प्रकासना री गल्ला 1:3 - मंडयाली नंऊँआं नियम

³ धन्य ऐं से, जो एस भविस्यवाणी जो पढ़ी किन्हें दूजेया जो सुणाहें, होर स्यों भी धन्य ऐं, जो सुणहां ऐं, होर एता मन्झ लिखिरी गल्ला जो मन्हां ऐं, क्यूंकि ये गल्ला बौह्त जल्दी हूंणे वाली।

प्रकासना री गल्ला 1:3 Iomraidhean Croise

मत्ती 24:15

“पढ़ने वाले एस चेतावनी पर ध्यान दे, जेह्ड़ा दानियल नबिये एता रे बारे मन्झ बोलिरा था कि जेबे तुस्से लोक तेस्सा उजाड़णे वाली दुस्ट चीजा पवित्रजगहा मन्झ खड़ीरे देखो।

लूका 11:28

पर तिन्हें जबाब दितेया, “हां; पर धन्य ऐं स्यों, जो परमेसरा रा बचन सुणहां ऐं होर मन्हां ऐं।”

रोमियो 13:11

परमेसरा रा आस्सा जो एस बुरे संसारा ले उद्धार करणे रा टैम नेडे आ, होर इन्हा गल्ला जो जाणी किन्हें एक दूजे किन्हें प्यार करहा। क्यूंकि आस्से जेबे पैहली बारी विस्वास कितेया था, तेबे ले आस्सा रा उद्धार रा टैम होर भी नेडे आ। इन्हा गल्ला जो समझ्दे हुए निंद्रा ले जागिरे लोका साहीं त्यार होर चौकन्ने रहूआ।

रोमियो 13:12

एह्ड़ा लगहा कि रात बौह्त बीती गईरी हो, होर ध्याड़ा निकलणे वाल़ा आ, होर मसीह रा वापस आऊणें रा ध्याड़ा नेडे आ; इधी कठे लोक नह्यारे मन्झ रही किन्हें जो बुरे कामा जो करहे तिन्हो छाडी दे, होर प्रयासे मन्झ रही किन्हें बुरे कामा ले लड़ने रे कठे हथियार बान्ही लऊआ।

1 पतरस 4:7

सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

2 पतरस 3:8

हे लाडले भाईयो होर बैहणो, ये गल जो हांऊँ तुस्सा किन्हें बोली करहा कि एस गल्ला जो कधी देखेया भुलदे कि, प्रभु री नजरा मन्झ एक ध्याड़ा हजार साला रे बराबर आ, होर हजार साल एक ध्याड़े रे बराबर। (तेसरे कठे एक ध्याड़ा होर एक हजार साल सभ एक बराबर ऐं)

प्रकासना री गल्ला 22:10

तिन्हें मेरे किन्हें दबारा बोल्या, “एस कताबा मन्झ लिखिरी भविस्यवाणी री गल्ला जो लकोई किन्हें मत रख, क्यूंकि इन्हा गल्ला रा पूरा हूंणे रा टैम नेडे आई गईरा।

प्रकासना री गल्ला 22:12

तेबे प्रभु यीसूए बोल्या, हांऊँ जल्दी आऊणें वाल़ा आ! होर हर लोका जो तिन्हारे कामा रे मताबक इनाम देणे रे कठे या सजा देणे रे कठे आई करहा।

प्रकासना री गल्ला 22:20

यीसू ही इन्हा गल्ला री गुआही देहां कि यूयाँ ऐं गल्ला सच्ची। से ये बोल्हा कि, “हां, हांऊँ जल्दी आऊणें वाल़ा आ!” तेबे मैं यहून्ने जबाब दितेया, आमीन, हे प्रभु यीसू आ!

प्रकासना री गल्ला 3:11

हाऊँ जल्दी तुस्सा वाले वापस आऊणें वाल़ा। मेरे पर तुस्सा रा जो विस्वास आ, तेता जो मजबूत बणाई किन्हें रखा, ताकि कोई भी तुस्सा रे जीता रे इनामा जो छिनी नी ले, जो ताजा साहीं आ।