प्रकासना री गल्ला 1:9 - मंडयाली नंऊँआं नियम

⁹ हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।

प्रकासना री गल्ला 1:9 Iomraidhean Croise

मत्ती 20:23

यीसूए तिन्हा किन्हें बोल्या, “जो दुखा रा डोंगा हांऊँ पीणे वाल़ा आ, तुस्सा भी पीणा। पर तुस्सा जो आपणे ओरली वखा जो होर परली वखा जो बठयाल्णा मेरा काम नी आ। पर जिन्हारे कठे से जगहा त्यार किती गईरी, से तिन्हारे कठे ई।”

मरकुस 10:39

तिन्हें तेस किन्हें बोल्या, “आस्सा ले हुई सक्हा।” यीसूए तिन्हा किन्हें बोल्या, “जो दुखा रा डोंगा हांऊँ पीणे वाल़ा आ, तुस्सा भी पीणा; होर जो मौता रा बपतिस्मा हांऊँ लैणे वाल़ा आ, से तुस्सा भी लैणा।

यहून्ना 16:33

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

चुणिरे चेले रे काम 1:15

होर तिन्हा ध्याड़े एक ध्याड़े लगभग एक सौ बीह विस्वासी कठे थे, पतरस तिन्हारे बीच भरा खड़ी किन्हें बोल्दा लग्या,

चुणिरे चेले रे काम 14:22

होर हर गांऊँआं रे चेले रे मना जो मजबूत करदे रैहे होर ये उपदेस देंदे रैहे कि, “आस्सा जो बडे दुःख सही किन्हें परमेसरा रे राजा मन्झ दाखल करणा पऊणा।”

रोमियो 8:17

होर अगर आस्से बच्चे ऐं, ता वारिस भी ऐं, होर परमेसरा रे वारिस होर मसीह रे संगी वारिस ऐं। अगर आस्से मसीह साहीं दुःख सहन करहे ता तेस साउगी आस्से तेसरी महिमा मन्झ भी साझी हुयें।

रोमियो 8:25

पर जेस चीजा जो आस्से नी देख्दे, अगर तेता जो पाणे री आस रख्हा ऐं, ता धीरजा किन्हें तेसरा इंतजार भी करहा ऐं।

2 कुरिन्थियो 1:7

होर आस्सा री आस तुस्सा रे बारे मन्झ बिल्कुल पक्की ई; क्यूंकि आस्से जाणहां ऐं कि, जिहां तुस्से आस्सा रे दुःखा मन्झ सहभागी हुंहाँ ऐं, तिहां ईं तुस्से तेस तस्सली मन्झ भी सहभागी हो जो परमेसर आस्सा जो देआ।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 4:14

तेबे भी तैं भला कितेया कि, तुस्से पैसे री मदद करी किन्हें मेरे दुःखा मन्झ मेरे साझी बणे।

2 थिस्सलुनकियो 3:5

आस्से प्रार्थना करहे कि प्रभु यीसू मसीह तुस्सा जो ये गल जाहिर करहे कि, परमेसर तुस्सा किन्हें कितना प्यार करहा होर तुस्से से ही सबरा रखा, जो मसीहे भी रखीरा था।

2 तिमिथियुस 1:8

इधी कठे प्रभु यीसू मसीह रे बारे मन्झ दूजेयो जो दसणे रे कठे सर्मिन्दा नी हो, होर एता रे कठे भी सर्मिन्दा नी हो कि तेसरी सेऊआ करणे री वजहा ले हांऊँ हाले भी जेल्हा मन्झ आ। एता रे बजाय परमेसर जो तुस्सा जो सामर्था देआ, तेता रे ज्रीए खुसी री खबरा रे सुनाणे रे कठे मेरे साउगी दुःख उठा।

इब्रानियो 10:36

क्यूंकि तुस्सा जो सबर रखणा जरूरी ई, ताकि तुस्से परमेसरा री इच्छा जो पूरी करी सके। तेबे परमेसरा तुस्सा जो से सब कुछ देणा जेता रा देणे रा वादा तिन्हें तुस्सा किन्हें कितिरा।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

प्रकासना री गल्ला 1:1

एस कताबा मन्झ स्यों गल्ला ई जेसरा प्रकासन परमेसरे यीसू मसीह जो दितिरा। ताकि से आपणे सेऊआदारा जो स्यों लुख्ही री गल्ला जिन्हारा जल्दी हूंणा बौह्त जरूरी आ दसी सके। तेबे यीसूए आपणे स्वर्गदूता जो भेजेया कि, से इन्हा गल्ला जो तेसरे सेऊआदार यहून्ना जो दसी सके।

प्रकासना री गल्ला 1:2

यहून्ने से सभ कुछ लिख्या जो तिन्हें देखेया, यानि से खबर जेहड़ी परमेसरा ले आई, होर से सभ कुछ जो यीसू मसीहे बोल्या।

प्रकासना री गल्ला 1:4

हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।

प्रकासना री गल्ला 1:6

होर एस वजहा ले आस्से याजका रा एक परिवार बणी गईरे, जो आपणे परमेसर तेसरे बापू री सेऊआ करहे, होर तिन्हें आस्से एह्ड़े लोक बणाये जिन्हारा राजा परमेसर आ। इधी कठे यीसू मसीह जो महिमा होर सामर्थ जुग-जुग मिल्दी रहे। आमीन।

प्रकासना री गल्ला 11:7

होर जेबे इन्हा दुहींया आपणी गुआही देई बैठणा, ता तेस राक्सा तेस डुगहे गड्ढे ले निकल्ना, तेस इन्हा दुहीं साउगी लड़ी किन्हें स्यों हराई देणे होर स्यों मारी देणे।

प्रकासना री गल्ला 12:11

आस्सा रे विस्वासी लोके सैताने जो हराई दितिरा। तिन्हें छेलू रे खूना रे ज्रीए जो तिन्हारे पापा री माफी रे कठे बहाई दितिरा था। होर तिन्हारी एस गुआही री वजहा ले कि ये छेलू ही तिन्हारा प्रभु आ, तिन्हें से हराई दितेया। भले ही तिन्हों आपणे प्राण देणे पये, पर स्यों आपणी गुआही ले पीछे नी हटे।

प्रकासना री गल्ला 12:17

होर एस वजहा ले अजगर तेस्सा ज्नाने पर गुस्सा हुआ, होर तेस जन्नाने रे बाकि संताना साउगी युद्ध करणे जो निकल्या, यानि तिन्हा लोका साउगी जो परमेसरा रे हुक्म मन्हां ऐं, होर जो लोक यीसू री प्रभु हूंणे री गुआही दे।

प्रकासना री गल्ला 13:10

जेस जो बंदी हूंणे रे कठे नियुक्त कितिरा तेस कैदा मन्झ पऊणा, होर जो लोक इधी कठे नियुक्त कितिरे कि स्यों तलवारा किन्हें दूजेया जो मारे, तिन्हा तलवारा किन्हें मारने। इधी कठे परमेसरा रे पवित्र लोका जो धीरज रखी किन्हें दुःख सैहणा, होर तेस पर विस्वास करदे रेहणा।

प्रकासना री गल्ला 14:12

क्यूंकि ये सारी गल्ला हूंणे वाली, इधी कठे परमेसरा रे पवित्र लोका जो धीरज रखणा चहिए। ये स्यों लोक ऐं जो परमेसरा रे हुक्मा जो मन्हां ऐं, होर यीसू मसीह पर विस्वास रख्हा ऐं।

प्रकासना री गल्ला 19:10

होर जेबे मैं ये सुणेया ता जो मेरे किन्हें ये गल्ला करी करहा था, हांऊँ तेसरे पैरा पर पई किन्हें तेसरी अराधना करणे ही वाल़ा था। पर तिन्हें मेरे किन्हें बोल्या, “देख, एह्ड़ा मत कर, सिर्फ परमेसरा री ही अराधना कर। क्यूंकि हांऊँ तुस्सा साहीं होर तुस्सा रे सभ विस्वासी भाई बैहणा साहीं परमेसरा रा एक सेऊआदार आ। जिन्हारी एक ई गुआही कि यीसू ही तिन्हारा प्रभु आ।” यीसूए जो ये सच्च जाहिर कितिरा से ही लोका जो परमेसरा री खबरा री भविस्यवाणी करणे री सामर्थ देहां।

प्रकासना री गल्ला 20:4

फेरी मैं कुछ राजगद्दिया देखी, जिन्हा पर स्यों लोक बैठिरे थे, जिन्हारा मूंड यीसू मसीह रे बारे मन्झ खबर होर परमेसरा रे बचना सुनाणे री वजहा ले काटे गईरे थे। होर इन्हें लोके तेस राक्सा री, होर ना तेसरी मूर्ति री अराधना कितिरी थी, होर तिन्हें तेस राक्सा री छाप आपणे माथे होर आपणे हाथा पर लगाई री थी। स्यों मरिरे मन्झ ले जिउंदे हुई किन्हें राजगद्दिया पर बैठी गये। परमेसरे तिन्हो राज करणे रा हक दितेया, होर तिन्हें मसीह साउगी हज़ार साला तक राज कितेया।

प्रकासना री गल्ला 3:10

जेबे तुस्से दुखी थे ता तेता जो सबरा साउगी सहन करणे रे कठे तुस्से मेरी गल्ला जो मन्नेया, होर एस वजहा ले मां भी तू परीक्सा रे टैमा बचाई रखणा। ये परखणी रा टैम सभ संसारा रे लोका पर आऊंणा।

प्रकासना री गल्ला 6:9

होर जेबे छेलूए पान्जुहीं मोहर खोल्ही, ता मैं बेदी रे हेठ तिन्हा लोका रे प्राण देखे। जिन्हा जो परमेसरा रे बचना रे कठे भरोसे रे लायक रैहणे री वजहा ले, होर तिन्हो यीसू जो आपणा प्रभु मन्नणे रे कठे कधी नांह नी कितिरी थी, एस वजहा ले स्यों मारी दितिरे थे।

प्रकासना री गल्ला 7:14

मैं तेस किन्हें बोल्या, “हे माल्का, हांऊँ नी जाणदा, पर तू आप्हुए जाणहां।” तिन्हें मेरे किन्हें बोल्या, “ये स्यों लोक ऐं, जो तेस महान क्लेसा रे टैमा मरी गईरे थे, होर इन्हें आपणे कपड़े छेलू रे खूना मन्झ धोई किन्हें चिटे कीतिरे, यानि तिन्हारे पाप टाही दितिरे।”