फिलिप्पियो 4:14 - मंडयाली नंऊँआं नियम

¹⁴ तेबे भी तैं भला कितेया कि, तुस्से पैसे री मदद करी किन्हें मेरे दुःखा मन्झ मेरे साझी बणे।

फिलिप्पियो 4:14 Iomraidhean Croise

मत्ती 25:21

तेसरे माल्के तेस किन्हें बोल्या, ‘बौह्त बढ़िया, हे खरे होर भरोसे रे लायक नौकर, तू थोह्ड़े लेण देण संभाल्ने मन्झ भरोसे रे लायक रैहया, मां तुजो बौह्त सारी चीजा री जिम्मेदारिया देणी, आऊ मेरी खुसी मन्झ साझी बण।’

रोमियो 15:27

तिन्हें ये खुसी किन्हें कितेया, यरुस्लेम सैहरा रे लोक तिन्हारे कर्जदार भी ऐं, क्यूंकि परमेसरा ले खरी चीजा जो पाणे रे कठे यहूदी लोका साउगी अन्यजाति रे लोक भी साझी हुए, होर ये बिलकुल ठीक आ कि, एस दुनिया री खरी गल्ला मन्झ अन्यजाति रे लोक साउगी यहूदी लोक साझी हो।

गलातियो 6:6

जिन्हा लोका जो परमेसरा रा बचना सखाई जाहाँ, तेस जो आपणे स्खाणे वाले साउगी आपणा सभ कुछ (पैसा या खाणा) साझा करहे।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 4:18

मेरे वाले सभ कुछ हाया, बल्कि ज्रूरत ले भी ज्यादा आ। जो चीजा तुस्से इपफ्रुदीतुस रे हाथा ले भेजिरी थी तिन्हा जो पाई किन्हें हांऊँ रजी गईरा। स्यों मेरे कठे खुसबू देणे वाली भेंट साहीं आ, होर तेस बलिदान साहीं जो याजक परमेसरा रे साम्हणें चढ़ा, जेस जो परमेसर ग्रहण करहा, होर जो परमेसरा खरा लग्हा।

1 तिमिथियुस 6:18

होर तिन्हा किन्हें बोला कि स्यों भलाई करहे, होर बौह्त सारे भले काम करहे, होर दूजेया जो जेस भी चीजा री जरूरत हो तेस जो उदारता किन्हें बांडी दे।

इब्रानियो 10:33

कधी-कधी लोके सभिरे साम्हणें तुस्सा री बेज्जती किती, होर तुस्सा किन्हें हाथा-पाई किती, होर तुस्से कधी-कधी दूजेया री मदद किती जो तुस्सा साहीं दुखा मन्झ थे।

इब्रानियो 10:34

तुस्से कैदिया रे दुःखा मन्झ दु:खी हुए। होर जेबे होरी लोके तुस्सा रा सारा धन लुटेया, तेबे तुस्से इन्हा गल्ला जो खुसी किन्हें सहेया। क्यूंकि तुस्से जाणांहे थे कि तेता ले भी बांकी चीजा तुस्सा जो मिलणी जो जुग-जुग रे कठे ई।

इब्रानियो 13:16

पर भलाई होर जरूरत मंद लोका किन्हें आपणी चीजे बाडणा देख्या भुल्दे, क्यूंकि परमेसर एह्ड़े बलिदाना ले खुस हुंहाँ।

प्रकासना री गल्ला 1:9

हांऊँ यहून्ना तुस्सा रा विस्वासी भाई आ। यीसू मसीह साउगी एक हूंणे री वजहा ले हांऊँ दुःख सहन करहा, जिहां तुस्से भी करहे। हांऊँ परमेसरा रे राज्जा रा, जिहां कि तुस्से भी ऐ। होर मुंजो भी धीरज रखणा चहिए, जिहां कि तुस्से भी रखे। परमेसरा रे बचना रा प्रचार, होर मसीह रे सच्चे उपदेसा जो सुनाणे री वजहा ले कैदी बणाई किन्हें हांऊँ पतमुस टापू जो भेजी दितेया।