फिलिप्पियो 4:20 - मंडयाली नंऊँआं नियम

²⁰ आस्सा रे बापू परमेसरा री बढ़ाई जुग-जुग हुन्दी रहे। आमीन।

फिलिप्पियो 4:20 Iomraidhean Croise

मत्ती 28:20

होर इन्हा चेलेया जो, जो हुक्म मैं तुस्सा जो दितरे तिन्हारा पालन करणा सिखाऊआ: होर सूणां, हांऊँ संसारा रे खत्म हूंणे तक हमेसा तुस्सा साउगी आ।”

मत्ती 6:9

“इधी कठे, तुस्से इंहां करी किन्हें प्रार्थना करेया करा: ‘हे आस्सा रे बापू, तुस्से जो स्वर्गा मन्झ ऐं; तुस्सा रा नांऊँ पवित्र मन्या जाए।

रोमियो 11:36

क्यूंकि सभ कुछ परमेसरा री तरफा ले आ, होर तेसरे ज्रीए ही बणी रैहयां, होर तेसरे ही महिमा रे कठे आ। हांऊँ प्रार्थना करहा कि लोक परमेसरा री महिमा जुग-जुग करदे रहे। आमीन।

रोमियो 16:27

यीसू मसीह रे ज्रीए तेस ज्ञानी होर बुद्धिमान परमेसरा री जुग-जुग बढ़ाई हुन्दी रहे। आमीन।

इफिसियो 3:21

मसीह यीसू साउगी एक हूंणे री वजहा ले, सारे कलीसिया रे लोक परमेसरा री महिमा जुग-जुग करदे रहे। आमीन।

फिलिप्पियो 1:11

होर परमेसर री महिमा होर बड़ाई रे कठे तेस धार्मिकता रे भले कामा ले भरी जाऊआ, जो सिर्फ यीसू मसीह रे ज्रीए ही फला ऐं।

फिलिप्पियो 4:23

हांऊँ प्रार्थना करहा कि आस्सा रा प्रभु यीसू मसीह तुस्सा जो अनुग्रह देंदा रैहे।

1 तिमिथियुस 1:17

ऐबे अनंतकाला रा राजा, कधी भी नी मरणे वाल़ा, अनदेखे, होर एक सच्चा परमेसरा रा आदर होर महिमा जुग-जुग हुन्दी रहे। आमीन।

प्रकासना री गल्ला 1:6

होर एस वजहा ले आस्से याजका रा एक परिवार बणी गईरे, जो आपणे परमेसर तेसरे बापू री सेऊआ करहे, होर तिन्हें आस्से एह्ड़े लोक बणाये जिन्हारा राजा परमेसर आ। इधी कठे यीसू मसीह जो महिमा होर सामर्थ जुग-जुग मिल्दी रहे। आमीन।

प्रकासना री गल्ला 11:13

फेरी ठीक तेस ई टैम यरुस्लेम सैहरा मन्झ एक बड़ा हिलण हुआ, होर सैहरा रे घरा रा एक तिहाई हिस्सा ढली गया। होर तेस हिलणा ले सात हजार माह्णुं मरी गये, होर बाकि जितने लोक बचिरे थे स्यों डरी किन्हें चिंगदे लगे, होर स्वर्गा रे परमेसरा री महानता रे कठे तेसरी बढ़ाई करदे लगे।

प्रकासना री गल्ला 14:7

होर तिन्हें उच्ची अवाजा मन्झ बोल्या, “परमेसरा ले डरा, होर तेसरी महिमा करा; क्यूंकि ऐबे टैम आई गईरा कि से संसारा रे लोका रा न्याय करहे। होर तेसरी अराधना करा, क्यूंकि तिन्हें स्वर्ग होर धरती होर समुद्र होर पाणी रे सोते रचिरे।”

प्रकासना री गल्ला 5:12

होर स्यों उच्ची अवाजा मन्झ बोल्हा ऐं थे कि, “मारी दितिरा छेलू ई बड़ाई रे लायक आ, क्यूंकि तेसरी सामर्थ, धन, ज्ञान होर सक्ति महान ई। तेस जो हमेसा इज्जत होर महिमा मिलणी चहिए।”

प्रकासना री गल्ला 7:12

“आमीन! आस्सा रे परमेसरा री बड़ाई, महिमा, धन्यावाद, इज्जत, तेसरा ज्ञान, सामर्थ होर सक्ति जुग-जुग बणी रैहीं। आमीन।”