फिलिप्पियो 4:12 - मंडयाली नंऊँआं नियम

¹² हांऊँ कमी घटी मन्झ रैंह्णां भी जाणहां होर बढ़ती मन्झ रैंह्णां भी जाणहां; मैं हर एक गल्ला मन्झ होर हर हलाता मन्झ रजणा होर भूखा रैंह्णां, होर बढ़ना घटना सीखी लईरा।

फिलिप्पियो 4:12 Iomraidhean Croise

मत्ती 11:29

मेरा जुआ आपणे गास चकी लऊआ; होर मेरे ले सिखा; क्यूंकि हांऊँ नम्र होर मना मन्झ दीन आ: होर तुस्सा आपणे मना मन्झ अराम पाणा।

मत्ती 13:52

यीसूए तिन्हा किन्हें बोल्या, “इधी कठे हर एक व्यवस्था स्खाणे वाल़े जो स्वर्गा रे राज्या रा चेला बणी गईरा, से तेस घरा रे माल्का साहीं आं जो आपणे भण्डारा ले नौंईं होर पुराणी चीजा काढा।”

2 कुरिन्थियो 10:1

हांऊँ सेई पौलुस आ, जेसरे बारे मन्झ लोक बोल्हे कि जेबे हांऊँ तुस्सा रे साम्हणें हुआ ता बोलणे मन्झ फाहूका आ, पर तुस्सा ले दूर हूंणे पर कठोर हुई किन्हें बोला। तुस्सा ले मसीह री नम्रता, होर कोमलता री वजहा ले हांऊँ ये अर्ज करहा।

2 कुरिन्थियो 10:10

क्यूंकि तुस्सा मन्झ कुछ बोल्हा ऐं कि, “पौलुसा री चिठिया ता सख्त होर ठेस पौहुन्चाणे वाली ई; पर जेबे से आस्सा साउगी आ ता से सरीरा ले कमजोर होर ग्लाणे बोलणे मन्झ बौह्त फाहूका आ।”

2 कुरिन्थियो 11:27

मैं मैहनत किती होर संघर्स कितेया, होर कई रातीया जागी किन्हें काटी। हांऊँ भूख-प्यासा रहा होर खाणे रे कठे कुछ नी था। होर मैं ठंडा रे ध्याड़े काटीरे, होर मेरे वाले निघे कपड़े नी थे।

2 कुरिन्थियो 11:7

मैं आपणे आपा जो छोटा करी दितेया होर मुफ्ता मन्झ ही तुस्सा जो परमेसरा री खुसी री खबर रा प्रचार कितेया, ताकि तुस्से इज्जत पाओ; क्या एह्ड़ा करी किन्हें मै कुछ पाप कितेया?

2 कुरिन्थियो 11:9

होर जेबे हांऊँ तुस्सा साउगी था, होर मुंजो पैसे री कमी हुई, ता मैं केसी पर भार नी पाया, क्यूंकि विस्वासी लोके, मकीदुनिया ईलाके ले आई किन्हें मेरी कमी पूरी किती। होर मैं केसी गल्ला मन्झ आपणे आपा जो तुस्सा पर बोझ नी बणने दितेया, होर ना आगे बणने देणा।