प्रकासना री गल्ला 1:4 - मंडयाली नंऊँआं नियम

⁴ हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।

प्रकासना री गल्ला 1:4 Iomraidhean Croise

यहून्ना 1:1

पुरे संसारा जो रचणे ले पैहले से था, जेस जो बचन बोल्या जाहाँ था, होर से परमेसरा साउगी था, होर सेई परमेसर था।

चुणिरे चेले रे काम 19:10

दो साल तक एह्ड़ा ई हुन्दा रैंहयां; एथी तक कि आसिया रे ईलाके रे रैहणे वाले क्या यहूदी लोक, क्या यूनान देसा रे सभीए प्रभु रा बचन सुणेया।

चुणिरे चेले रे काम 2:9

आस्से जेह्ड़े पारथी होर मेदी होर इलीमास लोक होर मेसोपोटामिया ईलाके होर यहूदिया ईलाके होर कप्पुदुकीया ईलाके होर पुन्तुस होर आसिया रे ईलाके रैहणे वाले।

रोमियो 1:7

ये चिठ्ठी रोम सैहरा रे लोका रे कठे ई, जिन्हा किन्हें परमेसर प्यार करहा होर आपणे पवित्र लोक हूंणे रे कठे चुणिरे। आस्से प्रार्थना करहे कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

1 कुरिन्थियो 1:3

हांऊँ प्रार्थना करहा कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

2 कुरिन्थियो 1:2

हांऊँ प्रार्थना करहा कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

इब्रानियो 13:8

यीसू मसीह काल होर आज होर जुग-जुग एक जेह्ड़ा आ होर कधी नी बदल्दा।

याकूब 1:17

क्यूंकि हर एक खरा वरदान होर हर एक खरा दान बापू परमेसरा री तरफा ले आ, जिन्हें हर प्रकारा री आसमाना री ज्योतिया बणाई। होर परमेसर इन्हा ज्योतिया रे बदल्दी छाऊँआ साहीं कधी नी बदल्दा आ।

प्रकासना री गल्ला 1:1

एस कताबा मन्झ स्यों गल्ला ई जेसरा प्रकासन परमेसरे यीसू मसीह जो दितिरा। ताकि से आपणे सेऊआदारा जो स्यों लुख्ही री गल्ला जिन्हारा जल्दी हूंणा बौह्त जरूरी आ दसी सके। तेबे यीसूए आपणे स्वर्गदूता जो भेजेया कि, से इन्हा गल्ला जो तेसरे सेऊआदार यहून्ना जो दसी सके।

प्रकासना री गल्ला 1:11

होर तेस अवाजे मेरे किन्हें बोल्या, “जो कुछ तू देख्हा, तेस जो कताबा मन्झ लिखी किन्हें सात कलीसिया जो भेजी दे, इफिसुस सैहरा, स्मुरना, पिरगमुन, थुआतिरा, सरदीस, फिलेदेलफिया, लौदिकिया सैहरा मन्झ ई।”

प्रकासना री गल्ला 1:17

होर जेबे मैं से देख्या, ता हांऊँ झटपट तेसरे पैरा पर पई गया होर मरिरे साहीं हुई गया। पर तिन्हें मेरे पर आपणा सीधा हाथ रखी किन्हें ये बोल्या कि, “डर मत, हांऊँ ही पैहला होर हांऊँ ही आखरी आ,

प्रकासना री गल्ला 1:20

इन्हा सात तारे रा जो तैं मेरे सीधे हाथा मन्झ देखिरे थे, होर तिन्हा सात सोने री दीऊदानिया एक गहरा मतलब आ, जो ऐबे मां तुस्सा जो दसणा, जो पैहले कधी भी जाहिर नी कितिरा था। स्यों सात तारे सात कलीसिया रे दूत ऐं, होर स्यों सात सोने री दीऊदानिया सात कलीसिया ई।

प्रकासना री गल्ला 1:8

प्रभु परमेसर बोल्हा कि, “हांऊँ अल्फा होर ओमेगा यानि सुर्हूआत होर अंत हांऊँ ई आं। हांऊँ ई सर्वसक्तिमान आ, जो था, होर जो हाया, होर जो आऊणें वाल़ा आ।”

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।

प्रकासना री गल्ला 16:5

होर मैं तेस स्वर्गदूता जो, जेस जो सारे पाणी पर हक आ, तेस जो परमेसरा किन्हें ये बोल्दे सुणेया कि, “हे पवित्र परमेसर, तू जो था, होर जो हाया, तैं संसारा जो ये सजा देई किन्हें बिलकुल सही न्याय कितिरा।

प्रकासना री गल्ला 2:12

तिन्हें मेरे किन्हें ये भी बोल्या कि, “पिरगमुन सैहरा री कलीसिया रे दूत जो ये संदेस लिख कि: हांऊँ ही आ जेस वाले तेज दोधारी तलवार ई। होर हांऊँ तुस्सा किन्हें ये बोल्हा कि:

प्रकासना री गल्ला 2:18

फेरी तिन्हें मेरे किन्हें बोल्या, “होर थुआतिरा सैहरा री कलीसिया रे दूत जो ये संदेस लिख कि: हांऊँ ई आ जो परमेसरा रा मह्ठा आ, होर जेसरी हाखिया आगी री लपटा साहीं चमकी करहा ई थी। होर जेसरे पैर भट्टी मन्झ तपाए गईरे बढ़िया कांसे साहीं चमकी करहे थे। होर हांऊँ तुस्सा किन्हें ये बोल्हा कि:

प्रकासना री गल्ला 2:8

तिन्हें मेरे किन्हें बोल्या, “होर स्मुरना सैहरा री कलीसिया रे दूत जो ये संदेस लिख कि: हांऊँ ही आ जो पैहला होर आखरी आ; हांऊँ मरी गईरा था पर ऐबे जिउंदा हुई गईरा। होर हांऊँ तुस्सा किन्हें ये बोल्हा कि:

प्रकासना री गल्ला 22:16

“मैं यीसू आ, होर मैं आपणे स्वर्गदूत इधी कठे भेजे कि, स्यों तुस्सा सभी जो कलीसिया रे लोका रे कठे ये गल्ला बोली सके। हांऊँ राजा दाऊदा रा बंस आ, होर हांऊँ तेज चमकणे वाल़ा भ्यागा रा तारा आ।”

प्रकासना री गल्ला 22:8

हांऊँ सेई यहून्ना आ, जो ये गल्ला सुणहां, होर देख्हा था। होर जेबे मैं ये गल्ला सुणी होर देखी, ता हांऊँ अराधना करणे रे कठे तेस स्वर्गदूत रे पैरा मन्झ पई गया, जो मुंजो ये गल्ला दस्हा करहा था।

प्रकासना री गल्ला 3:1

तिन्हें मेरे किन्हें ये बोल्या कि, “सरदीस सैहरा री कलीसिया रे दूत जो ये संदेस लिख कि: हांऊँ ई आ जेस वाले परमेसरा री सात आत्मा ई होर जिन्हें आपणे हाथा मन्झ सात तारे लितिरे। हांऊँ तुस्सा किन्हें ये बोल्हा कि: हांऊँ जाणहां कि तू क्या काम करहा, होर तुस्से मेरे पर आपणे विस्वासा जो लेई किन्हें जिउंदे ता सूझा, पर मेरा हुक्म नी मनणे री वजहा ले असली मन्झ तुस्से मरी गईरे।”

प्रकासना री गल्ला 3:14

फेरी तिन्हें मेरे किन्हें ये बोल्या कि, “लौदिकिया सैहरा री कलीसिया रे दूत जो ये संदेस लिख कि: हांऊँ ई आ जेस जो आमीन बोले, क्यूंकि हांऊँ भरोसे रे लायक आ, होर मैं परमेसरा रे बारे मन्झ गुआई देहां कि से सच्चा। हांऊँ ई आ जेसरे ज्रीए परमेसरे सारी सृस्टी री रचना किती। हांऊँ तुस्सा किन्हें ये बोल्हा कि:

प्रकासना री गल्ला 3:7

तिन्हें मेरे किन्हें ये बोल्या, “होर फिलेदेलफिया सैहरा री कलीसिया रे दूत जो ये संदेस लिख कि: हांऊँ ई आ जो पवित्र होर सच्चा आ, होर जेस वाले राजा दाऊदा री चाबी। जेसरे खोलिरे जो कोई बंद नी करी सक्दा, होर बंद कितिरे जो कोई खोल्ही नी सक्दा। हांऊँ तुस्सा किन्हें ये बोल्हा कि:

प्रकासना री गल्ला 4:5

होर तेस्सा राजगद्दिया मन्झा ले बिजलिया री चमक होर बादला री गड़गड़ाहट री अवाजा निकलेया करहा ई थी। होर राजगद्दी रे साम्हणें सात दिऊये भख्या करहा ऐं थे, होर जो परमेसरा री सात आत्मा थी।

प्रकासना री गल्ला 4:8

होर चारो प्राणिया रे छेह-छेह फान्ख थे, होर चारो पासे हाखिया ई हाखिया थी। होर स्यों राती ध्याड़ी बगैर अराम किते ये बोल्दी रैहीं थी कि, “पवित्र, पवित्र, पवित्र, सर्वसक्तिमान प्रभु परमेसर ई से आ, जो था, होर जो हाया, होर जो आऊणें वाल़ा आ।”

प्रकासना री गल्ला 5:6

होर तेबे मैं चारो प्राणी होर तिन्हा अगुवे रे बीचा मन्झ राजगद्दी रे पासे एक छेलू खड़ीरा देखेया। होर तेस छेलु पर एह्ड़े नसाण थे जिहां कि तेसरी बलि करी दितिरी हो। तेसरे सात सींग होर सात हाखिया थी; होर ये परमेसरा री सात आत्मा ई, जो सारी धरती पर भेजी गईरी।

प्रकासना री गल्ला 8:2

फेरी मैं परमेसरा रे साम्हणें खड़े हूंणे वाले सात स्वर्गदूता जो देख्या, होर तिन्हा जो सात तुरहिया दिती गईरी थी।