प्रकासना री गल्ला 12:3 - मंडयाली नंऊँआं नियम

³ एक होर चिन्ह आसमाना मन्झ सुझ्या, होर एक लाल रंगा रा एक बडा अजगर जो की सैतान आ सूझेया। जेसरे सात मूंड होर दस सींग थे, होर हर एक मूंडा पर एक-एक ताज था।

प्रकासना री गल्ला 12:3 Iomraidhean Croise

प्रकासना री गल्ला 12:1

फेरी जेबे ये सभ कुछ हुई गया, ता आसमाना मन्झ एक बौह्त बड़ा चिन्ह सुझ्या। क्यूंकि एक ज्नाने, जो सूरज साहीं चमकणे वाले कपड़े पैन्ही रखी थी, होर चांद तेस्सा रे पैरा हेठ था। होर तेस्से आपणे मूंडा पर बारा तारे वाल़ा एक ताज पैन्ही रा था।

प्रकासना री गल्ला 12:13

होर जेबे अजगरो ये समझ आया कि, हांऊँ धरती पर डयाई दितिरा, ता तेस्सा ज्नाने जो जेस्सा रे जे मह्ठा हुईरा था, तेस्सा रे पीछे पई गया।

प्रकासना री गल्ला 12:17

होर एस वजहा ले अजगर तेस्सा ज्नाने पर गुस्सा हुआ, होर तेस जन्नाने रे बाकि संताना साउगी युद्ध करणे जो निकल्या, यानि तिन्हा लोका साउगी जो परमेसरा रे हुक्म मन्हां ऐं, होर जो लोक यीसू री प्रभु हूंणे री गुआही दे।

प्रकासना री गल्ला 12:4

होर तेसरी पूंछे आसमाना रे तारे रा एक तिहाई हिस्सा खिंजी किन्हें धरती पर डयाई दितेया। होर अजगर तेस्सा ज्नाने रे साम्हणें खड़ा हुई गया, ताकि अजगर बच्चे जो जणदे ही निगली ले।

प्रकासना री गल्ला 12:7

फेरी स्वर्गा मन्झ युद्ध हुआ। मीकाईल जो स्वर्गदूता रा प्रधान था, होर तेसरे संगी स्वर्गदूत अजगरा किन्हें लड़े, होर अजगरा रे दूता किन्हें तिन्हा किन्हें भी लड़े।

प्रकासना री गल्ला 12:9

होर स्यों धरती पर डयाई दिते। होर से बडा अजगर, सेई पुराणा सांप, जेस जो जे सैतान बोल्हा ऐं। सेई आ जो सारे संसारा रे लोका जो भड़काहां।

प्रकासना री गल्ला 13:1

होर मैं एक राक्स जो समुद्रा मन्झा ले निकल्दे हुए देख्या। जेसरे दस सींग होर सात मूंड थे, होर हर एक मूंडा पर एक-एक ताज था। होर तेसरे हर एक मूंडा पर परमेसरा रे नांऊँ लिखिरे थे, जेस जो बोलणे रा हक तेस जो नी था।

प्रकासना री गल्ला 13:2

जो राक्स मैं देख्या, तेसरा सरीर चीते साहीं था, होर तेसरे पैर भालू साहीं थे, होर तेसरा मुंह सेरा साहीं था। होर तिन्हें अजगरे आपणी सामर्थ एस राक्सा जो देई दिती, होर तेस जो धरती पर राज करणे रा हक देई दितेया।

प्रकासना री गल्ला 13:4

होर स्यों राक्सा री अराधना करदे लगे, होर बोलदे लगे कि, “एस राक्सा साहीं कुणहां? कुणहां तेस किन्हें लड़ी सक्हा?” होर लोक अजगरा री भी अराधना करदे लगे, क्यूंकि तिन्हें ही राक्सा जो राज करणे रे कठे आपणा हक दितिरा था।

प्रकासना री गल्ला 15:1

होर जेबे एह्ड़ा हुआ तेता ले बाद मैं आसमाना पर एक लग जे चिन्ह देख्या, जो बौह्त डरोणा होर नौखा था। सात स्वर्गदूत सात प्रकारा री लग कैहर जो लेई जाई करहा ऐं थे। क्यूंकि ये कैहर आखरी ऐं, होर इन्हारे पूरे हूंणे पर परमेसरा रा गुस्सा सांत जाणा।

प्रकासना री गल्ला 16:13

तेता ले बाद मैं तीन दुस्टात्मा जो देखेया, जो मिनके रे साहीं सूझी थी। तेता मन्झ ले एक अजगरा रे मुंहा ले निकलेया, होर एक पैहले होर दूजे राक्सा ले मुंहा ले निकलेया, होर एक झूठे भविस्यवाणी करणे वाले रे मुंहा ले निकलेया।

प्रकासना री गल्ला 17:12

“होर जो दस सींग तैं पैहले देखे थे तिन्हा दस राजेया जो दसाहें, जिन्हें हली तक राज करणा सुर्हू नी कितिरा। तिन्हा दस राजेया जो तेस राक्सा साउगी राज करणे रा हक दितिरा, पर तिन्हा सिर्फ एक घंटे तक ही राज करणा।

प्रकासना री गल्ला 17:16

से टैम आऊंणा जेबे से राक्स होर जो दस सींग यानि दस राजे जो तेसरे साउगी ऐं, तिन्हा तेस्सा वेस्या किन्हें नफरत करणी, जो तेस पर बैठीरी। तिन्हा तेस पर वार करणा होर से नांगा करी देणा, होर तेसरे मासा रा कुछ हिस्सा खाई देणा, होर बाकि आगी मन्झ फुकी देणा।

प्रकासना री गल्ला 17:7

तिन्हें स्वर्गदूते मेरे किन्हें बोल्या, “तू हरान मत हो। हांऊँ एस्सा ज्नानिया रा होर तेस राक्सा रा जेस पर से सुआर आ, होर जेसरे सात मूंड होर दस सींग ऐं, तेता री ल्कोईरी गल हांऊँ तुजो दस्हा।

प्रकासना री गल्ला 19:12

होर तेसरी हाखिया आगी री लपटा साहीं चमकी करहा ई थी, होर तेसरे मूंडा पर बौह्त सारे राज ताज थे। होर तेसरे सरीरा पर एक नांऊँ लिखिरा था, जेसरा मतलब तेस जो छाडी किन्हें होर कोई नी जाणदा था।

प्रकासना री गल्ला 20:2

होर तिन्हें तेस अजगरा जो, यानि पुराणे सांपा जो, जेसरा नाऊँ सैतान भी आ, पकड़ी लेया। होर से बान्ही किन्हें डुगहे गड्ढे मन्झ डयाई दितेया, होर दुराजा बंद करी दितेया होर तेस पर मोहर ल्गाई दिती, ताकि हज़ार साल पुरे हूंणे तक से जाति-जातिया रे लोका जो दबारा नी भड़काई सके। होर जेबे से टैम खत्म हुई जाणा, ता तेस जो थोह्ड़ी देरा रे कठे अजाद करी दितेया जाए।