ला 2:13

हांऊँ ये ता जाणहां कि, तू जेस सैहरा मन्झ रैंहयां, जेथी सैताना रा गढ़ आ। तू मेरे कठे वफादार रैहया, होर तैं कधी मेरे पर विस्वास करणा नी छाडेया। तेबे भी नी जेबे अन्तिपास तुस्सा रे सैहरा मन्झ मारी दितिरा था, जेथी जे सैताना रा वास आ, क्यूंकि से भरोसे रे लायक सेऊआदार था जिन्हें मेरे बारे मन्झ प्रचार कितिरा था।

प्रकासना री गल्ला 20:2

होर तिन्हें तेस अजगरा जो, यानि पुराणे सांपा जो, जेसरा नाऊँ सैतान भी आ, पकड़ी लेया। होर से बान्ही किन्हें डुगहे गड्ढे मन्झ डयाई दितेया, होर दुराजा बंद करी दितेया होर तेस पर मोहर ल्गाई दिती, ताकि हज़ार साल पुरे हूंणे तक से जाति-जातिया रे लोका जो दबारा नी भड़काई सके। होर जेबे से टैम खत्म हुई जाणा, ता तेस जो थोह्ड़ी देरा रे कठे अजाद करी दितेया जाए।