फिलिप्पियो 4:18 - मंडयाली नंऊँआं नियम

¹⁸ मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

फिलिप्पियो 4:18 Iomraidhean Croise

चुणिरे चेले रे काम 10:4

कुरनेलियुसे से ध्याना किन्हें देख्या, होर डरी किन्हें बोल्या, “हे प्रभु मुंजो दसा क्या गल ई?” तिन्हें तेस किन्हें बोल्या, “तेरी प्रार्थना होर तेरे दान यादगारा रे कठे परमेसरा रे साम्हणें पूजी गईरे।

रोमियो 12:1

इधी कठे हे भाईयो होर बैहणो, हांऊँ तुस्सा किन्हें परमेसरा री दया याद दिलाई किन्हें बिनती करहा कि आपणे आपा जो ही जिउंदे होर पवित्र, होर परमेसरा जो खुस करणे वाले बलिदान रे रूपा मन्झ चढ़ाऊआ; येई परमेसरा री अराधना करणे रा सच्चा तरीका आ।

2 कुरिन्थियो 11:8

मैं दूजी कलीसिया रे लोका ले दान ग्रहण कितेया; ताकि हांऊँ मुफ्ता मन्झ तुस्सा री सेऊआ करूं। इधी कठे तुस्से एह्ड़ा मत बोला कि मै कलीसिया रे लोक लुटे।

2 कुरिन्थियो 9:12

क्यूंकि ऐस सेऊआ जो पूरा करणे ले, ना सिर्फ परमेसरा रे पवित्र लोका री घटी पूरी हुंहाँ ईं, बल्की तिन्हा लोका री तरफा ले परमेसरा रा बौह्त ज्यादा धन्यावाद देणे री वजह बणी जाहीं।

इफिसियो 5:2

एक दूजे किन्हें साउगी प्यारा किन्हें जिन्दगी जीया; जेह्ड़ा मसीहे भी तुस्सा किन्हें प्यार कितेया, होर तुस्सा रे पापा जो माफ करणे रे कठे आपणे आपा जो बलिदान करी दितेया। परमेसर एता ले खुस हुआ, क्यूंकि से बलिदान तेसरे कठे मीठी मुस्का साहीं था।

फिलिप्पियो 4:12

हांऊँ कमी घटी मन्झ रैंह्णां भी जाणहां होर बढ़ती मन्झ रैंह्णां भी जाणहां; मैं हर एक गल्ला मन्झ होर हर हलाता मन्झ रजणा होर भूखा रैंह्णां, होर बढ़ना घटना सीखी लईरा।

2 थिस्सलुनकियो 1:3

हे भाईयो होर बैहणो, तुस्सा रे बारे मन्झ आस्सो हमेसा परमेसरा रा धन्यावाद करणा चहिए। आस्सा रे कठे ये करणा ठीक भी आ, क्यूंकि यीसू मसीह मन्झ तुस्सा रा विस्वास बौह्त बढ़ी गईरा, होर एक दूजे किन्हें तुस्सा रा प्यार होर भी ज्यादा बढ़दा जाहाँ।

इब्रानियो 13:16

पर भलाई होर जरूरत मंद लोका किन्हें आपणी चीजे बाडणा देख्या भुल्दे, क्यूंकि परमेसर एह्ड़े बलिदाना ले खुस हुंहाँ।

1 पतरस 2:5

होर तुस्से सभ विस्वासी भाई बैहण भी जो एक जिउंदे पात्थरा साहीं ऐं। परमेसर एकजुट हूंणे रे कठे जोड़ी करहा, जेस मन्झ परमेसरा री आत्मा वास करही, ताकि तुस्से भी तेस कामा री वजहा ले जो यीसू मसीहे आस्सा रे कठे कितिरा, याजका साहीं एह्ड़ा बलिदान चढ़ाऊआ जो परमेसरा जो ग्रहण करणे रे लायक हो,