प्रकासना री गल्ला 11:2 - मंडयाली नंऊँआं नियम

² होर मन्दरा रा बाहरले आंघणा जो मत नाप। क्यूंकि से तिन्हा लोका रे कठे देई दितिरा जो मेरे पर विस्वास नी करदे, होर तिन्हा मेरे पवित्र सैहरा पर ब्याली म्हीने तक राज करणा।

प्रकासना री गल्ला 11:2 Iomraidhean Croise

मत्ती 27:53

होर तेसरे मरिरे मन्झा ले जी उठणा ले बाद स्यों कब्रा मन्झा ले निकली किन्हें पवित्र गांऊँआं मन्झ गये, होर कईया जो सुज्हे।

मत्ती 4:5

तेबे सैताने यीसू पवित्र सैहरा यरुस्लेम मन्झ लई जाई किन्हें मन्दरा री चोटी पर खड़ा करी दितेया।

मत्ती 5:13

तुस्से धरती रे लोका रे कठे लूणां साहीं ऐं, अगर लूणा रा सुआद बिगड़ी जाए, ता से फेरी केस चीजा किन्हें लूणका बणाया जाणा? फेरी से केसी कामा रा नी आ, सिर्फ एता रे कि तेस जो बाहर सटी दितेया जाए होर माह्णुं रे पैरा हेठ जिकी दितेया जाए।

लूका 21:24

स्यों तलवारा किन्हें मारी दिते जाणे, होर कई दूजे देसा रे लोका मन्झ बंदी बणाए जाई किन्हें पूजाए जाणे, होर जेबे तक अन्यजाति लोका रा टैम पूरा नी हुई जाए, तेबे तक यरुस्लेम सैहर अन्यजाति लोका रे पैरा हेठ रौंदया जाणा।”

इब्रानियो 10:29

ता सोची लऊआ कि तिन्हा लोका जो कितनी ज्यादा सजा मिलणी, जिन्हें परमेसरा रे मह्ठे जो पैरा थाले रौंदया, होर परमेसरा री वाचा रा खूना जो बेकार समझ्या; जेस खूना रे ज्रीए पाप सुद्ध किते जाहें। होर जिन्हें पवित्र आत्मा री बेज्जती किती, जो आस्सो अनुग्रह देईं।

प्रकासना री गल्ला 11:11

होर साढे तीन ध्याड़े ले बाद परमेसरा री वखा ले जिन्दगी रा साह तिन्हा मन्झ समाई गया, होर स्यों आपणे पैरा रे भारे खड़े हुई गये। होर जिन्हें लोके स्यों दबारा जिउंदे देखेया से डरी गये।

प्रकासना री गल्ला 11:3

होर तेस टैम मां आपणे दो गुआहा जो ये हक देणा कि, एक हजार दो सौ साठ ध्याड़े तक भविस्यवाणी करहे, होर तिन्हा टाट रे कपड़े पैन्ह्णे।”

प्रकासना री गल्ला 12:6

होर से ज्नाने तेस बियाबान जंगला मन्झ भगी गई, जो जगहा परमेसरे तेस्सा रे कठे त्यार कितिरी थी कि, से तेथी एक हज़ार दो सौ साठ ध्याड़े तक पली सके।

प्रकासना री गल्ला 21:10

होर पवित्र आत्मा मेरे पर आई गई, होर तेस सामर्था रे ज्रीए एक मुंजो एक बडे होर उच्चे प्हाड़ा पर पुजाई दितेया, फेरी मुंजो पवित्र सैहर नंऊँआं यरुस्लेम, स्वर्गा ले परमेसरा वाले उतरदे हुए दसेया।

प्रकासना री गल्ला 21:2

फेरी मैं पवित्र सैहर नंऊँआं यरुस्लेम, स्वर्गा ले परमेसरा वाले उतरदे देख्या। होर से तेस्सा नौंईं लाड़ीया साहीं था, जिहां जे से आपणे नंऊँऐं लाड़े रे कठे सजी री हो, होर तेस किन्हें ब्याह करणे रे कठे त्यार हुई गईरी हो।

प्रकासना री गल्ला 22:19

होर अगर तुस्सा मन्झ ले कोई एस भविस्यवाणी री कताबा मन्झ लिखिरी गल्ला मन्झा ले कुछ काढी दे, ता परमेसरा तेस जो एस कताबा मन्झ लिखिरी आसिसा नी देणी; यानि पवित्र सैहरा मन्झा दाखल हूंणे रा हक नी देणा, होर जिन्दगी देणे वाले डाला ले फल खाणे रा भी हक नी देणा।