प्रकासना री गल्ला 10:1 - मंडयाली नंऊँआं नियम

¹ फेरी मैं एक होर सामर्थी स्वर्गदूत स्वर्गा ले उतरदे देख्या, जो बादल किन्हें ढख्ही रखिरा था। होर एक मेघ-धनुसे तेसरे मुंडा जो घेरी रखीरा था। होर तेसरा मुंह सूरजा साहीं चमकी करहा था, होर तेसरे पैर आगी रे खम्बे साहीं थे।

प्रकासना री गल्ला 10:1 Iomraidhean Croise

मत्ती 17:2

तेबे तिन्हारे साम्हणें यीसू रा रूप बधली गया, होर तेसरा मुंह सूरजा साहीं चमक्या होर तेसरे कपड़े प्रयासे साहीं चीटे हुई गये।

लूका 21:27

तेबे तिन्हा हांऊँ माह्णुं रा मह्ठा सामर्थ होर बड़ी महिमा साउगी बादला पर आऊंदे देखणा।

चुणिरे चेले रे काम 26:13

ता हे राजा, पैंडे मन्झ दोपहरा रे टैमा मैं आसमाना ले सूरजा रे तेजा ले बढ़ी किन्हें एक जोत आपणे गास होर आपणे साउगी चलणे वाले रे चारो तरफ चमक्दी देखी।

प्रकासना री गल्ला 1:7

सुणा, से बादला साउगी आऊणें वाल़ा आ। होर हर एकी माह्णुं से देखणा, बल्की जिन्हें जे से क्रूसा प्रयाल्हे भाले किन्हें कोती किन्हें मारी दितिरा था, तिन्हा भी से वापस आऊंदे हुए देखणा। होर धरती रे सारी जातिया रे लोका से देखणा, ता तिन्हा छाती पिटी-पिटी किन्हें रोणा। हां ये गल्ला पक्का हूणीं! आमीन।

प्रकासना री गल्ला 18:1

एता ले बाद मैं दूजे स्वर्गदूता जो स्वर्गा ले उतरदे देख्या। तेस वाले बौह्त बडा हक था, होर तेसरे बड़े प्रयासे री वजहा ले सारी धरती चमकी गई।

प्रकासना री गल्ला 18:21

फेरी एक सामर्थी स्वर्गदूते बडी चक्की रे पाटा साहीं एक बडे पात्थरा जो चकी किन्हें होर ये बोल्दे हुए समुद्रा मन्झ सट्टी दितेया कि, “बडी सैहर बाबेल भी इंहां ई एक बारी मन्झ नास हुई जाणी, होर फेरी कधी दबारा नी बणनी।

प्रकासना री गल्ला 20:1

फेरी मैं एक स्वर्गदूत स्वर्गा ले उतरदे देख्या; जेसरे हाथा मन्झ डुगहे गड्ढे री चाबी, होर एक बडी जंजीर थी।

प्रकासना री गल्ला 4:3

होर जो तेस राजगद्दी पर बैठीरा था, से चमकीले यसब होर माणिक्य जेह्ड़े कीमती पात्थरा साहीं सूझेया करहा था। होर तेस राजगद्दी रे चारो तरफ एक मेघ-धनुस था, जो मरकत पात्थरा साहीं चमक्या करहा था।

प्रकासना री गल्ला 5:2

फेरी मैं एक सामर्थी स्वर्गदूत देखेया, जो ऊची अवाजा मन्झ बोली करहा था कि, “कुण एह्ड़ा लायक आ, जो एस कताबा री मोहरा जो तोड़ी किन्हें तेता जो खोली सका?”

प्रकासना री गल्ला 8:13

होर तेबे मैं देखेया कि एक ईल्लण आसमाना पर बौह्त गास उडी करहा ई थी, होर तेस जो मैं उच्ची अवाजा मन्झ ये बोल्दे सुणेया कि, “जेबे आखरी रे तीन स्वर्गदूता जेबे आपणी तुरही बजाणी, ता संसारा मन्झ रैहणे वाले लोका पर कैहर! कैहर! बौह्त बडा कैहर आऊंणा!”