प्रकासना री गल्ला 10:5 - मंडयाली नंऊँआं नियम

⁵ होर जेस स्वर्गदूता जो मैं समुद्र होर धरती पर खड़ीरे देख्या, तिन्हें आपणा सीधा हाथ कसम खाणे रे कठे स्वर्गा वखा जो चक्या।

प्रकासना री गल्ला 10:5 Iomraidhean Croise

चुणिरे चेले रे काम 14:15

होर बोल्दे लगे, “हे लोको तुस्से क्या करेया करहा ऐं? आस्से भी ता तुस्सा साहीं दुःख सुख भोगी माह्णुंऐ, होर तुस्सा जो खुसी री खबर सुणाहें कि, तुस्से इन्हा बेकार चीजा ले लग हुई किन्हें जिउंदे परमेसरा री तरफ फिरा, जिन्हें स्वर्ग होर धरती होर समुद्र होर जो कुछ तिन्हा मन्झ आ बणाया।

चुणिरे चेले रे काम 17:23

क्यूंकि मैं घुमदे फिरदे हुए तुस्सा रे अराधना पाठ करणे री चीजा जो देख्या करहा था, ता एक एह्ड़ी बेदी भी मिली, जेस पर ये लिखिरा था कि, ‘अनजाणे इस्वरा रे कठे।’ इधी कठे जेसरी जे तुस्से बगैर जाणे प्छयाणे अराधना करहा ऐं, हांऊँ तुस्सा जो तेसरा बचन सुणाहां।”

रोमियो 1:20

हकीकता मन्झ लोक आपणी हाखिया किन्हें नी देखी पांदे कि से परमेसर कुणहां। पर जेबे ले परमेसरे ये संसार बणाया, होर संसारा री हर रचना तेस सामर्थी परमेसरा रा ब्खान करहा ई। क्यूंकि संसारा री रचना देखी किन्हें ये पता चल्हा कि इन्हारा बनाणे वाल़ा परमेसर आ, इधी कठे लोका वाले परमेसरा जो नी जाणने रा ऐबे कोई भाना नी आ।

इब्रानियो 6:13

परमेसरे अब्राहमा किन्हें वादा देंदे टैमा आपणे ही नांऊँआ री कसम खाध्ही क्यूंकि तेस ले बडा एह्ड़ा कोई नी था, जेसरा नांऊँ लेई किन्हें से कसम खांदा, होर तिन्हें बोल्या,

प्रकासना री गल्ला 1:18

होर हांऊँ ही आ, जो हमेसा रे कठे जिउंदा आ। हांऊँ मरी गईरा था, पर ऐबे जिउंदा हुई गईरा, होर जुग-जुग जिउंदा रेहणा। होर मौत होर पताल लोका री चाबिया मेरे वाले ई।”

प्रकासना री गल्ला 10:2

तिन्हें आपणा सीधा पैर समुद्रा पर, होर पुठा पैर धरती पर रखीरा था। होर तेसरे हाथा मन्झ एक छोटी कताब थी, जो खुलीरी थी।

प्रकासना री गल्ला 14:7

होर तिन्हें उच्ची अवाजा मन्झ बोल्या, “परमेसरा ले डरा, होर तेसरी महिमा करा; क्यूंकि ऐबे टैम आई गईरा कि से संसारा रे लोका रा न्याय करहे। होर तेसरी अराधना करा, क्यूंकि तिन्हें स्वर्ग होर धरती होर समुद्र होर पाणी रे सोते रचिरे।”

प्रकासना री गल्ला 16:17

होर सातुवे स्वर्गदूते जाई किन्हें आपणे डोंगें मन्झ ले परमेसरा रे गुस्से जो बागर पर दली दितेया। होर स्वर्गा रे मन्दरा रे अंदर परमेसरा री राजगद्दी वाले ले मुंजो केसी रे बोलणे री अवाज आई कि, “सभ कुछ पूरा हुई गया।”

प्रकासना री गल्ला 4:11

“आस्सा रा प्रभु परमेसर, तू ई बढ़ाई, होर इज्जत रे लायक आ; होर तू सामर्थी आ, क्यूंकि तैं सभी चीजा री रचना किती। तेरी ई इच्छा ले, स्यों चीजा बणाई गई होर बणी रैहीं।”

प्रकासना री गल्ला 4:9

जो राजगद्दी पर बैठिरा था, सेई आ जो जुग-जुग जिउंदा आ। होर जेबे-जेबे ये प्राणी तेस जो महिमा, इज्जत होर धन्यावाद दे थे तेबे चौबी अगुवे तेसरे पैरा पर पई किन्हें तेसरी अराधना करहा ऐं थे। होर स्यों राजगद्दी रे साम्हणें आपणा-आपणा ताज रखी देहें थे, होर बोले थे,