प्रकासना री गल्ला 1:7 - मंडयाली नंऊँआं नियम

⁷ सुणा, से बादला साउगी आऊणें वाल़ा आ। होर हर एकी माह्णुं से देखणा, बल्की जिन्हें जे से क्रूसा प्रयाल्हे भाले किन्हें कोती किन्हें मारी दितिरा था, तिन्हा भी से वापस आऊंदे हुए देखणा। होर धरती रे सारी जातिया रे लोका से देखणा, ता तिन्हा छाती पिटी-पिटी किन्हें रोणा। हां ये गल्ला पक्का हूणीं! आमीन।

प्रकासना री गल्ला 1:7 Iomraidhean Croise

मत्ती 16:27

क्यूंकि मां माह्णुं रे मह्ठे आपणे स्वर्गदूता साउगी आपणे बापू री महिमा मन्झ आऊंणा, होर तेस टैम तेस हर एकी जो तेसरे कामा रे मताबक इनाम देणा।

मत्ती 16:28

हांऊँ तुस्सा किन्हें सच्च बोल्हा कि एथी बौह्त लोक खड़ीरे कि जेबे तिन्हा हांऊँ माह्णुं रा मह्ठा तेसरे राजा मन्झ आऊंदे हुये देखी लैन्घे, तेबे ही तिन्हा मरणा।”

मत्ती 24:30

तेबे माह्णुं रे मह्ठे रा चिन्ह आसमाना मन्झ सूझ्णा, होर तेबे धरती रे सभ कुला रे लोका छाती पिटणी; होर तिन्हा हांऊँ माह्णुं रे मह्ठा बड़ी सामर्थ होर महिमा साउगी आसमाना रे बादला पर आऊंदे देखणा।

मत्ती 25:31

“जेबे मां माह्णुं रे मह्ठे आपणी महिमा मन्झ आऊंणा, होर सारे स्वर्गदूता मेरे साउगी आऊंणा। तेबे मां आपणी महिमा री राजगद्दी पर बैठ किन्हें लोका रा न्याय करणा।

मत्ती 26:64

यीसूए तेस किन्हें बोल्या, “तैं आप्हुए बोली दितेया; पर हांऊँ तुस्सा किन्हें ये भी बोल्हा कि, ऐबे ले तुस्सा हांऊँ माह्णुं रा मह्ठा सर्वसक्तिमान परमेसरा रे सीधी वखा जो बैठिरे, होर आसमाना रे बादला पर आऊंदे देखणा।”

मरकुस 13:26

तेबे लोका हांऊँ माह्णुं रा मह्ठा बडी सामर्था होर महिमा साउगी बादला मन्झ आऊंदे देखणा।

मरकुस 14:62

यीसूए बोल्या, “हां, हांऊँ आं! होर हांऊँ माह्णुं रा मह्ठा तुस्सा सर्वसक्तिमान परमेसरा री सीधी वखा जो बैठीरे देखणा, होर आसमाना रे बादला साउगी आऊंदे देखणा।”

लूका 21:27

तेबे तिन्हा हांऊँ माह्णुं रा मह्ठा सामर्थ होर बड़ी महिमा साउगी बादला पर आऊंदे देखणा।

यहून्ना 19:34

पर स्पाहीया मन्झा ले एकिये बरछे किन्हें तेसरी पसली छेदी होर तेता मन्झा ले तिहां ईं खून होर पाणी निकल्या।

यहून्ना 19:37

फेरी एक होर गल पवित्र सास्त्रा मन्झ ये लिखिरा आ से पूरी हुई कि, “जिन्हें से छेदेया, तिन्हा से देखणा।”

1 थिस्सलुनकियो 1:10

होर तेसरे मह्ठे यीसू रा स्वर्गा ले वापस आऊणें रा इंतजार करदे रैहया, जेस जो परमेसरे मरिरे मन्झा ले जिउंदा कितेया, होर जो आस्सा जो आऊणें वाले न्याय रे डरा ले बचाहां।

1 थिस्सलुनकियो 4:17

तेता ले बाद आस्से विस्वासी लोक, जो जिउंदे ऐं, तिन्हा साउगी आसमाना मन्झ प्रभु किन्हें मिलणे रे कठे बदला पर उठाए जाणे, होर तेबे ले आस्सा जुग-जुग आपणे प्रभु साउगी रैंह्णां।

इब्रानियो 10:29

ता सोची लऊआ कि तिन्हा लोका जो कितनी ज्यादा सजा मिलणी, जिन्हें परमेसरा रे मह्ठे जो पैरा थाले रौंदया, होर परमेसरा री वाचा रा खूना जो बेकार समझ्या; जेस खूना रे ज्रीए पाप सुद्ध किते जाहें। होर जिन्हें पवित्र आत्मा री बेज्जती किती, जो आस्सो अनुग्रह देईं।

इब्रानियो 6:6

एह्ड़े लोका जो परमेसरा वखा जो वापस आऊणें रा कोई रस्ता नी आ, क्यूंकि स्यों आपु परमेसरा रे मह्ठा जो दबारा क्रूसा प्रयाल्हे चढ़ाहें, जेस ले दूजे लोक मसीह रा मजाक ड़ुआयें।

1 यहून्ना 3:2

हे लाडले भाईयो होर बैहणो, ऐबे आस्से परमेसरा री बच्चे ऐं, होर हल्ली तक आस्सा जो नी पता कि आस्सा आगे क्या बणना! जो भी हो आस्से ये जाणहां ऐं कि, मसीह रे दबारा वापस आऊणें पर आस्सा भी तेस साहीं हूंणां, क्यूंकि जेह्ड़ा से आ, आस्सा से तेह्ड़ा ई देखणा।

यहूदा 1:14

होर हनोक जो पैहला माह्णुं आदमा रे बादा सातवीं पीढ़ी मन्झ जमीरा था, तिन्हें इन्हा लोका रे बारे मन्झ भविस्यवाणी किती, जेबे तिन्हें एह्ड़ा बोल्या कि, “देखा, प्रभु आपणे हज़ारों हज़ार पवित्र स्वर्गदूता साउगी पक्का आऊंणा,

प्रकासना री गल्ला 22:20

यीसू ही इन्हा गल्ला री गुआही देहां कि यूयाँ ऐं गल्ला सच्ची। से ये बोल्हा कि, “हां, हांऊँ जल्दी आऊणें वाल़ा आ!” तेबे मैं यहून्ने जबाब दितेया, आमीन, हे प्रभु यीसू आ!

प्रकासना री गल्ला 22:4

होर तिन्हा परमेसर आम्हणें-साम्हणें देखणा, होर तेसरा नांऊँ तिन्हारे माथे पर लिखिरा हूंणां।