प्रकासना री गल्ला 1:8 - मंडयाली नंऊँआं नियम

⁸ प्रभु परमेसर बोल्हा कि, “हांऊँ अल्फा होर ओमेगा यानि सुर्हूआत होर अंत हांऊँ ई आं। हांऊँ ई सर्वसक्तिमान आ, जो था, होर जो हाया, होर जो आऊणें वाल़ा आ।”

प्रकासना री गल्ला 1:8 Iomraidhean Croise

2 कुरिन्थियो 6:18

“होर मां तुस्सा रा बापू हूंणां, होर तुस्सा मेरे मह्ठे होर मह्ठीया हूंणां; ये सर्वसक्तिमान प्रभु परमेसरा रा बचना आ।”

प्रकासना री गल्ला 1:11

होर तेस अवाजे मेरे किन्हें बोल्या, “जो कुछ तू देख्हा, तेस जो कताबा मन्झ लिखी किन्हें सात कलीसिया जो भेजी दे, इफिसुस सैहरा, स्मुरना, पिरगमुन, थुआतिरा, सरदीस, फिलेदेलफिया, लौदिकिया सैहरा मन्झ ई।”

प्रकासना री गल्ला 1:17

होर जेबे मैं से देख्या, ता हांऊँ झटपट तेसरे पैरा पर पई गया होर मरिरे साहीं हुई गया। पर तिन्हें मेरे पर आपणा सीधा हाथ रखी किन्हें ये बोल्या कि, “डर मत, हांऊँ ही पैहला होर हांऊँ ही आखरी आ,

प्रकासना री गल्ला 1:4

हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।

प्रकासना री गल्ला 11:17

होर ये बोल्दे लगे, “हे सर्वसक्तिमान प्रभु परमेसर, जो था, होर जो हाया, आस्से तेरा धन्यावाद करहा ऐं, कि तैं ऐबे आपणी बड़ी सामर्थ दसीरी, होर संसारा मन्झ राज करणा सुर्हू कितिरा।

प्रकासना री गल्ला 15:3

होर तिन्हें परमेसरा रे सेऊआदार मूसा साहीं गाणा गाया, होर से गाणा छेलू बारे मन्झ था। होर स्यों इंहां गांदे लगिरे थे कि, “हे सर्वसक्तिमान प्रभु परमेसर, तेरे काम बडे होर नौखे ऐं, तू जो देस-देसा रे लोका रा राजा, तेरे हर काम धर्मा रे, होर सच्चे।”

प्रकासना री गल्ला 16:14

इन्हा दुस्टात्मा जो चिन्ह दसणे रा हक दितिरा था, होर तिन्हें जाई किन्हें धरती पर राज करणे वाले सब लोका जो कठ्ठा कितेया, ताकि स्यों जाई किन्हें सर्वसक्तिमान परमेसरा साउगी तेस बडे ध्याड़े लड़ाई करी सके।

प्रकासना री गल्ला 16:7

दबारा मैं तेस बेदी मन्झा केसी जो ये बोलदे हुए सुणा कि, “हां, हे सर्वसक्तिमान प्रभु परमेसर, जो सजा तैं इन्हा लोका जो दिती, से बिलकुल सच्ची होर सही ई।”

प्रकासना री गल्ला 19:15

तेसरे मुंहा ले एक पैन्नी तलवार निकला ई, जेता ले तेस सारे जाति-जातिया रे लोक हराणे, होर तेस लोहे रे राजदंडा किन्हें तिन्हा पर राज करणा। तेस सर्वसक्तिमान परमेसरा रा भयानक गुस्सा जाहिर करणा, जिहां अंगूरा रा रस तेसरे गड्ढे मन्झ जुक्की किन्हें काढी जाहाँ।

प्रकासना री गल्ला 19:6

फेरी मैं एह्ड़ी अवाज सुणी जो बौह्त लोका रे चिंगणे वाली अवाज साहीं थी, होर तिन्हारी अवाज बौह्त तेज चलने वाली समुद्रा री लैहरा री अवाज साहीं होर बादला री गर्जना साहीं बड़ी भारी थी। मैं तिन्हो ये गांदे हुए सुणेया, “हाल्लेलूयाह! परमेसर आस्सा रा प्रभु सर्वसक्तिमान आ होर सभ लोका पर राज करहा।

प्रकासना री गल्ला 2:8

तिन्हें मेरे किन्हें बोल्या, “होर स्मुरना सैहरा री कलीसिया रे दूत जो ये संदेस लिख कि: हांऊँ ही आ जो पैहला होर आखरी आ; हांऊँ मरी गईरा था पर ऐबे जिउंदा हुई गईरा। होर हांऊँ तुस्सा किन्हें ये बोल्हा कि:

प्रकासना री गल्ला 21:22

होर मैं तेस सैहरा कोई मन्दर नी देख्या, क्यूंकि सर्वसक्तिमान प्रभु परमेसर, होर छेलू तेस ई सैहरा मन्झ थे, इधी कठे तेथी मन्दरा री जरूरत नी।

प्रकासना री गल्ला 21:6

फेरी तिन्हें मेरे किन्हें बोल्या, “सभ गल्ला पूरी हुई गईरी। हांऊँ अल्फा होर ओमेगा यानि सुर्हूआत होर अंत हांऊँ ई आं। जो भी सोखा तेस जो मां हमेसा री जिन्दगी देणे वाले पाणी रे सोते मन्झा ले मुफ्त पयाणा।

प्रकासना री गल्ला 22:13

“हांऊँ अल्फा होर ओमेगा यानि सुर्हूआत होर अंत होर पैहला होर आखरी भी हांऊँ ई आं।”

प्रकासना री गल्ला 4:8

होर चारो प्राणिया रे छेह-छेह फान्ख थे, होर चारो पासे हाखिया ई हाखिया थी। होर स्यों राती ध्याड़ी बगैर अराम किते ये बोल्दी रैहीं थी कि, “पवित्र, पवित्र, पवित्र, सर्वसक्तिमान प्रभु परमेसर ई से आ, जो था, होर जो हाया, होर जो आऊणें वाल़ा आ।”