फिलिप्पियो 4:5 - मंडयाली नंऊँआं नियम

⁵ सभ लोक तुस्सा रे कोमल व्यवहार जो जाणी जाए; याद रखा कि प्रभु यीसू जल्दी आऊणें वाल़ा आ।

फिलिप्पियो 4:5 Iomraidhean Croise

मत्ती 6:25

इधी कठे हांऊँ तुस्सा किन्हें सच्च बोल्हा कि, आपणे जीणे रे कठे खाणे-पीणे फिकर मत करा। होर आपणे सरीरा रे कठे कपड़े री फिकर छाडी देआ। क्यूंकि जिन्दगी खाणे ले होर सरीर कपड़े ले बढ़ी किन्हें हाया

मत्ती 6:34

इधी कठे काला री फिकर मत करा, क्यूंकि काल्के ध्याड़ेया आपणी फिकर आपणे आप करी लैणी, आजके कठे आजा रा दुःख बौह्त आ।”

लूका 21:34

“इधी कठे चतन्न रैहया, एह्ड़ा नी हो कि तुस्सा रे मन खुमार होर पी किन्हें मुतालणा, होर एस जिन्दगी री चिंता किन्हें सुस्त हुई जाए, होर से ध्याड़ा तुस्सा पर फंदे साहीं एकदम आई जाए होर जिहां एक जानवर फंदे मन्झ अचानक फसी जाहें।

1 कुरिन्थियो 16:22

अगर कोई प्रभु किन्हें प्यार नी करहा, ता से स्रापित आ, हे आस्सा रे प्रभु, आई जा!

1 कुरिन्थियो 6:7

पर सच्च गल ता येई कि तुस्सा रे बीचा मन्झ कानूनी मुकद्दमे चलणे रा मतलब ये हुआ कि तुस्से एक मसीही जिन्दगी जीणे मन्झ हारी गईरे। इधी कठे कोई होर मसीही भाई या बैहण तुस्सा किन्हें गलत करहे, या धोखे किन्हें तुस्सा रा कुछ लेई ले ता तेता रे बदले मन्झ तुस्से कुछ मत करहा।

1 कुरिन्थियो 8:13

इधी कठे अगर मूर्तिया रे साम्हणें बलि कितिरे खाणे (मास) री वजहा ले केसी विस्वासी भाई होर बैहणा रा विस्वास कमजोर हुई जाहाँ, ता मां कधी भी एह्ड़ा खाणा नी खाणा जेसरी वजहा ले तेस आदमी रा विस्वास कमजोर हुई जाओ।

1 कुरिन्थियो 9:25

जो लोक दौड़ मन्झ दौड़ना चाहें स्यों पैहले एता री त्यारी करहे, होर हर तरहा रा सबर करहा ऐं, स्यों एह्ड़ा जीतणे रे कठे होर इज्जत पाणे रे कठे करहे। तिन्हारी इज्जत पातरा रे बणिरे मुक्टा किन्हें करी जाहीं, जो जल्दी सुक्की जाहें। पर आस्से जो यीसू मसीह मन्झ विस्वास करहे, आस्सा री भी इज्जत हूणीं, होर आस्सो एह्ड़ी आसीस मिलणी; जो जुग-जुग रे कठे बणी रैहणी। होर इधी कठे आस्सो होर भी सबर रखणा चहिए।

2 कुरिन्थियो 10:1

हांऊँ सेई पौलुस आ, जेसरे बारे मन्झ लोक बोल्हे कि जेबे हांऊँ तुस्सा रे साम्हणें हुआ ता बोलणे मन्झ फाहूका आ, पर तुस्सा ले दूर हूंणे पर कठोर हुई किन्हें बोला। तुस्सा ले मसीह री नम्रता, होर कोमलता री वजहा ले हांऊँ ये अर्ज करहा।

2 थिस्सलुनकियो 2:2

तुस्सा रा मन अचानक दुआस नी हुई जाये, होर ये सुणी के देख्या डरदे कि प्रभु आई गईरा। लोक एस गल्ला जो भविस्यवाणी रे ज्रीए या केसी खास संदेसा रे ज्रीए या केसी चिठ्ठी रे ज्रीए, तुस्सा तक पुजांगे होर बोलणा कि ये चिठ्ठी आस्सा री तरफा ले ई।

तितुस 3:2

केसी जो बदनाम नी करहे; झगड़ा नी करहे; पर दूजेया पर दया करहे, होर सभ माह्णुंआं किन्हें बड़ी नम्रता साउगी रहे।

इब्रानियो 10:25

होर एक दूजे साउगी संगती करणा नी छाडा, जिहां कि कईया जो मण्डली मन्झ नी आऊणें री आदत पई गईरी। एता रे बजाय पर एक दूजे जो होर भी हिम्मत देंदे रैहया, क्यूंकि तुस्से जाणांहे कि प्रभु जल्दी वापस आऊणें वाल़ा।

इब्रानियो 10:37

क्यूंकि जिहां पवित्र सास्त्रा मन्झ मसीह रे बारे लिखिरा कि, “ऐबे थोह्ड़ा ई टैम रही गईरा, जेबे कि आऊणें वाले आई जाणा, होर देर नी करणी।

1 पतरस 1:11

मसीह री आत्मा नबिया मन्झ थी, जो पैहले ले ही तिन्हो दसी थी कि मसीहा कियां दुःख सहन करना, होर तेता ले बाद तेस जो बड़ी इज्जत मिलणी। ता स्यों इन्हा गल्ला जो तोपे थे कि ये गल्ला संसारा मन्झ केबे हूणीं, होर तेस टैमा रा संसार केह्ड़ा हूंणां।

1 पतरस 4:7

सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

प्रकासना री गल्ला 22:20

यीसू ही इन्हा गल्ला री गुआही देहां कि यूयाँ ऐं गल्ला सच्ची। से ये बोल्हा कि, “हां, हांऊँ जल्दी आऊणें वाल़ा आ!” तेबे मैं यहून्ने जबाब दितेया, आमीन, हे प्रभु यीसू आ!

प्रकासना री गल्ला 22:7

“सुण, हांऊँ जल्दी आऊणें वाल़ा आ। धन्य ऐं स्यों, जो एस कताबा मन्झ लिखिरी भविस्यवाणी री गल्ला जो मन्हां ऐं।”