“हे खुराजीन गांऊँआं, होर बैतसैदा गांऊँआं मन्झ रैहणे वाल़े लोको! तुस्सा जो बौह्त सजा मिलणी। जो चमत्कारा रे काम तुस्सा मन्झ किते गये, अगर स्यों सुर होर सैदा रे सैहरा रे मन्झ किते जांदे, ता तेथी रे लोक बौह्त पैहले ही स्यों टाट ढखी किन्हें, होर सुआही मन्झ बैठी किन्हें, ये दसदे कि तिन्हें पाप करना छाडी दितिरा।
प्रकासना री गल्ला 11:3 - मंडयाली नंऊँआं नियम3 होर तेस टैम मां आपणे दो गुआहा जो ये हक देणा कि, एक हजार दो सौ साठ ध्याड़े तक भविस्यवाणी करहे, होर तिन्हा टाट रे कपड़े पैन्ह्णे।” Faic an caibideil |
प्रकासना री गल्ला 11:3
43 Iomraidhean Croise
होर मसीह रे एस सरीरा मन्झ जो की कलीसिया ई, परमेसरे लग-लग लोका जो लग-लग काम दितिरा। पैहले तिन्हें चुणिरा चेलेया जो नियुक्त कितेया, दूजा तिन्हें नबिया जो जेह्ड़े परमेसरा री खबरा जो सुणाहें; त्रीजे तिन्हा जो नियुक्त कितेया जो स्खायें। तेता ले बाद तिन्हा लोका जो, जेस जो तिन्हें चमत्कारा रे काम करणे रा हक दितेया। तेता ले बाद तिन्हें स्यों लोक नियुक्त किते, जिन्हा वाले चंगाई करणे रा हक आ, फेरी तिन्हा लोका जो जेह्ड़े दूजेया री मदद करी सके। फेरी तिन्हें स्यों लोक नियुक्त किते जो अगुवे, फेरी तिन्हा जो भी जो लग-लग भासा बोलणे वाले, जो तिन्हें कधी भी नी सिखिरी हो।
पवित्र सास्त्रा मन्झ लिखिरा कि हर एक सिकायत दो या तीन गुआहा ले साबित किती जाणी। जेबे हांऊँ दूजी बारी तुस्सा वाले मिलदे आईरा था, तेबे मैं कुछ लोका जो चेतावनी दितिरी थी, जेह्ड़े पाप करहा ऐं थे। होर ऐबे हांऊँ एस चिठ्ठी रे ज्रीए सभी जो दबारा चेतावनी देहां, जिहां मै पैहले भी दितिरी थी। ऐबे हांऊँ त्रीजी बारी तुस्सा वाले आऊणें वाल़ा होर अगर ऐबे भी तिन्हें लोके पाप करणा नी छाडीरा हूँगा ता कोई भी तिन्हो सजा ले नी बचाई सकदा।
होर जेबे मैं ये सुणेया ता जो मेरे किन्हें ये गल्ला करी करहा था, हांऊँ तेसरे पैरा पर पई किन्हें तेसरी अराधना करणे ही वाल़ा था। पर तिन्हें मेरे किन्हें बोल्या, “देख, एह्ड़ा मत कर, सिर्फ परमेसरा री ही अराधना कर। क्यूंकि हांऊँ तुस्सा साहीं होर तुस्सा रे सभ विस्वासी भाई बैहणा साहीं परमेसरा रा एक सेऊआदार आ। जिन्हारी एक ई गुआही कि यीसू ही तिन्हारा प्रभु आ।” यीसूए जो ये सच्च जाहिर कितिरा से ही लोका जो परमेसरा री खबरा री भविस्यवाणी करणे री सामर्थ देहां।
फेरी मैं कुछ राजगद्दिया देखी, जिन्हा पर स्यों लोक बैठिरे थे, जिन्हारा मूंड यीसू मसीह रे बारे मन्झ खबर होर परमेसरा रे बचना सुनाणे री वजहा ले काटे गईरे थे। होर इन्हें लोके तेस राक्सा री, होर ना तेसरी मूर्ति री अराधना कितिरी थी, होर तिन्हें तेस राक्सा री छाप आपणे माथे होर आपणे हाथा पर लगाई री थी। स्यों मरिरे मन्झ ले जिउंदे हुई किन्हें राजगद्दिया पर बैठी गये। परमेसरे तिन्हो राज करणे रा हक दितेया, होर तिन्हें मसीह साउगी हज़ार साला तक राज कितेया।
Sanasan