प्रकासना री गल्ला 1:6 - मंडयाली नंऊँआं नियम

⁶ होर एस वजहा ले आस्से याजका रा एक परिवार बणी गईरे, जो आपणे परमेसर तेसरे बापू री सेऊआ करहे, होर तिन्हें आस्से एह्ड़े लोक बणाये जिन्हारा राजा परमेसर आ। इधी कठे यीसू मसीह जो महिमा होर सामर्थ जुग-जुग मिल्दी रहे। आमीन।

प्रकासना री गल्ला 1:6 Iomraidhean Croise

मत्ती 6:13

होर आस्सा री परखणी नी कर, पर आस्सा जो तेस दुस्ट सैताना ले बचा; क्यूंकि राज्य होर सामर्थ होर महिमा हमेसा तुस्सा रे ई ऐं।’ आमीन।”

रोमियो 11:36

क्यूंकि सभ कुछ परमेसरा री तरफा ले आ, होर तेसरे ज्रीए ही बणी रैहयां, होर तेसरे ही महिमा रे कठे आ। हांऊँ प्रार्थना करहा कि लोक परमेसरा री महिमा जुग-जुग करदे रहे। आमीन।

रोमियो 15:6

ताकि तुस्से सभ मिली किन्हें आस्सा रे परमेसर, प्रभु यीसू मसीह रे बापू री बड़ाई करा।

फिलिप्पियो 2:11

होर बापू परमेसर री महिमा रे कठे हर एक माह्णुं मनी ले कि यीसू मसीह ई प्रभु आ।

1 तिमिथियुस 6:16

सेई आ जो हमेसा रे कठे जिउंदा, होर जो एह्ड़े तेज प्रयासे मन्झ रैंहयां, जेसरे नजदीक कोई नी आई सकदा, जेस जो केसी माह्णुंऐ ना ता देखिरा, होर ना ता देखी सकदा, तेसरा आदर होर सामर्थ जुग-जुग रहे। आमीन।

1 पतरस 4:11

उदाहरणा रे कठे अगर तुस्सा वाले प्रचार करणे रा बरदान हो ता तुस्सा जो परमेसरा रे बचना रा प्रचार करणा चहिए। अगर दूजेया री मदद करणे रा वरदान आ ता परमेसरे तुस्सा जो, जो ताकत दितिरी, तेस ताकता ले दूजेया री मदद करहा। तेबे जो कुछ तुस्सा करणा तेता ले यीसू मसीह रे ज्रीए परमेसरा जो महिमा मिलणी। सारी महिमा होर सामर्थ जुग-जुग तेसरी ई! आमीन।

1 पतरस 5:11

तेस सामर्था किन्हें जुग-जुग राज करदा रेहणा। आमीन।

2 पतरस 3:18

एता रे बजाय आस्सा रे प्रभु, होर उद्धारकर्ता यीसू मसीह रे अनुग्रहा जो होर ज्यादा ले ज्यादा मैहसूस करदे रैहया। होर तेसरे बारे मन्झ जो तुस्से समझ रखे तेता मन्झ बढ़दे जाऊआ। तेसरी बढ़ाई ऐबे, होर जुग-जुग हुन्दी रहे। आमीन।

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।

प्रकासना री गल्ला 4:11

“आस्सा रा प्रभु परमेसर, तू ई बढ़ाई, होर इज्जत रे लायक आ; होर तू सामर्थी आ, क्यूंकि तैं सभी चीजा री रचना किती। तेरी ई इच्छा ले, स्यों चीजा बणाई गई होर बणी रैहीं।”

प्रकासना री गल्ला 5:10

तैं स्यों राजे बणाहें, होर आस्सा रे परमेसरा री अराधना रा काम करणे रे कठे याजक बणाये, होर तिन्हा धरती पर राजेया साहीं राज करणा।”