फिलिप्पियो 4:11 - मंडयाली नंऊँआं नियम

¹¹ हांऊँ ये गल्ला इधी कठे नी बोल्दा लगिरा कि मुंजो केसी चीज़ा री कमी घटी; क्यूंकि मैं हर हालता मन्झ संतुस्ट रैहणा सीखी लितिरा।

फिलिप्पियो 4:11 Iomraidhean Croise

लूका 3:14

होर स्पहिए भी तेस ले ये पूछेया, “आस्से क्या करिए?” तिन्हें तिन्हा किन्हें बोल्या, “केसी पर अत्याचार नी करणा, होर ना झूठा दोस ल्गाणा, होर आपणी कमाई पर सन्तुस्ट रैंह्णां।”

2 कुरिन्थियो 11:27

मैं मैहनत किती होर संघर्स कितेया, होर कई रातीया जागी किन्हें काटी। हांऊँ भूख-प्यासा रहा होर खाणे रे कठे कुछ नी था। होर मैं ठंडा रे ध्याड़े काटीरे, होर मेरे वाले निघे कपड़े नी थे।

2 कुरिन्थियो 6:10

पर आस्से हमेसा दुखा रे टैमा भी खुसी म्नांहें। हलांकि आस्से आपु ता गरीब ऐं, पर कईया जो आत्मिक रूपा ले अमीर बणाई दितिरा। होर आस्सा वाले आपणा कुछ नी हाया, पर फेरी भी सब कुछ आस्सा रा आपणा। होर येही गल्ला जाहिर करही कि आस्से परमेसरा से सेऊआदार ऐं।

2 कुरिन्थियो 8:9

आस्सा रे प्रभु यीसू मसीह रे अनुग्रह जो तुस्से ठीक ढंगा किन्हें जाणहां ऐं कि, से अमीर हुई किन्हें भी तुस्सा रे कठे गरीब बणी गया ताकि तेसरे गरीब हुई जाणे ले तुस्से अमीर हुई जाओ।

2 कुरिन्थियो 9:8

तुस्सा री जरूरता ले बढ़ी किन्हें परमेसर तुस्सा जो सब किस्मा रा अनुग्रह देई सक्हा ऐं। जेस ले हर गल्ला मन्झ होर हर टैम, सब कुछ, जो तुस्सा रे कठे जरूरी हो, तुस्सा वाले रहे, ताकि भले काम रे कठे तुस्सा वाले जरूरता ले भी ज्यादा हो।

फिलिप्पियो 3:8

क्यूंकि हांऊँ आपणे मसीह जो जाणना चाहां, जो सभ चीजा ले कीमती आ, इधी कठे मैं इन्हा सारी चीजा जो बेकार समझा। मैं सभ चीजा जो छाडी दितेया, होर तिन्हा चीजा जो हांऊँ कूड़ा सम्झहा, ताकि हांऊँ यीसू मसीह जो जाणी सकूं।

इब्रानियो 10:34

तुस्से कैदिया रे दुःखा मन्झ दु:खी हुए। होर जेबे होरी लोके तुस्सा रा सारा धन लुटेया, तेबे तुस्से इन्हा गल्ला जो खुसी किन्हें सहेया। क्यूंकि तुस्से जाणांहे थे कि तेता ले भी बांकी चीजा तुस्सा जो मिलणी जो जुग-जुग रे कठे ई।