फिलिप्पियो 4:21 - मंडयाली नंऊँआं नियम

²¹ यीसू मसीह मन्झ हर एक पवित्र लोका जो हांऊँ नमस्कार बोल्हा। जो विस्वासी लोक मेरे साउगी ऐं, स्यों तुस्सा जो नमस्कार बोल्हा ऐं।

फिलिप्पियो 4:21 Iomraidhean Croise

मत्ती 5:47

होर अगर तुस्से आपणे भाई बैहणा जो ही नमस्ते करघे, ता कुण जे बडा काम करहा ऐं? क्यूंकि गैर-यहूदी जो परमेसरा री व्यवस्था जो नी मन्नदे स्यों भी एह्ड़ा करहे?

1 कुरिन्थियो 1:2

ये चिठ्ठी कुरिन्थुस सैहरा री परमेसरा री कलीसिया रे लोका रे कठे ईं। आस्से ये चिठ्ठी तुस्सा लोका रे कठे लिखदे लगिरे जिन्हा जो परमेसरे मसीह यीसू साउगी एक करी किन्हें आपणे लोक हूंणे रे कठे लग कितिरा। होर तिन्हें तुस्से सादीरे कि तुस्से तेसरे पवित्र लोक बणो, ठीक तिहां जिहां तिन्हें बाकि सब लोका जो भी चुणी लितिरा जो हर जगहा आस्सा रे प्रभु यीसू मसीह री अराधना करहा ऐं; क्यूंकि से आस्सा सभीरा प्रभु आ।

गलातियो 2:3

हालांकि तितुस, जो मेरे साउगी आ से यूनान देसा रा रैहणे वाल़ा; होर तेसरा खतना नी हुईरा। पर यरुस्लेम सैहरा री कलीसिया रे जाणे-माने अगुवे तेस जो अपनाणे रे कठे अपनाणे ले नांह नी कितेया। होर तिन्हें तेस जो खतना कुराणे रे कठे भी मजबूर नी कितेया।

इफिसियो 1:1

हांऊँ पौलुस, एस्सा चिठ्ठी जो लिखी करहा। होर हांऊँ परमेसरा री इच्छा ले यीसू मसीह रा चुणिरा चेला हूंणे रे कठे चुणिरा। हांऊँ ये चिठ्ठी इफिसुस सैहरा मन्झ रैहणे वाले तुस्से, जो परमेसरा रे पवित्र लोका ऐं, तुस्सा रे कठे लिखी करहा।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

फिलिप्पियो 4:7

तेबे सांति देणे वाले परमेसरा, जो माह्णुंआं री समझा ले बाहर आ, तुस्सा रे दिलो होर तुस्सा रे विचारा जो मसीह यीसू मन्झ सुरक्षित रखणा।