प्रकासना री गल्ला 1:1 - मंडयाली नंऊँआं नियम1 एस कताबा मन्झ स्यों गल्ला ई जेसरा प्रकासन परमेसरे यीसू मसीह जो दितिरा। ताकि से आपणे सेऊआदारा जो स्यों लुख्ही री गल्ला जिन्हारा जल्दी हूंणा बौह्त जरूरी आ दसी सके। तेबे यीसूए आपणे स्वर्गदूता जो भेजेया कि, से इन्हा गल्ला जो तेसरे सेऊआदार यहून्ना जो दसी सके। Faic an caibideil |
प्रकासना री गल्ला 1:1
30 Iomraidhean Croise
ऐबे आस्से परमेसरा री बढ़ाई करहे, जो तुस्सा जो मेरे सुणाई री खुसी री खबरा रे ज्रीए यानि यीसू मसीह रे बारे मन्झ कितिरे प्रचार रे मताबक, तुस्सा जो विस्वासा मन्झ मजबूत करी सक्हा। यीसू मसीह रे एस प्रचारे तुस्सा अन्यजाति लोका रे कठे परमेसरा री योजना जो जाहिर करी दितिरा, से योजना जो सुर्हू ले ही भेदा मन्झ ल्कोई रखिरी थी।
हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।
होर जेबे मैं ये सुणेया ता जो मेरे किन्हें ये गल्ला करी करहा था, हांऊँ तेसरे पैरा पर पई किन्हें तेसरी अराधना करणे ही वाल़ा था। पर तिन्हें मेरे किन्हें बोल्या, “देख, एह्ड़ा मत कर, सिर्फ परमेसरा री ही अराधना कर। क्यूंकि हांऊँ तुस्सा साहीं होर तुस्सा रे सभ विस्वासी भाई बैहणा साहीं परमेसरा रा एक सेऊआदार आ। जिन्हारी एक ई गुआही कि यीसू ही तिन्हारा प्रभु आ।” यीसूए जो ये सच्च जाहिर कितिरा से ही लोका जो परमेसरा री खबरा री भविस्यवाणी करणे री सामर्थ देहां।
तेता ले बाद स्वर्गदूते मेरे किन्हें बोल्या कि, “जो गल्ला तुस्सा किन्हें बोलिरी, स्यों भरोसे रे लायक, होर सच्ची ई। प्रभु परमेसर जिन्हें आपणी आत्मा सभी नबिया जो दितिरी, तिन्हें ही आपणे स्वर्गदूता जो एथी आऊणें रे कठे आदेस दितेया कि, आपणे सेऊआदारा जो स्यों गल्ला दसे। जिन्हारा बौह्त जल्दी पूरा हूंणां जरूरी आ।”
Sanasan